أنت تستخدم أحد المتصفحات القديمة. قد لا يتم عرض هذا الموقع أو المواقع الأخرى بشكل صحيح.
يجب عليك ترقية متصفحك أو استخدام أحد المتصفحات البديلة.
يجب عليك ترقية متصفحك أو استخدام أحد المتصفحات البديلة.
تجربتي في زراعة اللحية والشارب / عيادة الدكتور سركان / 28 سبتمبر 2015
- بادئ الموضوع 7amani
- تاريخ البدء
ابي اسأل هل في امكانية بعد العمليه بفتره انك تخلي لحيتك dirty look او ال five o'clock shadow ؟! او راح يبين اثر ؟!
هلا والله
اي نعم تقدر تخليها.. واذا كثافة الشعر المزروع عندك ممتازة اتوقع الستايل بيطلع ممتاز اكثر
وبالنسبة للأثر : اذا قصدك القنوات المفتوحة للبصيلات فلا تحاتي مع الوقت تختفي وما يبقى لها اي اثر.. حتى اذا حلقت الشعر بالموس( بعد 6 اشهر من العملية) ما راح يبين اي اثر وبيكون الوجه طبيعي.
بالتوفيق لك
تحياتي
والله العظيم صار لي شهور اسأل واول مره واحد يشفي غليلي ويخليني ارتاح نفسيا..اسأل الله العظيم ان يوفقك يا اخ حمني
اجمعين حبيبي على راسي والله ♡♡
واي استفسار لا تتردد انا حاظر
تحياتي
اخوي حماني انا من البحرين وحاب اتواصل معاك .. عندك حساب كيك اقدر اكلمك عليه لان ممنوع وضع الارقام او الايميلات
يا هلا والله
تفضل هذا الكيك
يمنع وضع حسابات التواصل الاجتماعي (الادارة)
التعديل الأخير بواسطة المشرف:
مساء النور عزيزي
اول شي حاب اقولك ان هالمرحلة اتوقع الكل مر فيها ومنهم انا.. اول ما دشت في راسي الفكرة وكنت متحمس قمت ابحث عن عمليات الزراعة لاني كنت ما اعرف ولا شي عن طريقة العملية.. ومن زود ما حظي نحس اول عملية زراعة جفتها في يوتيوب كانت بطريقة الشريحة ههههههههههههههه على طول غيرت رايي وقلت خلني على الزلوف اهون بلا لحية بلا كلام فاضي احسن من يقصون جزء راسي هههههههههه.. بعدها بفترة قمت ابحث اكثر عن طرق زراعة الشعر وعرفت ان فيه طريقة الاقتطاف واتطمنت ومع البحث في النت وصلت للمنتدى هذا وعرفت كل اللي ابيه واستعديت نفسيا وتوكلت على الله.
بالنسبة لفترة ما بعد العملية
الانتفاخ : يختفي في اول اسبوع ويرجع وجهك مثل قبل.
الاحمرار : يعتمد على نوع بشرتك.. وحتى لو طول معاك تراه مو مثل ما انت متخيل يعني محد راح يلاحظه الا اذا قرب منك وقعد يدقق.. يعني ما يلفت النظر لدرجة ان اللي يجوفك على طول يعرف او يحس بشي غريب
وبالنسبة للعملية والناس تعرف او ما تعرف
الناس المقربين لك واللي عايشين وياك شي طبيعي انهم راح يعرفون.. وربعك اللي تجوفهم كل يوم لو كل يومين بعد شي طبيعي انهم بيعرفون اما بالنسبة للناس اللي ما تجوفهم واجد لا تحاتي محد بيعرف لانهم ما لاحظوا التغيير المفاجئ.
وبالنسبة للناس اللي ما تعرفهم فما اعتقد ان راح يعرف انك مسوي عملية يعني بعد ما تتساقط القشور ( بعد اسبوعين من العملية ) بيكون الشكل مقبول انك تطلع وتروح وتجي.. يعني مستحيل تمر على واحد في الشارع ويعرف انها عملية ( الا اذا كان مسوي زراعة من قبل او عنده خلفية عن العملية يمكن يعرف )
اذا صار لك 25 يوم من العملية او شهر في هالفترة بيكون الشعر تساقط وقلت كثافته لكن الاحمرار بيعطي مظهر ان اللحية للحين محددة كامل( انا بالنسبة لي الاحمرار كان خفيف الحمدلله في هالفترة وكان يعطي مظهر اني مخفف اللحية وطبعا فيه شعر موجود ما تساقط فاخففه بالمقص او المكينه عشان الشكل يكون مرتب اكثر والامور ماشية طبيعي الحمدلله)
في النهاية احب اقولك اذا انت ملزم ع العلمية توكل على وسوها ولا تخلي التفكير يغير رايك.. هي كلها فترة بسيطة وتعدي وبعدها ترتاح نفسيا طول عمرك.. وحالة الوسواس هذي شي طبيعي بس في النهاية بتكتشف انك مضخم الموضوع زيادة عن اللزوم وبتجوف الوضع طبيعي وردة فعل الناس بتكون غير عن اللي في بالك.. بالنسبة لي انا اول ما رجعت ديرتي وطلعت مع الشباب كنت متردد اطلع قلت لهم خلنه نقعد في مكان نسولف وخلاص ( لاني كنت خايف ان الكل يجوفني ويقعد يطالعني بنظرات غريبة ) لكن طلعت واكتشف ان محد معبرني وداري عن هوا داري ههههههههههههه والامور كلها طبيعية ولا جنه صاير شي فزادت فيني الثقة وتغلبت على الوسواس واكتشفت اني اوسوس لاني اعرف اني مسوي عملية .
في النهاية بالتوفيق لك ومسامحة طولت في الرد
تحياتي
الله يسعدك عزيزي وتشوف نتائج من افضل لافضل بأذن الله , اجل بأتوكل على الله والي يصير يصير^__^
الله يسعدك عزيزي وتشوف نتائج من افضل لافضل بأذن الله , اجل بأتوكل على الله والي يصير يصير^__^
اجمعين يارب ♡
تحياتي لك
وبالتوفيق
ماشاءالله تحسن كبير والله يسعدك بالنتائج
انا بعد سويت العمليه بس بتاريخ 3 سبتمبر يعني بيننا 25 يوم بالضبط
بس كان عندي شعر أساسي وسويت زراعة فراغات
نصايح عليك بالتشاي الأخضر يساعد ع تحسين البشره :d
حبيب والله على راسي ♡
ومشكور ع النصايح
بالتوفيق لك وتحياتي ♡
انا كل شوي اتذكر سؤال
انا عندي الشنب والسكسوكهزطالعين لكن نوعا ما فيهم فراغات خفيفه وماعندي عوارض..اخاف اذا زرعت يصير في فرق واضح بينهم حتى وان كثفت الشنب والسكسوكه ! هذي اخر نقطه شاغله بالي صراحه
يا هلا والله
اول شي حاب اقولك خذ راحتك واي استفسار لا تتردد انا حاضر
وبخصوص استفسارك.. هم بيزرعون لك العوارض على كثافة معينة.. اذا حسو ان كثافة العوارض المزروعة بتصير اكثر من كثافة الشنب والسكسوكة عندك فراح يكثفون لك الشنب والسكسوكة عشان تصير اللحية كلها نفس الكثافة وما راح يصير بينهم فرق .. وبالنسبة للشعر ايضا ماراح يصير فرق بين الشعر القديم والمزروع خصوصا اذا اكتمل نمو الشعر المزروع.
بالتوفيق لك تحياتي
يعني ماشالله عليك فوق سعة صدرك و اخلاقك ايضا شرحك وافي..عسى الله يحفظك ويكثر من امثالك
اجمعين يارب ♡
على راسي والله تسلم لي على الكلام الجميل ♡♡
بالنسبة لعيادة دكتور سركان..هل لديهم فريق واحد فقط او اكثر من فريق؟! واذا اكثر من فريق هل فيه امكانية اكلم المنسق يخليني مع فريق له خبره ؟
هو طاقم اللحية واحد اتوقع.. لكن اذا يصير عندهم ضغط يخلون اي طاقم ثاني يزرع اللحية.. وطبعا من حقك تقول للمنسق انا ابغي الطاقم المختص في اللحية فقط وما ابغي طاقم غيره.. حتى لو اضطريت تاجل العملية ليوم ثاني اذا كان الطاقم المختص باللحية مشغول مثلا.. لان زراعة الرأس تختلف عن زراعة الذقن ويبيلها خبرة ودقة اكثر عشان اتجاه الشعر والرسمة وغيرها من امور.. ف لازم تاكد على المنسق اول ما تكلمه واذا رحت هناك بعد اكد عليهم ما يحطونك عند اي طاقم.. لان العيادة عندهم لخبطة مو طبيعية في المواعيد
تحياتي
بالنسبة لعيادة دكتور سركان..هل لديهم فريق واحد فقط او اكثر من فريق؟! واذا اكثر من فريق هل فيه امكانية اكلم المنسق يخليني مع فريق له خبره ؟
نسيت اذكر ان الطاقم المختص باللحية نسائي وغالبا يكون معاهم شاب يساعدهم في فرز البصيلات والعد
تحياتي
الف شكر ياحمني وبيض الله وجهك.. بشرني عن صحتك وكيف النتايج معاك الان؟
اجمعين يارب ♡
الحين صار لي 53 يوم من العملية والحمدلله كلشي تمام والامور بخير وبديت الاحظ نمو شعر جديد صغير جدا اذا اقرب من المنظرة اجوفه
بالتوفيق لك ♡
تحياتي