تجربتي في زراعة اللحية والشارب / عيادة الدكتور سركان / 28 سبتمبر 2015
- بادئ الموضوع 7amani
- تاريخ البدء
مساء النور عزيزي
اول شي حاب اقولك ان هالمرحلة اتوقع الكل مر فيها ومنهم انا.. اول ما دشت في راسي الفكرة وكنت متحمس قمت ابحث عن عمليات الزراعة لاني كنت ما اعرف ولا شي عن طريقة العملية.. ومن زود ما حظي نحس اول عملية زراعة جفتها في يوتيوب كانت بطريقة الشريحة ههههههههههههههه على طول غيرت رايي وقلت خلني على الزلوف اهون بلا لحية بلا كلام فاضي احسن من يقصون جزء راسي هههههههههه.. بعدها بفترة قمت ابحث اكثر عن طرق زراعة الشعر وعرفت ان فيه طريقة الاقتطاف واتطمنت ومع البحث في النت وصلت للمنتدى هذا وعرفت كل اللي ابيه واستعديت نفسيا وتوكلت على الله.
بالنسبة لفترة ما بعد العملية
الانتفاخ : يختفي في اول اسبوع ويرجع وجهك مثل قبل.
الاحمرار : يعتمد على نوع بشرتك.. وحتى لو طول معاك تراه مو مثل ما انت متخيل يعني محد راح يلاحظه الا اذا قرب منك وقعد يدقق.. يعني ما يلفت النظر لدرجة ان اللي يجوفك على طول يعرف او يحس بشي غريب
وبالنسبة للعملية والناس تعرف او ما تعرف
الناس المقربين لك واللي عايشين وياك شي طبيعي انهم راح يعرفون.. وربعك اللي تجوفهم كل يوم لو كل يومين بعد شي طبيعي انهم بيعرفون اما بالنسبة للناس اللي ما تجوفهم واجد لا تحاتي محد بيعرف لانهم ما لاحظوا التغيير المفاجئ.
وبالنسبة للناس اللي ما تعرفهم فما اعتقد ان راح يعرف انك مسوي عملية يعني بعد ما تتساقط القشور ( بعد اسبوعين من العملية ) بيكون الشكل مقبول انك تطلع وتروح وتجي.. يعني مستحيل تمر على واحد في الشارع ويعرف انها عملية ( الا اذا كان مسوي زراعة من قبل او عنده خلفية عن العملية يمكن يعرف )
اذا صار لك 25 يوم من العملية او شهر في هالفترة بيكون الشعر تساقط وقلت كثافته لكن الاحمرار بيعطي مظهر ان اللحية للحين محددة كامل( انا بالنسبة لي الاحمرار كان خفيف الحمدلله في هالفترة وكان يعطي مظهر اني مخفف اللحية وطبعا فيه شعر موجود ما تساقط فاخففه بالمقص او المكينه عشان الشكل يكون مرتب اكثر والامور ماشية طبيعي الحمدلله)
في النهاية احب اقولك اذا انت ملزم ع العلمية توكل على وسوها ولا تخلي التفكير يغير رايك.. هي كلها فترة بسيطة وتعدي وبعدها ترتاح نفسيا طول عمرك.. وحالة الوسواس هذي شي طبيعي بس في النهاية بتكتشف انك مضخم الموضوع زيادة عن اللزوم وبتجوف الوضع طبيعي وردة فعل الناس بتكون غير عن اللي في بالك.. بالنسبة لي انا اول ما رجعت ديرتي وطلعت مع الشباب كنت متردد اطلع قلت لهم خلنه نقعد في مكان نسولف وخلاص ( لاني كنت خايف ان الكل يجوفني ويقعد يطالعني بنظرات غريبة ) لكن طلعت واكتشف ان محد معبرني وداري عن هوا داري ههههههههههههه والامور كلها طبيعية ولا جنه صاير شي فزادت فيني الثقة وتغلبت على الوسواس واكتشفت اني اوسوس لاني اعرف اني مسوي عملية .
في النهاية بالتوفيق لك ومسامحة طولت في الرد
تحياتي
ابو ليلى المهلهل
New Member
- إنضم
- 18 أكتوبر 2015
- المشاركات
- 9
- مستوى التفاعل
- 0
- النقاط
- 1
ما شاء الله اخوي حمني
الاحمرار ما فيه ومو مبين ..
سؤال .. كم الرقم اللي حلقت فيه بالمكينه ؟
الاحمرار ما فيه ومو مبين ..
سؤال .. كم الرقم اللي حلقت فيه بالمكينه ؟
هلا والله ابو ليلى
اول شي عدلت الشعر بالمقص بعدها قمت اجرب بالمكينة في العوارض من اعلى رقم للاقل يعني كل شوي اجرب رقم بعدها وصلت لرقم 3 وجفت الشكل مرتب وحلقت العوارض رقم 3 والشنب والسكسوكة 4
مع جزيل الشكر لك ♡
تحياتي
ibrahim23753
New Member
- إنضم
- 31 أغسطس 2014
- المشاركات
- 12
- مستوى التفاعل
- 0
- النقاط
- 1
مساكم الله بلخير
ابشركم اليوم سويت عمليتي عند الدكتور سركان ويكتب موضوع بعد شوي
ابشركم اليوم سويت عمليتي عند الدكتور سركان ويكتب موضوع بعد شوي
الله يمسيك بالنور
اول شي مبروك العملية والحمدلله على السلامة
وان شاء الله تجوف النتايج اللي ترضيك واكثر
نترقب تجربتك وبالتوفيق لك ♡
تحياتي
و اي استفسار انا حاضر
بحكم تجربتي الواحد اول ايام العملية كله يوسوس ويحاتي على اقل شي
ف اي استفسار لا تترد ..واهم شي تلتزم بالتعليمات هالفترة
بالتوفيق لك مرة ثانية
تحياتي
وعليكم السلام
اتوقع اكيد تقدر تقولهم انك تبي تعرج.. بس لحد الحين محد جرب في المنتدى هالشي.. انا بالنسبة لي عندي شعر فوق منطقة اللحية لكن على طول اشيله عشان ما يخرب التحديده .. اذا طول الشعر المزروع وزادت الكثافة ان شاء الله راح اخلي الشعر اللي فوق اللحية ما بشيله عشان يعطي مظهر طبيعي اكثر..
فأنصحك اذا عندك شعر حتى لو بسيط فوق منطقة اللحية بيكون ماله داعي التعرج.. وبالنسبة للرسمة فهي تبين انها سيده مثل الخط المستقيم لكن هذا اثر الاحمرار مال حدود الرسمة.. لكن لو الشخص الزارع يقرب من المنظرة بيجوف ان الشعر مو صاير على خط مستقيم بتلاقي شعرة فوق وشعرة تحت .
انت استفسر من المنسق واسأله اذا ممكن يسوون لك تعرج بسيط واسأله اذا احد جرب هالشي عندهم من قبل.
بالتوفيق لك
تحياتي
ibrahim23753
New Member
- إنضم
- 31 أغسطس 2014
- المشاركات
- 12
- مستوى التفاعل
- 0
- النقاط
- 1
انا طلبت منهم كذا وعملياتي كانت أمس
ibrahim23753
New Member
- إنضم
- 31 أغسطس 2014
- المشاركات
- 12
- مستوى التفاعل
- 0
- النقاط
- 1
الله يبارك فيك بعرض تجربتي
نصيحة لكل الشباب اللي زارعين لحية او اللي بيزرعون في المستقبل
المرطب استمروا عليه.. اشتروا منه علبتين من تركيا او تقدر تحصله في اي صيدلية في بلدك.. بس خل الصيدلاني يجوف شكله صوره في تلفونك وعلى طول بيعرفه.
اول شهر بعد العملية بتحس وجهك شوي متيبس اذا تبتسم وخصوصا اذا توك قاعد من النوم ..لكن استمر على المرطب من اليوم العاشر للعملية لين ما تخلص العلب اللي شريتها بعدها اول ما تقعد من النوم بتحس ان وجهك فرش.. انا عن نفسي للحين مستمر على المرطب .
تحياتي للجميع
عبدالرحمن
المرطب استمروا عليه.. اشتروا منه علبتين من تركيا او تقدر تحصله في اي صيدلية في بلدك.. بس خل الصيدلاني يجوف شكله صوره في تلفونك وعلى طول بيعرفه.
اول شهر بعد العملية بتحس وجهك شوي متيبس اذا تبتسم وخصوصا اذا توك قاعد من النوم ..لكن استمر على المرطب من اليوم العاشر للعملية لين ما تخلص العلب اللي شريتها بعدها اول ما تقعد من النوم بتحس ان وجهك فرش.. انا عن نفسي للحين مستمر على المرطب .
تحياتي للجميع
عبدالرحمن
التعديل الأخير بواسطة المشرف:
يا هلا والله
اول شي مبروك العملية والحمدلله على السلامة
اي نعم بيرجع شكلها طبيعي مع الوقت.. هذي من اثار العملية الاحمرار يخليها تبين مصبوغه مع الوقت بيخف عندك الاحمرار وبيختفي والمدة تعتمد على نوع بشرتك لكن لا تحاتي في النهاية بيرجع كلشي طبيعي.. واهم شي تلتزم بالتعليمات في هذي الفترة وتجنب الاحتكاك وعلى طول البس اقمصه لين ما تثبت البصيلات ( كحد اقصى 20 يوم)
بالتوفيق لك وان شاء الله تجوف نتايج ترضيك واكثر
تحياتي