تجربه زراعه الشعر فى مصر

[mody012]

مش ملاحظ انو فى فرق كبيبر اوى فى الاسعار دى وسعر الدكتور احمد من وجهه نظرك ليه هو 15000 والباقى كدة وشكرا لردك عليه

 

[ahmed.ahmed]

والله يا مودى معرفش معنديش علم بصراحه هو فعلا اغلى سعر فى مصر ..
يمكن عشان من افضل 100 جراح فى العالم وان السى فى بتاعه ممتاز .. حقيقى لا اعلم ...

 

[mody012]

ازيك يااحمد اخبارك ايه
مش هطول عليك اولا انا ناويت ان شاء الله بأذن الله اعمل العملية وبصراحة انا سمعت عن اسماء كتير بس شايفك بتمدح فى الدكتور احمد عادل وبصراحة حاسس انى مطمن ليه
غير كدة انا المفروض عندى شغل فى السعودية لفترة طويلة شوية
وهعمل العملية قبل مااسافر بحوالى شهر ونص كدة هل المدة دى كفاية انى اكون فى مصر علشان لو حصل حاجة لقدر الله اكون جنب الدكتور

ممكن بقا طلب تانى انت قولت هتحط صور زى بتاعت قبل وبعد كدة

برضو علشان الواحد يطمن بس
علشان بصراحة انا مستلف الفلوس
وخايف بصراحة لان المبلغ مش قليل

وبرضو يااحمد لو تعرف اكتر من دكتور بخبرة كدة فى الموضوع ده ممكن اقارن بنهم لانى بصراحة مرعوب من الموضوع ده


اخيرا ابقا اكتبلى اسماء الدكتارة والعنوان والتليفون

ويبقا كتر الف خيرك علشان اديعلك فى السعودية


اسف لو طولت عليك بس انت عارف يعنى ايه 25 سنة واصلع وجواز وكدة والله كرهت الجواز بسبب الصلع ده

 

[ahmed.ahmed]

بص يا مودى اولا شهر ونص كافين جدا جدا جدا وكل امورك هتبئا تمام بعد 15 يوم من ناحيت زوال القشور وفك الغرز غير ان الاحساس بالالم والانتفاخ كله هيروح فى المده دى ...
وتبدا تتابع مع الدكتور فى خلال الشهر ونص دول ونصيحتى لك قبل متسافر بردو تروحله زياره كده عشان تتطمئن اكتر .
وان شاء الله الصور هنزلها بس الامور تتحسن شويه بس والله اطمنك انا بحمد ربنا والحمد لله النتائج الى حد كبير جدا تبشر بكل خير .. اطمئن واتوكل على الله ..
الرابط ده فى عنوان وتليفونات الدكتور احمد عادل نور الدين وكل ما يتعلق به ..
http://www.yellowpages.com.eg/profi...Beauty-Clinic,-Dr.-Ahmed-Adel-Nor-El-Din.html
الدكتور الروبى ..
عماره 107 - شارع الحجاز - ميدان المحكمه - مصر الجديده ..
التليفون ..
0101556023
0126531265
والروبى اسعاره من 5000 جنيه ل 11000 جنيه
يعنى من 1000 شعره ل 5000 شعره ..
وده عن تجربه واحد صحبى الحمد لله النتائج مطمئنه جداا ...

وفى بردو دكتور علاء السحرتى بس ده فى اسكندريه وهو عضو ضمن الجمعيه العالميه لزراعه الشعر زى دكتور احمد عادل نور الدين ... وده رابط الموقع بتاعه هتلائى فيه كل حاجه عنه ..
http://www.sahartyplasticsurgery.com/arabic/contactmear.htm
انصحك بدكتور من ال 3 دول وتقدر كمان تراسلهم وتختار الافضل من وجهه نظرك وتكون حاطط فى بالك الاسعار بردو ..
على فكره انا لسه مكملتش ال 23 سنه وعملت زراعه والحمد لله ارتحت كتير يعنى الزراعه ملهاش عمر محدد ..
بس ليا سؤال اخير لك درجه الصلع عندك كم ؟؟ ... اتمنى اكون افدتك

 

[mody012]

شكرا يااحمد على ردك انا اعتيبر المرحلة 6 وخد بالك لما كان عندى 23 سنة كنت الاولى
بمعنى ان كل ماسنك يكبر الموضوع بيصعب اكتر
طيب انت من وجهتك نظرك ممكن الدكتور يتعاطف معايا علشان الفلوس وكدة هو كدة المفروض انو اغلى واحد
15000 مقارنة بالناس التانية
بس انا مش عارف ادور على دكاترة تانية ارخض ولا اروح للدكتور احمد بس انت نفسك بتشكر فى يعنى الراجل مجرب قبل كدة وانا شوفت الموقع بتاعوه وشوفت كلام كتير حلو اوى عنده بس برضو الكلام مش فلوس ممكن اى حد يكتب اللى هو عايزه وبالنسبة للدكتور الروبى فى واحد سعودى عملت عنده العملية وفشلت تماما
ده بالنسبة لتجارب الدكاترة
فى حاجة تانية انت تعرف حد تانى غيرك انت راح عند الدكتور احمد والعملية نجحت
وشكراا ليك ياباشا

 

[ahmed.ahmed]

والله يا مودى لو تهاون معك الدكتور هينزل الف ونص او الفين بالكتير ..
ولما روحت للدكتور شفت تجارب بعنيا فى الصور يعنى لمرضى قامو بالزراعه والنتائج طمنتنى كتير الحمد لله لكن معرفش حد شخصيا قام بالزراعه عند دكتور احمد .. كلها صور فقط ... بس توكل على الله واعمل الزراعه ..
طالما درجه الصلع عندك ال 6 ف اعتقد انك هتحتاج زراعه اخرى وان شاء الله تودع الصلع نهائى ...

 

[medo love123]

سلامو عليكم اخ احمد انا عاوز اعمل عمليه زراعه شعر واتشجعت من خلال كلامك الى قريته ادانى شبه امل فى انى اعملها بس هو انت تعرف دكتور اسمه مجدى عبد السلام تعرف حد عمل عنده قبل كدا ؟
وهل هو الدكتور دة كويس وكدا ولا ايه ؟
اروجوا الرد !!!!
فى قيد الانتظار ...

 

[dods]

السلام عليكم يا اخ احمد نرجوا عرض صور قبل و بعد واعتقد ان مر وقت كافى على العملية

 

[yahya]

السلام عليكم يا اخ احمد نرجوا عرض صور قبل و بعد واعتقد ان مر وقت كافى على العملية

بالظبط كده 6شهور و8 ايام ربنا يكرمك يااحمد وتفرحنا تحياتي

 

[ahmed.ahmed]

حاضر .. انا عيونى ليكم والله ....

 

[the_count]

يا الله يا خوي أحمد بعد لمتى ، هذا وانت بعد مشرف المفروض تكون تحط صورتك بدون ما نقول لك حتى تشجع غيرك صح والا انا غلطان يا جماعة ؟ هههههههه

 

[ابو طاقية]

الصور ....ننتظر بفارغ الصبر

 

[okyesno]

في إنتظار الصور قبل وبعد

 

[ahmed.ahmed]

اسف على التأخير فى الرد ....
ان شاء الله انا هحط الصور ولكن انا من حوالى اسبوعين روحت للحلاق وقصلى الشعر المزروع عشان مكنش متساوى وخدت رايى الدكتور وقالى مفيش مشكله طالما عديت ال 6 شهور اقصه بس بالمقص وساويه عشان لما يطول .. يطول كله مع بعضه وحاليا الشعر قصير على نمره 1 كده ومستنى يطول شويه والنتائج تتحسن للافضل ..
والله انا بتأسف ليكم كلكم على تاخيرى فى رفع الصور ولكن انا شايف ان لسه فى نتائج احسن من كده ع الاقل لما يطول الشعر المزروع شويه خصوصا انى لسه حلقه ...
ربنا العالم ان نيتى خير .. وبأذن الله هرفع الصور ... ولكن اعطونى بعض الوقت ع الاقل تتحسن النتائج افضل ..
اسف لكم جميعا على تاخيرى فى رفع الصور .. ولكن نيتى يعلمها الله انى هرفع الصور لما تتحسن النتائج ..
تحياتى لكم جميعاا ...

 

[ابو طاقية]

صراحة انت انسان مراوغ ولاتستحق تكون مشرف

 

[ahmed.ahmed]

شكرا لكلامك يا ابو طاقيه ...

 

[ابو طاقية]

شكرا لكلامك يا ابو طاقيه ...

لاتلومني اخوي احمد لاكن احس انك مراوغ لان سته اشهر وبعدين فترة مماطلة وبعدين عذر اقبح من ذنب حلقت راسي طيب ولو حلقت راسك اش المانع تحط الصور كذا تعطينا فكرة سيئة عنك وصراحة مانلوم اي واحد يسوي عملية مايحط الصور بما انك مشرف وهذا موضوعك بدون اي صور قبل او بعد او حتى بعد مضي 6 اشهر .

 

[yahya]

بصراحة يااحمد انا كمان زعلان منك جدا جدا جدا وكمان فقدت الثقة الدكتور اللي انت زرعت عنده لأن يبدوا ان النتائج غير مجديه وانت تخشي ان نعرف ذلك

 

[mody012]

بصراحة يااحمد انا كمان بدات اغيرى راى فى موضوع العملية وكمان اسف يعنى يااحمد طالما حلقت معنا انى فى شعر طل وطول ايه المشكلة اننا نشوف صورته هو احنا هنتجوزك انت الامل الوحيد بعد ربنا فى الموضوع ده وبصراحة ابو طاقية عنده حق لان موضوع الحلاقة ده صعب اوى انو بتصدق ومش تزعل منى يااحمد

 

[turne86]

احمد على ما اعتقد انك مش مسوى عملية زراعة شعر مرات انت حاب تعمل دعاية لدكتور فقط