تجربه زراعه الشعر فى مصر

[newMan20010]

شكرا ليك يا أبوحميد وانا كنت ناوى احلق كل شعري على 2 .... ربنا يسهل

 

[ahmed.ahmed]

ان شاء الله ربنا يسهل

 

[abu_zaid]

اخ احمد اعذرني على المداخلة بس عندي سؤال اتمنى انك تجاوبني
طبعا يبدو عندك خبرة مخيفة في طريقة اخفاء اثار عملية الزراعه من خلال الخطة العبقرية في حلاقة الشعر الي قرأتها بالصفحة السابقة

سؤالي هو..في حال كانت الزراعه في مكان يحتوي بعض الشعر مسبقا..والشعر الي كان موجود اساسا حيطول بشكل اسرع من المرزوع خصوصا في الاشهر الاولى..فما المانع من تخفيف الشعر الاصلي الي يتخلله شعر مزروع باستخدام مكينة الحلاقة من غير ان يتم لمس سطح الرأس؟؟ حيث انه في هاي الحالة الشعر الغير مزروع والي هوا طويل هو الي ينقص بالمكينة بينما الشعر المزروع قد ينقص بعض اطرافه من المكينة..طبعا كله من غير لمس سطح الرأس، يعني بالمختصر..هل العبره بإني ما احلق الشعر المزروع ولا العبرة بإني ما ألمس جلدة الرأس المزروعه بالمكينة؟؟؟

 

[ahmed.ahmed]

بص يا ابو زياد ..
من المفترض اننا منحلقشة الشعر المزروع الا بعد مرور 8 شهور ع الاقل من الزراعه لكذا سبب ..
اولا انك تقدر تحكم بنفسك على مدى نجاح الزراعه ومدى تغطيه الشعر المزروع للفراغات غير ان الشعر المزروع وهو طويل هيوضحلك مدى ترتيب الشعر المزروع وانه ازاى مفيش بينه اختلاف وبين الشعر الغير مزروع ... دى نصيحه بشكل عام ..
ثانيا ضمانا لاكتمال الدوره الدمويه فى فروه الراس واللى هى بتكون من 8 شهور الى 12 شهر ف مش محبب انك تقصه قبل 8 شهور غير انك اكيد هتبئا عاوز تعرف انت محتاج لجلسه تانيه او لاء من خلال نمو الشعر المزروع وطوله هل هيغطى الفراغات كلها ولا هيكون فى لسه فراغات او اماكن صلع محتاجه جلسه زراعه اخرى؟؟
انت لو قدرت انك تروح للحلاق عشان تقص الشعر الغير مزروع اللى يتخلله شعر مزروع وفعلا قدرت تميز بينهم مع انى شايف ان العمليه هتكون صعبه شويه فا مفيش مشاكل انك تعمل كده بحيث انك تقص الشعر الغير مزروع لانه هينمو بسرعه اكبر من المزروع وبالتالى تخلى الشعر المزروع والغير مزروع ينمو بالتساوى فى كل مره هتروح فيها للحلاق وتقص الشعر الغير مزروع فهذا ممكن وافضل ولكن المشكله ف انك تعرف تحدد او تفرق بين الشعر المزروع والغير مزروع لما تيجى تقصه ..
ف نصيحتى لك حتى لو فيه شعر غير مزروع طال واصبح اطول من الشعر المزروع ف مفيش مشاكل عادى سيبه يطول عادى ومتجيش بالماكينه ناحية المنطقه اللى فيها شعر مزروع نهائى قبل 8 شهور لانك ده الافضل ..
والعبره فى انك متحلقش الشعر المزروع خالص زى مقولتك قبل 8 شهور ...

 

[abu_zaid]

كلامك مقنع اخ احمد..شكرا لك

 

[ahmed.ahmed]

العفو يا ابو زياد ونورت الموضوع ...

 

[المرعب]

الحمدالله على السلام
بس ماتنفخ وجهك بعد العمليه

 

[amedo]

موضوع رائع يا احمد وان شء توصل لنتيجه حسن من اللى انت تتوقعها
احمد انا من مصر فممكن تقولى اسم الدكاتره بتوعك

 

[ahmed.ahmed]

اخى المرعب ..
حصل انتفاخ بعد العمليه بس اعد 3 ايام او 4 ايام تقريبا ولكن زال تماما والحمد لله ...
بس الانتفاخ زى ما نت عارف بيكون بسبب المخدر شويه ايام وبيروح تماما ومش بسيب اى اثر ..

 

[ahmed.ahmed]

اخى اميدو ...
الدكتور اللى عملت عنده الزراعه اسمه احمد عادل نور الدين ...

 

[dods]

ارجو من فضلك عرض صور قبل وبعد العملية

 

[ahmed.ahmed]

ان شاء الله هحط صور قبل وبعد بس انا فى انتظار تحسن النتائج اكتر من ذلك لانى بئالى 4 شهور وشويه ايام فقط ...

 

[yahya]

ان شاء الله هحط صور قبل وبعد بس انا فى انتظار تحسن النتائج اكتر من ذلك لانى بئالى 4 شهور وشويه ايام فقط ...

طيب ياراجل ياسكرة ممكن تعرض لنا صور قبل وبعد العمليه في الايام الاولي بعد غسل الشعر بس\ نشوف التوزيع كان ازاي او مثلا بعد شهر كما تحب او الآن وبعد 8شهور ان شاء الله لأننا في شوق الي رؤية النتيجه لأنك تهمنا جدا ياأستاذ احمد يللا بأه ياعسل ومتبخلش علينا ربنا يكرمك يارب


تحياتي اليك

 

[yahya]

انا مصمم وانت مطنش علي راحتك بس انا مصمم ورمضان كريم

 

[ahmed.ahmed]

ههههههههههههههه مش مطنش والله يا يحيى بس انا لسه شايف ردودك حالا اهو ...
انا ناوى والله اعرض صور بس صدقنى انا مستنى تظهر نتايج افضل من كده لان فى شعر ظاهر ولما بصوره بيطلع فى الصوره انه مش ظاهر اطلاقا ف هتحس ان المنطقه اللى فيها شعر صغير دى مفيهاش شعر ... انا والله مش ببخل عليك يا يحيى ولا بطنش بس مستنى نتايج افضل من ذلك خصوصا ان بئالى 4 شهور وشويه ولسه بدرى اوووى على مدى نجاح العمليه .. ربنا يسهل ان شاء الله وهنزل صور لا تقلق ... والتمس عذرى

 

[yahya]

ماشي ياباشا مع ان انا كلمتي متنزلش الارض ابدا بس المرة دي تنزل علشان خاطرك بس اعمل حسابك المرة الجايه لاممكن تنزل ابدااااا

وتقبل تحيات عبد الفتاح القصري وتحياتي

 

[ahmed.ahmed]

هههههههههههههههه معلش خليها عليك يا يحيى المره دى ومعلش تعالى على نفسك عشان خاطرى ولو انا مليش خاطر عندك؟؟؟
وان شاء الله المره الجايه لا كلمتك انت ولا كلمت عبد الفتاح هتنزل الارض وهتشوف الصور ان شاء الله ...

 

[yahya]

ماشي ياأبو حميد ولكننننننن
انا لاحظت من كلامك ان الشعرة مازالت خفيفة لاتري بالنظر العادي اليها يعني معني ذلك انك تحتاج الي تقوية هذه الشعرة وزيادة سماكتها السؤال الذي يضرب نفسه الآن لغاية مايورم هل انت شعرك من الاصل ضعيف في سماكته ام ان ذلك حدث فقط بعد ما تم نقل البصيلة الي مكانها الجديد
فاذا كانت اجابتك هي الاولي يعني الشعرة اصلا ضعيفة من منبتها الاول فذلك يحتاج منك الي دواء اكثر فعاليه من المستخدم حاليا
واما اذا كانت اجابتك الثانيه فمعني ذلك ان نقل الشعرة قد تسبب في ضعف البصيلة وقد يكون ذلك من خطأ الدكتور حيث انه لم يحافظ علي البصيلة اثناء النقل وطبعا هتقول ده دكتور ممتاز ووووو لم ولن نختلف ولكننا نبحث عن الحقيقة لمصلحتك ومصلحة الجميع وارجوا ان يكون ظني في غير محلة اذا كانت اجابتك هي الثانيه
اقول لك ذلك أخي الحبيب وقد رأينا جميعا النتائج الباهرة من اول يوم عند الاطباء الآخرين في زراعاتهم لأخواننا هنا فقد رأينا خط الشعر الامامي واضح جدا في صورهم
المهم انا ايضا اتمني لك كل الخير والله الذي لا اله الاهو فأنت شخص مثالي وراقي في معاملاتك وتستحق كل الخير ولذا فأنا أيضا أقترح عليك ان تستمر علي البروبشيا اذا لم تكن تستطيع ان تحصل علي بديل له وهو ماتكلمنا عنه سابقا البلميط النشاري لأنه قد يكون الدي اتش تي عندك نشط الي حد انه يضرب البصيلة ويضعفها وهنا سيكون عمل البروبشيا هام جدا وأرجوك ايضا مع استخدام ذلك جرب وصفتي فاني اقسم لك قد انبتت الشعر عندي وأدت الي سماكته وظهوره أكثر من الاول وعلي فكرة انا حصلت هنا علي البلميط المنشاري علي شكل حبوب وقد وضعتها في وصفتي كزياده في فاعلية الوصفة وبالفعل قل التساقط جدا عندي وزاد سوادالشعر وسمكه واخيرا اتمني لك الخير وتقبل تحياتي ودمت بخير

 

[ahmed.ahmed]

اهلا بك يا يحيى وبكلامك الكبييير اوى ده وانا هعلق على نقطه نقطه فيه ...
اولا المنطقه المانحه عندى كثيفه الحمد لله وكثافتها وسمكها كويس الحمد لله وللعلم انا شعرى ناعم وبالنسبه للشعر الناعم ف كثافه وسمك المنطقه المانحه الحمد لله جيده .. طبعا انت ذكرت نقطتين مهمين جداااا ولكن انا هوضحلك ايه الامر ...
اللى حصل معايا انى فضلت لحد 20 يوم من بعد العمليه مغسلتش القشور ف الشعر لقيته بيطول فوق القشر يعنى كل قشره طالع منها شعره ف لما روحت للدكتور وبعد لومه ليا غسلى شعرى الى ان نضف القشور تماما وسقط حوالى 70 % من الشعر ..
ال 30 % الباقين موقعوش ودول كانو معظمهم فى الخط الامامى وبواقى شعر لم يسقط فى الخلف عند منتصف الراس ..
ف اللى حصل ان ال 30 % دول طولو وموقعوش وفضلو يطولو لحد ما جه الشهر ال 3 ولقيتهم طولو وبدا يظهر ال 70 % دول على فترات ف بقيت الائى ان فيه شعر طويل ودول المتمثلين فى ال 30 % وشعر صغير وقصير ودول المتثلين فى ال 70 % ..
ودلوقتى بعد مرور 4 شهور وحبه ايام بئا الهير لاين او الخط الامامى طويل وظاهر واطول بكتير من الشعر اللى ورااه واللى عند منتصف الراس وبحس انه بياخد نفس شكل ال 30 % اللى موقعوش يعنى بلاحظ انهم بيطولو بنفس معدل ال 30 & اللى موقعوش وبياخدو نفس الخصائص مع مرور الايام ..
ف فهمت فى الاخر ان الموضوع محتاج شويه شهور على شويه صبر عشان ينمو الشعر الخلفى ده ويبئا زى الهير لاين ..
يعنى المشكله مش مشكله ان الشعره خفيفه او ان الدكتور اخظأ فى زرعه للبصيلات بدليل ان الشعره اللى موجوده فى الخط الامامى اكتر سمك من الشعره اللى فى الخط الخلفى والحكايه شويه صبر بس عشان ينمو الشعر الخلفى ويصبح بنفس خصائص الشعر الامامى ..
وشكل شعرى دلوقتى فى شعر طويل واكتر سمك وده فى الخط الامامى والخط الخلفى قصير واقل سمك .. يعنى تلائى شعره طويله وشعره قصيره ...
معلش حيرتك معايا بس حبيت افهمك بوضوح ..
وعاوز اوضحلك نقطه تانيه انت بتقول انى ارجع استخدم بروبيشيا لان ممكن يكون الدى اتش تى عندى نشط لدرجه انه بيضرب البصيله ف تعليقى عن النقطه دى هو ..
ان الشعر المزروع ماخوذ من منطقه مضاده للصلع ومضاده للدى اتش تى ف لو حتى الدى اتش تى وصلها فهى لن تسقط ولن تتاثر مطلقا بالهرمون ده بفرض انك تقصد على الشعر المزروع .. انما لو كان قصدك على الشعر الغير مزروه ف كلامك صحيح مئه بالمئه انى استخدم بروبيشيا او بلميط منشارى ..
اخيرا ياريت تقولى على اسم الدوا اللى فيه البلميط المنشارى ده وسعره كم وبيتاخد كم حبه ..
وايه هى وصفتك وازاى دمجت معاها البلميط المنشارى ..
وشكرا على كلامك الجميل لانك بجد انسان زوق ومحترم ...

 

[dods]

انشاء الله يا عم احمد العملية ناجحة وانتظر حتى ٦ اشهر ثم اعرض الصور علشان عايز اعمل العملية عند الدكتور احمد عادل وسؤال يا باشا ليه بعد العملية تاخذ ادوية والشعر المزروع لا يتاصر بالهرمون