العيادات الإيرانية ، و تنسيق الرحلة الجماعية / مواضيع مدمجة ، يمنع فتح موضوع مستقل .

[اقرع مقيرع]

كلامك طيب يابوعبدالله

وتشكر عليه

ولكن نود نسمع راي الاخوان اذا كان هناك احد في شيراز ؟؟

وشكرا لك مره اخرى

تحياتي

 

[عمار العتيبي]

منورين كلياتكم

هاه وش سويتي يامتحمسه رحتي ولا باقي

 

[عمار العتيبي]

اصبر وخلها مع بداية السنه الجايه تراني صامل

 

[falmutairim]

ياشباب انتم تمدحون شغل الايرانين.......السؤال لماذا؟
عطونا اسم المركز +الدكاتره+التجارب حتى نقتنع..........
انتم مدحتم شغل الايرانين بس بدون ادلة........
لاحد يجيب فيديو تسويقي مصطنع........وثقوا انا اولكم في الزراعة اذا ثبت ذلك
وشكرا

 

[شامان]

من يعرف عن زراعة الشعر في الأحواز ( عربستان ) ؟ .

السلام عليكم ورحمة الله وبركاته

الأحواز !!!! أي نعم الأحواز العربية ليش مستغربين !!

صراحة انا جلست مع شخص احضره صديق وتكلمت معاه عمل عملية في الأحةاز العربية بطريقة الإقتطاف

وعملها بشهر 2010/2 ويوم شفته ابهرتني وكان الاقتطاف من الجهة اليسار فقط .

للأسف ما أمون عليه علشان اقدر اصوره .


أخبرني ان الممرضات في العيادة اخبروه ان الممثل ( حسن البلام ) خلص عمليته من شهر تقريبا

وطبعا طلع علينا حسن البلام في مسلسله الرمضاني وكان باين ان حسن زارع شعر وبشكل جدا جميل .

@

ملاحظتي ومطلبي اللي سمع عن زراعة الشعر في الاحواز العربية لا يبخل علينا


^
^

حقوق الأخطاء الإملائية ( البدليات بالكويتي ) محفوظة

وسلامتكم
*

 

[ابو بدر]

شامان حبيبي منور المنتدى شخبارك كيف الكويت واهلها

بالنسبه لي ماسمعت ولا قريت عن تجربه بهالمدينه اللي انت ذكرت وللعلم اول مره اسمع فيها الاحواز
طيب تعرف شنو اسم المركز اللي سوا فيه الشخص زراعته ؟ اذا تعرفه قولنا اسمه . عشان يمكن يصير معروف بالاسم

 

[سامي السامي]

والله حالي من حالك انا ابحث عن الاحواز

وقالو لي انه في مكتب في عمارة ببنيد القار يشرف على عمليتك من الالف الى الياء لكن مع الاسف مااعرف جم رقمه وياريت اللي يعرف لايبخل

 

[أ م ل]

شامان حبيبي منور المنتدى شخبارك كيف الكويت واهلها

بالنسبه لي ماسمعت ولا قريت عن تجربه بهالمدينه اللي انت ذكرت وللعلم اول مره اسمع فيها الاحواز

الأحواز أو عرب ستان منطقة غنية بالثروات و ذات نفوذ تجاري كبير ، باعتبارها مطلة على الساحل الشرقي كاملا للخليج العربي ، و الأهم من ذلك أنها كانت من أهم معاقل السنة إلى وقت قريب قبل الاحتلال الإيراني لها ، و التاريخ شاهد على ذلك الغدر ! .

 

[البغدادي]

تحياتي اسمها الاهواز العربية

 

[ابو كمال]

استفسار عن الزراعه في اصفهان

السلام عليكم ورحمة الله وبركاته

في البدايه اتشرف بانظمامي لاخواني اصحاب المنتدى والاعضاء الكرام

اتمنى من اخواني الاعضاء الى عنده تجربه في زراعه الشعر في اصفهان

يفيدني عن طريقه الزراعه وشنو المشاكل الى تصادفني هناك

بصراحه انا متخوف من الوضع في ايران من ناحيه الامان ولا اخفيكم اني متخوف من العمله بعد


ياليت تفيدوني جزاكم الله خير

 

[الجوووكر]

السلام عليكم

ايش صار على الموضوع يا اخوان

جو الامارات ولى لسى؟؟

 

[شامان]

بروح ( شيراز ) لا تخلوني من نصايحكم تكفوون

السلام عليكم ورحمة الله وبركاته

اخواني بعد التوكل على الله قررت اني اروح شيراز اسوى زراعة

ان شاء الله يوم الاحد انسق اجازتي مع مديري وزملائي بالعمل

وبعدها بتصل على مسعود .

انا من الكويت ولاتحرموني من نصايحكم عن الاشياء اللي لازم اعرفها ولا اجهلها سواء بابسفر او بالعيادة

او حتى مع المترجم ،،،

شنو اللي لازم اعرفه عن القرافت مثل اعداده واعداد الشعر


وطريقة الحسبة

وكم لازم اخذ معاي من فلوس بالدولار والا التومان


لا تخلوني تكفون

 

[اقرع مقيرع]

الله يوفقك يالغالي

بالنسبه لشيراز اسالني انا لاتسال غيري ياطويل العمر

انا قبل عشرين يوم بالضبط كنت هناك

وراح اقولك كل شي بالضبط

وبالنسبه للزراعه

ترى القرافت عندهم بثلاث شعرات

يعني احسب حسابك اذا بتزرع تقريبا 3000 شعره / عليك ان تدفع حساب 300 دينار لعدد 1000 قرافت ...

ومسعود رجل طيب وانا انصحك فيه

وراح تلقاه منصح معك للنهايه

وبالتوفيق لك يالطيب

 

[شامان]

اخوي اقرع مقيرع

الحمد اللهةعلى السلامة وعسى الله يكتبلك نجاح العملية اللهم امين

اخوي اقرع سؤالي لك / 1000 شعره = 100 دينار

اذا باليوم كم يزرعون شعره ،، ومن الساعه كم الى الساعه كم

خل نقول اذا يبيلي 7000 شعره يعني كم راح اقعد .

بالنسبة للفيزااا وين سويها بالسفارة والا بالمطااار

وبالنسبة للحجز اضبط حجزي على اسبوعين احسن اوكي

وبالنسبة للفلوس بالتومان ياخذون والا بالدولار

امممممم تقييمك المبدئي ل 7000 شعرة فعلية كموراح تكلفني وكم يوم راح تستغرق

 

[yourssa]

أولا الله يكتب لك اللي فيه خير

يجب أن ترسل صورك إلى مسعود وهو راح يسئل الدكتور كم يحتاج لك من قرافت وكم يوم تحتاج تقعد و التأشيره تقدر تاخذها من المطار ولو أني أنصحك بالتريث حتى تطلع نتائج زراعتي انا و الأخوان اللي عندهم استعداد لمساعدة الأخوان في المنتدى و أيضا ماتدري عن الأوضاع و انت هناك يمكن يصير توتر فأرجو أخذ هذا الموضوع بالحسبان ترا شعر الدنيا كله مايسوى ساعة خوف و انا أخوك

يمكن و أنت هناك يصير شي و يلفقون لك تهمه وتروح ضحية تصفية حسابات أنت في غنى عنها ترا والله أقول كذا من خوفي عليك

مسعود وأخوه محمود والنعم فيهم و شعب شيراز طيبين و صادقين في التعامل لكن ترا السياسه مالها صاحب

الله يدلك على اللي فيه خير

 

[ابو بدر]

بالتوفيق اخوي شامان وان شاء الله ترجع سالم

وطمنا عنك

بالتوفيق ان شاء الله

 

[يآرب حقق مرآدي]

الله يحفظك ويرجعك بالسلامه ويوفقك ولا يخيب رجاك ولا رجاء كل مسلم ..
دعواتنا لك ..

 

[_ ok _]

ابو مشعل

انا معكم وجاد جدا

بس ودي بطريقه الشريحه لان الشعر يكون فيها اكثر

واذا اكتمل العدد راسلني واكلمك بالجوال بدون ما تنشر جوالي

بس اهم شي عندي يكون الموعد قريب
لاني عندي موعد مع جباعي قبل رمضان

 

[سيد العاشقين]

اخوي الكريم اتمنى لك سفره سعيده ومثمره.....اخوان لا تكبرون الموضوع يعني السياسيين تاركين شغلهم ويمسكون بالناس مع احترامي للجميع هذا ضيق نظر

 

[abo saleh]

سؤال لمن ذهب الى شيراز

السلام عليكم ورحمة الله وبركاته

اخواني حسب افادة مسعود لي فانه لايمكن استخدام بطاقة الفيزا او الماستر كارد في المستشفى بشيراز

مع اني كنت معتمد على هذه البطاقة

فياليت لو تقولون لي كيف يتم دفع المبلغ ؟
وهل هناك طرق اخرى ؟

مع العلم ان حمل مبلغ كاش فيه نوع من الخطورة