العيادات الإيرانية ، و تنسيق الرحلة الجماعية / مواضيع مدمجة ، يمنع فتح موضوع مستقل .

[le homme]

السلام عليكم وحياك اخوي
بالنسبه للكوادر الطبيه المؤهله لعملية fue ينعدون عالاصابع
عندنا بالسعوديه واغلب التجارب تمت عن طريق fut
نظرا لتمرس معظم الكوادر عليها وكذلك لانها مجديه لحالات الصلع المتقدمه
انا من المؤيدين اللي يرغبون بال اف يو اي والى الان بطور الاستشارات
من ناحية النتائج والاسعار والله يسهل امورنا اجمعين
ممكن تتجه بسؤالك للدكتور التركي فهو متخصص ويدير
مستشفى مؤهل لهالنوع من العمليات
تقبل تحياتي

 

[kuwaity]

قووه .. يبا روح شيراز وسو الاقتطاف وازرع 10000 شعره ماتكلفك 1000 دينار

وانا احتمال اروح .. واذا تبي نروح ويا بعض احسن واحسن بعد

 

[kuwaity]

نفس الكلام بعد

اذا كنت من الكويت ياريت رقمك على الخاص اذا مافي احرااجات ودي استفسر منك عن جم شغله

 

[mdelel]

السلام عليكم شباب
أمس رجعت من شيراز ولله الحمد تمت العمليه وزرعت 7200 شعره بطريقه الأقتطاف وكلفتني العمليه 2865دولار بالأضافه الى سكن 10 أيام 600 دولار والمترجم 300دولار.
ياشباب والله العظيم بأنهم محترفين جدا ويعرفون شغلهم وكل يوم يدخل عندهم من 10 الى 20 مريض ويأتي غيرهم وهكذا.

الان خليت 5 شباب كويتين يزرعوا كم يوم وراحوا يرجعوا ويكونون أكيد مبسوطين على العمليه التي أجروها .

تحياتي لكم

 

[bo azoz]

الحمد لله على السلامه ومبروك الزراعه ,,, انا اخوك رياضى ومطلوب منى ان الراس يكون مكشوف دائما وعندى اسئله كثيره ولكن اختصرها بكل امانه انت رديت مرتاح وتحس فيه نتائج وشكرا ,,,,,,,

 

[المشعر]

وأول شغله سواها غير إسمه من أبو عمر إلى أبوعلي خوفاً على صحته

.​

أهم شيء المحافظــة على الصحــة

ومن يريد أن يقوم بزراعة شعر ان كان خليجيــا فالسعوديـة الأفضل أو في الخارج في باكستان وضعها للأسف غير آمن عند طبيب مشهور تحدث عنه الكثير من الأخوة هنا وله عيادة في دبي

أو أوربا والتي أجهل شخصيا العيادات فيها لكن من المؤكد أن فيها مراكز وأطباء على مستوى فوق الممتاز

أما ايران فأعتقد ان اللي بيعمل العمليـة معلم كباب

 

[اصلع حلو]

طيب شو اسم العيادات الممتازة في شيراز و مجربة ونتائج مذهلة

 

[صغيرة بس خطيرة]

السلام عليكم ...
بعد ما قريت و بحثت بديت اتردد و احتار !!كل واحد يقول كلام غير عن الثاني !!!!
بأختصار انا عندي صلع من الخلف ( دائره صغيره ورا بس واااااضحه و تكبر كل سنه ) ومع تراجع خفيف للخط الامامي و قليل خف الشعر من الامام بس موو مصلع في شعر عادي من الامام يعني المشكله عندي هالدائره اللي ورا يعني بدايه صلع . ودي اسوي زراعة بلحق على عمري لان الصلع وراثه لا وحوش عربي بعد؟و ما خليت ادويه ما استعملتها خلاص زراعه لا محاله . بس وين متردد بين شيراز و الدكتور الجباعي بالرياض؟؟ و حق حالتي شنو افضل fue او fut ؟ ساعدوني واللي يرحم والديكم]

مرحبا اخوي
قد يكون هناك كفاءات اطباء في شيراز وغيرها من الدول مساوية لكفاءة اطباءنا بالرياض
بس لما نجي نقارن بينهم لازم تكون المقارنه مبنيه على الشروط اللي ذكرها مشرفنا ليقاند في موضوعه
كيف تختار العيادة المناسبة لتزرع شعرك وهي كالتالي :
1) جودة الاداء
2) االتكلفة المالية
3) خبرة الطبيب
4) الطاقم الطبي
5) حسن العناية بالعميل
واذا رجعنا لسؤالك المقارنه هل شيراز او عيادة الدكتور جباعي تتحقق فيهم هالشروط
بصراحة عن شيراز ما ادري تقدر ترجع لتجارب الاعضاء في شيراز .
اما عن عيادة العالمية فمن تجارب الاخوان والاخوات اللي عملو العملية عنده يثبتون هالشيء.
سؤالك الثاني عن طرق الزراعة فالمتعارف بأن fue افضل بس على حسب ما قريت ان مو كل الحالات يناسبها هالطريقة
وبالاخير نصيحتي لكك انك تستخير ربك .. لان لاخاب من استخار ولا ندم من استشار ..
والله يوفقك ..

 

[عمار العتيبي]

عقب احداث ايران

كنت ناوي اروح لمسعود بسوي عملية تكثيف لشعر بس للأسف خربت العلاقه معهم

ابي طال عمركم الدكتور الي في كراتشي وابي وصف دقيق عن مكانه بضبط واسمه وياليت يكون فيه وسيط عربي

وهل اسعارهم نفس اسعار شبراز او اغلا ؟

تحياتي لكم

 

[عبدالله 99]

انتبه تروح ايران هههههه والله لو يدرون انك سعودي اشك انك ترجع ههه

الله يوفقك بصراحه ماعندي خلفيه عن باكستان

 

[yourssa]

هلا و غلا أخوي

انا أشوف انك تنتظر لأني سمعت أن الدكتور الباكستاني راح يفتح عياده في دبي لأني سئلت عن السفر لباكستان وكان خياري االأول ولكن الكل نصحني بعدم الذهاب أو سويها في تركيا

بالنسبه لإيران ما أنصح فيها نهائيا هاذي الأيام ماتدري ويش يصير

الله يكتب لك اللي فيه خير

 

[عبدالله علي]

كنت ناوي اروح لمسعود بسوي عملية تكثيف لشعر بس للأسف خربت العلاقه معهم

ابي طال عمركم الدكتور الي في كراتشي وابي وصف دقيق عن مكانه بضبط واسمه وياليت يكون فيه وسيط عربي

وهل اسعارهم نفس اسعار شبراز او اغلا ؟

تحياتي لكم

انا خاطبت الدكتور وصراحه قالي

2.3 $ للقرافت بطريقة الاقتطاف fue
0.7 $ للقرافت بطريقة الشريحه fut

 

[yourssa]

هلا أخوي عبدالله

طبعا إيران أرخص يكثير 1.2 للقرافت الواحد أو 40 سنت للشعره للواحده

يعني أذا فتح في دبي راح يرفع سعره أكثر و ماراح يكون منافس أبد

بالتوفيق للجميع

 

[cougar]

انا خاطبت الدكتور وصراحه قالي

2.3 $ للقرافت بطريقة الاقتطاف fue
0.7 $ للقرافت بطريقة الشريحه fut

قريب من سعر نوهارت 9 دراهم اذا العدد كبير

2.3 * 3.75 =8.6
fue

قريب جدا لسعر نو هارت في الامارات .. واشوف ان عندهم زبائن كبار وممثلين ومغنينن امريكان

ولا وش رايكم

 

[محسن1111]

مواضيع مدمجه (اخوكم قرر الذهاب الى شيراز لزراعة الشعر بطريقة الاقتطاف من يخاويني )

السلام عليكم

بعد ما اطلعت على نتائج زراعة الاخوه في شيراز في هذا المنتدى قررت الذهاب الى شيراز لزراعة الشعر بطريقة الاقتطاف ( التميز في الزراعه + السعر الاقل )

مين يخاويني للذهاب

انا من الرياض

ارجو المراسله على الخاص للتشاور والاتفاق لتحديد وقت الذهاب وترتيب الامور


وما نستغني عن نصائح الاخوان الي زرعو شعر في شيراز

 

[قريعان]

الله يوفقكم ويسهل اموركم .. وينب شعوركم يااااارب

اسئل السفاره .. شف الاوضاع الحين مايمدي تروح للأيران بالاوضاع الي رايحه فيها
اتوقع ماينراح لها... سمعت انهم يقولون بيمنعون الانديه السعوديه المشاركه في ابطال اسيا من السفر لا ايران

والله يكتب لك اللي فيه خير ان شاءالله موفق

 

[yourssa]

هلا و غلا أخوي

أنا شوف أنك تنتظر ألين تهدى الأوضاع و اللي صبرك هالزمن يصبرك كم من أسبوع بحول الله و قوته

وإذا عزمت أرسل لي رساله على الخاص أرتب أمورك قبل تمشي و أسئل مسعود عن أيش اللي صاير عندهم الواحد و أنا خوك مايبي يصير ضحية ردود أفعال ماله أي دخل فيها..

الله يديم عليك و على جميع المسلمين الأمن و الأمان والصحه و العافيه أمين يارب العالمين

أخوك/ ابو محمد

 

[مجنونها 99]

الاوضاع خطرره جداً هاليومين انتبه اخوي
واذا صامل على السفره شف هالمركز بس ما ادري وين باي ديره
لكن شغلهم احترااافي من المقاطع اللي فاليوتيوب
واللي عنده خلفيه عن اسعارهم ياليت يزودنا
http://www.injertocapilar.com/

 

[عبدالله 99]

عليكم السلام

انتظر ياخوي لين تهدء الأوضاع وبعدها كلنا نقولك توكل على الله وندعي لك

سلامتك اهم من الزراعه

 

[عبدالله 99]

الاوضاع خطرره جداً هاليومين انتبه اخوي
واذا صامل على السفره شف هالمركز بس ما ادري وين باي ديره
لكن شغلهم احترااافي من المقاطع اللي فاليوتيوب
واللي عنده خلفيه عن اسعارهم ياليت يزودنا
http://www.injertocapilar.com/

هذا المركز في Madrid