عيادات دبي ، مواضيع مدمجة /يمنع فتح موضوع مستقل .

[maher]

100 الف؟؟؟؟؟؟؟؟؟؟؟؟؟

بنزل سيارة جديدة اصرفلي,على ايش 100 الف؟؟؟؟؟؟؟؟؟؟؟؟؟؟؟؟؟؟؟؟؟؟

الرقم مبالغ فيه كثييييييييييييييييير

 

[skotya]

زرعت ٣٠٠٠ جرافت

وكان السعر ١٠٠ الف

والنتائج ممتازه

بغينا صور الله لا يهينك ..

 

[محارب الصلع]

ان شاء الله لي زيارة لهذا المركز في دبي عندي شعور انه قمه

تفضلوا

http://www.hair-transplants-middle-east.com/aboutus/drarmanismessage.html

 

[البغدادي]

صراحة شي جدا جميل

 

[محارب الصلع]

شكرا اخي البغدادي على مرورك

والموقع بعد اطلاعي عليه احسست بانهم بالفعل محترفين وخاصة في خط المقدمة والجوانب انا لدي شعر خفيف لكنني اريد فقط كثافته ورسم خط ينزل شوي اسف الجبهة فقط

 

[مجنونها 99]

تسسلم اخوي عبدالله
لقيت اشااده لهالدكتوور فياليت اللي عنده خبر عن اسعار العمليه يفيدنا مع الشككر

 

[Eng]

بالنسبه للاسعار بعدماراسلتهم طرشولي التالي

لاول 3000 جرافت:
7.50 دولار لكل جرافت (بالدرهم 27.5)

بعد ال3000 جرافت:
6 دولار للجرافت (بالدرهم 22)

 

[Lam]

ههههههههههه اغلى من الفي ارماني

 

[Fares]

اليوم قرأت شكوى لشخص قام بالزراعة لديهم ولم يحصل على نتيجة طيبة..

 

[بوعبد العزيز]

طيب ممكن تعطين رابط الموقع اخ فارس
عشان نتأكد من نفسنا

وشكرا

 

[Asami]

زراعة الشعر في دبي

السلام عليكم

اخواني واخواتي الكرام

بصراحه ماشاءالله عليكم.. فيكم الخير ودايما تردون على الاستفسارات مش مثل المنتديات الثانيه بالشهور ما يردون

الله يوفق جميع العاملين على هذا المنتدى الرائع


استفساري هو عن الزراعه في دبي ، بما انه اقرب مكان لي ...فكرت اسوي زراعه في مركز كوزميسرج او يسمى بمستشفى الامارات حاليا

الدكتور الي عندهم فرنسي وكان يشتغل في مركز Nu/Hart او نيو هارت الي في دبي
... الدكتور اسمه فيليب

حد سمع عنه؟ او سوى زراعه عنده؟؟

عندي استشاره معاه بعد بكره وان شاءالله خير

 

[منصوور]

والله ياخوك ونا مثلك من اهل بوظبي
بس محتار وين اسويها في دبي ماعندي فكره عن افضل مركز للزراعه في دبي
ياليت تخبرنا عن الاستشاره وكيف شفت الدكتور
وهل العملية اللي بتسويها جراحه ولا اقتطاف
وكم كلفتها
بانتضار ردك

 

[SkoOoN AlGaR7]

وعليكم السلام ورحمه الله

حياك الله اخوي

تفضل هاذي تجربه احد الاخوان عند الدكتور فيليب بمركز نو هارت ممكن تفيدك

https://www.hairarab.com/vb/showthread.php?t=1911

 

[london]

dhi in dubai

انصحكم تلف عليهم

بالنسبه لفليب وعن طريق طرح احد الاخوان للعمليه اللي قام بها وتعامله مارتحت لاسلوبه ابد

انا عملت في الدي اج اي عند دكتور يوناني وبالاقتطاف والصراحه الحمدالله احس النتايج طبيه

وانت لف عليهم وشوفهم مب خسران شي

ونصيحه لاتستعجل لين تشوف الدكتور المناسب

موفق اخي

 

[Neat]

اذا كنت ماخذ موعد عنده اذهب بس لا تقرر حتى تأخذ حاصلك من البحث ... لأن نتيجة الزراعة بعد التوفيق من الله تعتمد على مدى مهارة الطبيب واحترافيته..

شخصيا لا اؤمن كثيرا بمستوى الاطباء في مناطقنا مع احترامي لهم وانصح دائما الى السفر الى المراكز المشهورة حتى تحصل على نتيجة ترضي تطلعاتك..

هذه بعض المراكز المشهورة عالميا واسعارهم مناسبة نسبيا خذ وقتك بالاطلاع عليهم..

الهند

http://www.hairhospi.com/fue.html

اسبانيا

http://www.hairtransplantsurgery.com/index_en.html

http://injertocapilar.com/

تايلاند

http://www.dhthairclinic.com/home.php

وطبعا الافضل بلا منازع من وجهة نظري هو الدكتور فيكتور حسون ويونغ في كندا ويقومون بعملية الشريحة فقط وهم مشهورون بنظام الجلسات الكبيرة وهذا موقعهم

http://www.hassonandwong.com/


تحياتي،،

 

[المتحطم]

خوي انا توي راد من تركيا قبل 3 ايام
يعني زرعت بتركيا

وكان وياي بالفتدق امراتي تقريبا بنفس عمري 25 كان عامل عمليه يقول عند دكتور فرنسي وكانت مو ناجحه فقرر السفر لتركيا وعمل مايلزم لتصحيح الخطا . اتمنى انك ماتتسرع ....

وكان فيه امراتي ثاني هم بعد جاي ويا امرته يبي يزرع بس ماكان فيه وقت اسولف معاه لانه وصل الفندق وانا رحت المطاار ...



استخير الله قبل كل شي

 

[Asami]

اول شي

انا بنــــــــــــــت

شسالفه الكل يكلمني ع اساس اني ريال؟؟؟؟

للاسف بنت و شعري خفيف

ومافي جدامي غير الدكتور فيليب

 

[Asami]

dhi in dubai

انصحكم تلف عليهم

بالنسبه لفليب وعن طريق طرح احد الاخوان للعمليه اللي قام بها وتعامله مارتحت لاسلوبه ابد

انا عملت في الدي اج اي عند دكتور يوناني وبالاقتطاف والصراحه الحمدالله احس النتايج طبيه

وانت لف عليهم وشوفهم مب خسران شي

ونصيحه لاتستعجل لين تشوف الدكتور المناسب

موفق اخي

اول شي اكرر و اعيد انا بنت ..فتااااه ..مش ريال ههههههههههههه

وبعدين يا اخوي
ترا الدكتور انتقل ليشتغل في مركز كوزميسيرج

هالمستشفى معروف و ما اظن راح ايبون دكاتره اي كلام يشتغلون عندهم

رحت المركز الاسبوع الماضي و المكان راقي جدا و الدكتور قابلته والله انه حبووووووووووووب وايد و بشوش و فهمني كل شي و طمني و وداني لغرفه العمليه وخلاني اشوف المكان وقالي مستعد لاي استفسار منج ..وقعدت اسولف معاه وهو يضحك ..حسيته وايد مرح وطيب!!
وحتى خلاني اشوف صور لناس هو سوى لهم العمليه وكيف صار شعرهم بعد العمليه

انا لين الحين متخوفه والله
بس ما دام الدكتور في مركز كوزميسيرج ..متطمنه لانه وايد ناس اعرفهم سووا عمليات تجميل هناك و كانت ناجحه

 

[المتحطم]

اسف اختي العتب على النظر
هههههه

ولد او بنت اتمنى السعاده و الخير للجميع


مافيه قدامكي الا الدكتور فيليب ؟؟
اتمنى انكي ماتتسرعي . طيب شفتي موضوع الاخ vip لانه عملها عند الدكتور فيليب .


واخيرا استخيري الله


موفقه اختي

 

[بنت الامارات]

زيارتي لمركز زراعة شعر في دبي

السلام عليكم ..

يوم السبت ( قبل امس ) رحت مركز زراعة الشعر في دبي .. اسمه Dubai cosmetic surgery عند دكتور مسرور علام .. استرالي من اصل باكستاني ..

بتكلم عن عدة نقاط بما انها اول زيارة لي لمركز من مراكز زراعة الشعر:

المركز: فلة صغيره ومرتبه

الدكتور: اول ما دخلت عند الدكتور شاف شعري قال نحن اكثر من دكتور ف هالمركز .. يمكن 3 او 4 .. كل واحد فيهم اعتقد يتم اسبوع او 10 ايام في دبي يسوي عمليات ويسافر لمراكز ف تركيا واستراليا ومادري وين .. وقالي نحن نسوي طريقة الجراحة FUT بس اكثر شي نسوي الاقتطاف.. و لحالتج لانج بنت وما تبين تتعبين بسويلج الاقتطاف..

فهمني طريقة الاقتطاف وقالي انها الاحسن لي لاني ما بحتاج جراحة ولا بتعب وايد ولا ندبة وانا سويت عمري ما اعرف شي عن هالطريقة مع اني قريت عنها وايد قبل لا اروح له .. و شاف شعري قالي انتي مافيج صلع بس خفه شديدة من الامام ومتوسطة عند النص و شعر المنطقة المانحة خفيف ما نقدر ناخذ منه وايد في العمليه يعني بيوصل لنا 1500 قرافت للجلسة الوحدة فقط .. وقالي اني احتاج جلستين فقط للتغطية .. وبعدين اذا ابا تكثيف ارجع له لجلسات اخرى .. وبين جلسه وجلسه احتاج فقط 6 شهور

انا قلت مبدئيا بسوي عنده جلستين تغطية والباقي يسهلها ربنا..

اللي عجبني ف الدكتور .. يلس يفكر وياي من وين ياني شبه الصلع .. واكتشفت انه وراثي من الوالد الله يرحمه ومن فقر الدم الشديد اللي فيني بس ااخر فتره الحمدلله يالسه اعالج فقر الدم .. نصحني ااكل كم فاكهة زينه ( كمثرى، ملفوف البنفسجي ( ماعرف شو اسمه) ، جزر.


تكلفة العملية:

طبعا على تكلفة العملية .. هم يمشون بنظام القرافت

العملية بجراحة .. 10 دراهم للقرافت .. يعني لو بيسويلي 1500 قرافت بيطلعلي ب 15000 درهم

العملية بدون جراحة ( الاقتطاف اللي انا بسويها ) ... 15 درهم للقرافت .. يعني لو بسويلي 1500 قرافت ب 22,500 درهم

بس انا قلتلها رمسي المدير لاني بسوي اقل شي جلستين ورا بعض يعني بحتاج 3000 قرافت


المصيبة اللي حصلت وانا طالعه من المركز .. يتني نيرس من اللي يشتغلون ف المركز مع انها ماتعرفني وايد بس قالتلي انا انصحج تسوين عند دكتور تركي وايد زين نمبر ون ف المركز اونه بييجي الاسبوع الياي .. لانه هو يشتغل طول العملية بايده حتى يوم يحط الشعر فراسج

اللي محيرني .. هي وين تعرفني عشان تنصحني بهالدكتور .. لعب الشيطان براسي وقلت يمكن انها متضاربه وي هالدكتور او ما تحبه او ما تبا تشتغل ( لان لو الدكتور اشتغل يعني النيرس بتيلس كم ساعه مرتاحة ) !!!!!!


شو رايكم .. انا بروح استشاره عند الدكتور التركي الاسبوع الياي وبعدها بصلي استخاره وبسويها على شهر 12 ان شاء الله ..


ادعووووووووولي بالتوفيق والله يسهل علي في كل امور حياتي .. والله يسهل على الجميع وشعر كل حد فينا يصير يجنن


وبليز اللي يعرف عن المركز بشي ايجابي او سلبي يخبرني .. بليز لا تخبون علي شي ..وهذا موقع المركز

http://www.dubaihairclinic.com/



واسفه ع الاطاله لوووول ..