طلبات الترشيــح و المفــاضلة بين الأطباء ، مواضيع مدمجة / يمنع فتح موضوع مستقل .

[واحد نفر]

انا ماقد جربت عند الدكتور بسام ولا العجلان لكن اشوف الشبااب هنا يمدحون في الدكتور بسام ورخيص بنسبه لي انا رحت لدكتور احمد التركي ومارحت له الا من سمعته الطيبه حتى في الامارات انتي استخيري وتوكلي على الله

 

[ابو بدر]

اختي بطة فوشيه مساء الخير
رايي المتواضع تكون لك زياره لكل الدكاتره اللي ذكرتيهم بموضوعك
يكون افضل ويكون تشخيص حالتك عن قرب من المختص عن قرب لان اللي اشوفه هنا كل دكتور له وجهة نظر تختلف عن الثاني
وبكذا انتي راح ترتاحي سبحانه من حالك لواحد منهم
ولاتنسي الاستخاره تدلك ع اللي فيه خير لك
ولاتنسي بعد كل حاله تختلف عن حاله يعني انتي ممكن تشوفي احد يمدح في دكتور مسوي له عمليه بس لاتنسي ان يمكن حالته تختلف عنك
واذا تقولين مالي نفس اروح زيارات لهم ابحثي عن ناس بنفس حالتك سووا زراعه او عالجوا عند الدكاتره اللي ذكرتي عشان تكون الصوره قريبه لك اكثر وتكوني مطمنه ومرتاحه نفسيا
عسا الله يسعدك اختي بالشي اللي تقر عينك فيه
تقبلي مروري

 

[yourssa]

الله يمسيك بكل خير أختي

أنا أشوف الدكتور أحمد التركي هو الأفضل والأغلى أيضا لكن راح يقدم لك الأستشاره اللي تريح بالك

الله يكتب لك اللي فيه الخير

دمتي بصحه و عافيه

 

[عبدالله 99]

عليكم السلام ورحمة الله وبركاتة

انصحك بزيارتهم واخذ المعلومات الكافيه عن الي ترغبين فيه بعد الاطلاع على التقارير والتجارب

وبعدها تستخرين وراح تتوفقين بأذن الله

نصيحه لايغرك السعر الرخيص ترى هذا رآس وشعر ماينلعب فيه

امنى لك التوفيق ان شاء الله

 

[بطه فوشيه]

الف شكررررررر لكل الي ردوا
وانا ولله الحمد حاتي مو مره بس تعبت من حقل التجارب من زيوت وخلطات وقلت بقصرها وازرع لان المنطقه الاماميه هي الخفيفه عندي

 

[بطه فوشيه]

الف شكررررررر لكل الي ردوا
وانا ولله الحمد حاتي مو مره بس تعبت من حقل التجارب من زيوت وخلطات وقلت بقصرها وازرع لان المنطقه الاماميه هي الخفيفه عندي

 

[واحد نفر]

بطه اختي الكريمه قبل تفكرين تسوين بزراعه سويتي تحاليل هرمونات عندك او الغدد لازم تسوينها يمكن يكمن هناك المشكله وان تعالجت يرجع شعرك طبيعي اوه المشاكل النسائيه او تستخدمين حبوب لمرض ماء وهو ممادى تساقط شعرك ان كان كل شىء تمام وقتها فكري بزراعة شعرك واتكلي على الله اذا انتي قادره ماديه اشوف لك التركي لان للحين ماشفت احد يشتكي منه بصراحه وانا لي جول شهر مسوي العمليه باقيلي حول خمس شهور واشوف النتائج المرضيه ان شاءالله لكن هذا مايخليك انك تستخيرين لان في جباعي يقولون الشبااب مره ممتاز وسعره معقول واتمنالك التوفيق يااختي الكريمه وتقبلي مروري

 

[american eagle]

والله اني محتااااااار ... لبى شوركم وبس

مساء وصباح الخير لكل الصلعان والزارعين واللي ناوين يزرعوون زي حالاتي .........

اعوووذ بالله من كلمة انا استشرت اكثر من دكتور ومن بينهم التركي وجبااعي وصراحة انا ارتحت لهم اثنينهم
لكن الفرق بالسعر صرااحة مووو قليل واخاف ان الشغل مختلف لان جباعي قال انت اكيد تحتاج جلسة ثانية اما التركي فبيزرع كل الراس في جلسة وحدة ......
.. انا عمري 28 والصلع واصل حده 5 الله لايرده فالدكتووور احمد كااان كلامه جدا مشجع اكثر من د.بساام ......... لكن التركي طلب 24 الف وجباعي 17600

فوالله مازاد امري الا حيرة وترددا .......

وش رايكم معشر اصحاب المطارات ................

والله اني ادعي من كل قلبي للكل بالتوفيق والتيسير ...

وشوكراااا ......

 

[متحمسه]

مساء وصباح الخير لكل الصلعان والزارعين واللي ناوين يزرعوون زي حالاتي .........

اعوووذ بالله من كلمة انا استشرت اكثر من دكتور ومن بينهم التركي وجبااعي وصراحة انا ارتحت لهم اثنينهم
لكن الفرق بالسعر صرااحة مووو قليل واخاف ان الشغل مختلف لان جباعي قال انت اكيد تحتاج جلسة ثانية اما التركي فبيزرع كل الراس في جلسة وحدة ......
.. انا عمري 28 والصلع واصل حده 5 الله لايرده فالدكتووور احمد كااان كلامه جدا مشجع اكثر من د.بساام ......... لكن التركي طلب 24 الف وجباعي 17600

فوالله مازاد امري الا حيرة وترددا .......

وش رايكم معشر اصحاب المطارات:d:d ................

والله اني ادعي من كل قلبي للكل بالتوفيق والتيسير ...

وشوكراااا ......

صباح النور والسرور لاخونا الاصلع المحتار

اسمع وانا اختك انا صرت في نفس حيرتك وقعدت سنه كامله لين دخلت هالمنتدى ولقيت فيه النصيحه
والحمد لله ماترددت ع طول سويتها

دكتور احمد فعلاً الحلو فيه انه يسوي العمليه كامله للرأس كـ كل وبجميع الجهات مو بالمقدمه فقط
والسعر ما خلاني اتردد لان العمليه وحده ولا فيه رجعه لعمليه ثانيه

وانت بالتوفيق واهم شيء الاستخاره قبل كل شيء
استخير ربك وان شاء الله هو يبي يدلك

 

[أبومشعل 2007]

صباحك أنوار وأزهار...

أوافق متحمسة لو كنت في مثل حيرتك روح للي يعمل عملية وحدة ليش عمليتين ؟؟ بس ليتك قلت لنا كم بصيلة اقترح يزرع لك الدكتور التركي وكم بصيلة الدكتور بسام اقترح؟

 

[Zayed]

صباح الورد

اخي العزيز لا تحتار ولا شي اذا ما عندك مشكله ماديه التركي بيكون افضل لانه بيسوي لك اكثر عدد البصيلات و ممكن يكتفي بعمليه وحده وانا اكون صريح معك و هذا راي شخصي افضل التركي يمكن عنصريه ههههههه

ربي يوفقك الى مافيه الخير ان شاء الله​

 

[ابو بدر]

اطلاعك على التجارب ونتائجها تقدر باذن الله تقرر ولا تحتار

https://www.hairarab.com/vb/forumdisplay.php?f=7

وبالتوفيق اخوي

 

[عمر]

اهلا اخوي .. مادام ان الدكتور احمد التركي قال لك جلسه واحده تكفي ، انصحك تسويها عنده والله يوفقك

 

[عبدالله 99]

صل الاستخاره وتوكل على الله على الي ترتاح له

اذا ماعندك مشكله ماديه توكل على الله عند التركي

موفق ان شاء الله

 

[american eagle]

الله يووووووووووووووووفقكم ويرزقكم شعرا غزيرا هنيئا مريئا عاجلا غير آجل كلكم ..............

فعلا انا جالس استخير وارتحت للتركي لكن اظن التركي قال راح يزرع 2000 وجباعي قال 2000+

والله يختار لنا ولكم الصاااالح ...........

لبى قلوبكم كل ابوكم

واللي عنده راي ثااااني يقوول ولا يبخل فديتكم .....

 

[عبدالله 99]

الله يووووووووووووووووفقكم ويرزقكم شعرا غزيرا هنيئا مريئا عاجلا غير آجل كلكم ..............

فعلا انا جالس استخير وارتحت للتركي لكن اظن التركي قال راح يزرع 2000 وجباعي قال 2000+

والله يختار لنا ولكم الصاااالح ...........

لبى قلوبكم كل ابوكم

واللي عنده راي ثااااني يقوول ولا يبخل فديتكم .....

الدكتورين بيزرعون لك نفس العدد لكن الفرق الدكتور احمد بيوزعهم لك في جميع مناطق الراس

اما الدكتور بسام بيحطهم لك في الامام والمنتصف وبتعطيك اشوي كثافه

لكن بتحتاج عمليه ثانيه تغطي المنقطه الخلفيه

 

[american eagle]

الشكررررررررر للجميع فردا فردا دار دار زنقة زنقة ......................

والله إني احترت بزياااادة حاب احصل على كثاافة من الدكتور بساام لكن موااعيدة تطول وودي اخلص بمرة وحدة مع الدكتوور التركي ومواااعيدة اسهل .......


الله يعين وييسرها لي ولكم ياااااااارب ..................

 

[أصلع ملعلع]

القرار الأخير / التركي أو العجلان أو جباعي ؟ .

يا معشر الصلعان
يا معشر الزارعين ( الصلعان سابقا )

كانت زيارتي يوم أمس آخر زياره أستشاريه
لقد زرت 3 عيادات وكل منهم له رأي وسعر
وهي على النحو التالي

أدمه - الدكتور أحمد
السعر 30000
الزراعه لكامل الرأس
عدد القرافت 2000
وهناك جلسه ثانيه بعد 8 أشهر

ميدكا - عبد المجيد العجلان
الزراعه يقول أبي أبدأ من الأمام إلين يخلص تموين البصيلات وعلى حسب ما تعطيني المنطقه المانحه

العدد المتوقع 1500 - 2000

السعر 14500

العيادات العالميه-الدكتور بسام السعر 17400
عدد القرافت 2000 وما زاد وهو أحتمال كبير بعد قص الشريحه سيكون مجانا
د بسام أصر على أن تكون الزراعه في المقدمه إلى المنتصف أو بعده قليلا
وقال أنا لا أريد أن ((( أطش )) أوزع الشعر على الراس كله وبعدين لما يطلع ما يعطي نتيجه مرضيه

ثانيا
يقول أنا لما أزرع منطقه فاضيه أضمن أني أزرع جديد ولا أدمر شي قديم
فلو زرعنا في الجلسه الثانيه بين الشعر لما نوزعه كلى كل الراس
ممكن وأنا أزرع بصيله أدمر بصيله مزروعه سابقا بدون قصد

قلت له لالالالالالالالالالا كلش ولا البصيله
البصيله عندنا معشر الصلعان غاليه
والواحد منا قاعد يجمع بصيلات من هنا ومن هناك
ومن هلوسة البصيلات وانا ماشي في الشارع أقور يمكن ألقا بصيله ولا ثنتين طايحه هههههههه
المهم هذا اللي صار معي
الأن جا دوركم ومشورتكم
وش رايكم تراني محتار
وما خاب من أستشار
لا تخلوني
بانتظاركم عقبال ياربي ماتنامون باالليل وتصبحون تلقون شعوركم طلعت فجأه كذا رباني

ههههههههههه
تحياتي للجميع

 

[أبومشعل 2007]

رأيي الشخصي الجباعي اذا راح يوفر لك زراعة مقدمة الشعر بالفين بصيلة والباقي تسويه بعدين لو حتى بالاقتطاف ستكون الكثافة جيدة والشكل مقبول جدا فأرشح لك ذلك ... بغض النظر عن التكلفة يهم اي شخص الوصول الى نتائج مرضية. ويمكن تشوف تجربة الاخ عبدالله 999 فهي تقريبا مماثلة لفكرة الدكتور بسام واذا شعرك ناعم يمكن تطوله ويرجع وراى ويكون مناسب اكثر. اقتراح الدكتور أحمد زراعة 2000 بصيلة في كامل المناطق اشوف بيعطيك نتائج محدودة وبدون كثافة.

 

[ابو بدر]

رايي تكون زراعتك مرتبه وعلى جلسات يكون افضل

واذا لقيت بصيله طايحه منا ولا منا لاتخلينا هههههه

وبالتوفيق ان شاء الله