تحديث 6 اشهر و 10 ايام تاريخ الزراعة في 19- 5 - 1432

[ابو بدر]

ابو بدر اخوي بصراحة النتيجة غير مرضية بالمرة
اسف على صراحتي بس لو كنت مكانك اراجع العيادة والدكتور ولو تاخذ معاك صور اعضاء من المنتدى بعد ثلاثة اشهر علشان تراويها للدكتور وتخليه يقارن بينك وبينهم يمكن يقتنع
بخصوص الشعر الطويل اللي ماطاح هذا مابيطيح لانه المفروض يطيح قبل الثلاثة اشهر بكثير
كلمه اخيره اخوي: الله سبحانه هو اللي بيده التوفيق في كل شي، إصدق التوكل عليه وبعدين تحرك، روح العياده وقابل الدكتور واشرح له عدم رضاك بالنتيجة بعد ثلاثة اشهر (مع ضرورة اخذك لصور الاعضاء)
وفي كل خطوة تذكر ان التوفيق بيد الله سبحانه.
اسأل الله العظيم رب العرش العظيم ان يوفقك ويهديك.

انا اكيد ابي الصراحة ولا ليش انزل صور لي

وفعلا انا اللي خلاني مضايق شوي لاني قارنت نتائجي بالنتائج اللي هنا مع ان المدة هي نفسها وانا نتائجي اقل بكثيير مقارنة بنتائجهم لذلك كلمت العيادة وشرحت لهم الوضع وقالوا ان استجابة الشعر تختلف من شخص لاخر ومع الشهر الرابع للسادس بشوف فرق واضح بالشعر قلت يالله عساه خير مالنا الا نصبر ونشوف وان شاء الله لي زياره للعيادة قريب

مشكور وماقصرت​

 

[lastman]

لا تشيل هم اخوي ابو بدر وانا عندي صديق مسوي بالاقتطاف مابتدى يطلع الا في الشهر الرابع ومثل ماتفضلو العياده بالرد ان كل حاله ولها ظروفها وتختلف من شخص لثاني وزيارتك للعياده ضروريه عشان ترتاح نفسيا وان شاءالله تشوف نتيجه في الايام القريبه ترضيك وتريح خاطرك
تستاهل الخير والطيب يالغالي

 

[ابو بدر]

يعطيك العافية اخوي لاست مان ومشكور على كلامك الطيب يالغالي
بنتظر شهرين او ثلاثه وعسى الله يكتب اللي فيه خير للجميع

 

[a7m1d7]

والله مدري ياخوي بس اللي يذكرون ان الشعر عند اكمال 3 اشهر يكون نابت بنسبة 30% وماشاء الله فيه بعض التجارب شعرهم بعد مرور 3 اشهر يقدرون يمشطونه ووضع شعري انا اقل بكثير منهم اذا قارنت زراعتي معهم

وبالنسبة للادويه مااستخدمت شي ابد غير بخاخ هيرو بس ويوم شفت النتئج ضعيفة قلت بستخدم حبوب بروبيشيا بس للاسف ماحصلتها واذا فيه بديل عنها يكون مجرب ومفعول طيب ياريت تعطيني اسمه لاهنت
وبنتظر لي كم شهر وبشوف عسى الوضع يتحسن وترتفع المعنويات شوي ههههه

شكرا على النصيحة احمد​

اخوي ابوبدر تبي نصيحة ابعد عن حبوب بروبيشيا وبالنسبة لبخاخ هيرو هل هو منيوكسيديل اذا كان منيوكسيديل انصحك انك تستبدلة بمنتج معروف يحتوي على المنيوكسيديل مثل بخاخ هيرجرو لأن الجودة مهمة وتختلف من صناعة الى اخرى ولابد اخوي ابو بدر انك تستخدم فيتامينات للشعر حتى يستطيع ان يظهر بشكل افضل مما تتوقع صدقني انت شوي مستعجل وطول بالك شوي وبعد سنة احكم على النتيجة
تقبل تحياتي

 

[ابو بدر]

بالنسبة للبروبيشيا قريت عنها ان مفعولها طيب واذا قصدك اني ابعد عنها لانها تسبب ضعف مالنا الا نتحمل واذا خلصت المدة يرجع الوضع مثل اول واذا فيه شي بديل عنها تشوف انه انسب لي ياريت تعلمني عنه
والبخاخ اللي انا استعمله هو نفسه هيرو قرو بس كنت كتبت اسمه ناقص بردي الاول

اذا عندك اسماء حبوب فيتامينات او اي شي يساعد الشعر ياريت تذكره لي
وبالنسبة للنتائج بصراحة مو مشجعة لكن ع قولتك نصبر كم شهر وباذن الله يعوضنا خير

شكرا احمد وما قصرت*

 

[ahmad2444]

الغالى بو بدر

مدام بدا يطلعلك شعر بغض النظر عن ضعفه او تساقطه انت بعون الله بالسليم و الشغلة بس يبيلها شوية صبر. البصيلة المزروعة لك نادرا ما تصاب بالصلع لذا ستستمر بالانتاج طول العمر و نصحيتلى لك بالفيتامينات حتى تقوى شعرك و تسرع نموه.

دعواتى لك بالصحة و اتمنى ان ارى اخبار سارة بمشاركاتك القادمة .

 

[ابو بدر]

الغالى بو بدر

مدام بدا يطلعلك شعر بغض النظر عن ضعفه او تساقطه انت بعون الله بالسليم و الشغلة بس يبيلها شوية صبر. البصيلة المزروعة لك نادرا ما تصاب بالصلع لذا ستستمر بالانتاج طول العمر و نصحيتلى لك بالفيتامينات حتى تقوى شعرك و تسرع نموه.

دعواتى لك بالصحة و اتمنى ان ارى اخبار سارة بمشاركاتك القادمة .

الف شكر اخ احمد2444عالمرور والافادة والدعاء

بالنسبة للفيتامينات ياريت اذا عندك انواع واسماء منها تكون من افضل الانواع ومجربة ومكان بيعها ياريت تفيدني فيها اكون شاكر لك

​

 

[صلعه ونص]

السلام عليكم مشرفنا ابو بدر
نتائج غير مرضية
لكن عشمنا الكبير في الاشهر المقبلة
باذن الله سترى نتائج ترضيك وترضينا
__
ومالك هم لاتشيل هم المشط والجل والاستشوار والحنا
كلها هديه مني ان شاء الله

 

[ابو بدر]

السلام عليكم مشرفنا ابو بدر
نتائج غير مرضية
لكن عشمنا الكبير في الاشهر المقبلة
باذن الله سترى نتائج ترضيك وترضينا
__
ومالك هم لاتشيل هم المشط والجل والاستشوار والحنا
كلها هديه مني ان شاء الله

عليكم السلام صلوعي <<< اسم الدلع هههه

والله النتائج فعلا ضعيفه لكم مع الوقت عندي احساس انه بيتحسن كثير باذن الله

وش هذي الجل والمشط والاستشوار ؟؟؟؟ <<<< ماله خبر فيها ومستنكر اسمها هههههه

شاكر مرورك ​

 

[a7m1d7]

بالنسبة للبروبيشيا قريت عنها ان مفعولها طيب واذا قصدك اني ابعد عنها لانها تسبب ضعف مالنا الا نتحمل واذا خلصت المدة يرجع الوضع مثل اول واذا فيه شي بديل عنها تشوف انه انسب لي ياريت تعلمني عنه
والبخاخ اللي انا استعمله هو نفسه هيرو قرو بس كنت كتبت اسمه ناقص بردي الاول

اذا عندك اسماء حبوب فيتامينات او اي شي يساعد الشعر ياريت تذكره لي
وبالنسبة للنتائج بصراحة مو مشجعة لكن ع قولتك نصبر كم شهر وباذن الله يعوضنا خير

شكرا احمد وما قصرت*

والله شوف اخوي ابوبدر اذا انت تبغى فيتامينات ممتازه انا سنعت عن هيردال لكن لم اجربها ولكن انا جالس استخدم فيتامينات عامه للشعر ولغير الشعر يعني فيتامينات شاملة لكل شي واسمها سنتروم ممتازه جدا ورخيصه اعتقد صناعتها امريكيه او كندية

 

[ابو بدر]

يعطيك العافية احمد كفيت ووفيت يالغالي

 

[يآرب حقق مرآدي]

صورة الشعر المزروع بعد اكتمال 3 اشهر من الزراعة ويبدو ان النتائج ضعيفة جدا بعد مرور هالمدة والشعر الاسود الطويل اللي معطي نسبة بسيطه من السواد في الراس هذا هو الشعر المزروع الذي لم يتساقط وليس شعر نابت جديد


صورة المنطقة المانحة بعد اكتمال 3 اشهر ولكونها ضعيفة بالاصل فقد تلاحظ انها تأثرت وتتضح فراغات فيها من اثر اخذ الشريحة

هلا فيك ابو بدر
بقولك حالتك زي حالتي
تعرف بايش ؟
انا يوم كملت 3 شهور كانت حالتي مو مطمنه ابد وكنت قبل العمليه احسن بكثيرر
شعري طااااح بكثره وصورني الدكتور وكان متفآجأي بالنتيجه لانها سيئه
بس ابشرررك الحمدلله
بعد مراجعتي ب6اشهر من العمليه كانت النتيجه ممتااازه ولله الحمد
وتطمنت كثير وكل مالها حالاتي تكون احسن
وبكمل سنه ولله الحمد والشكر تمااام
تطمن ولاتشغل بالك

 

[ابو بدر]

الف شكر اخت يارب واتمنى انه مع الوقت اشوف نتائج تعوض التعب

 

[ahmad2444]

الف شكر اخ احمد2444عالمرور والافادة والدعاء

بالنسبة للفيتامينات ياريت اذا عندك انواع واسماء منها تكون من افضل الانواع ومجربة ومكان بيعها ياريت تفيدني فيها اكون شاكر لك

​

المعذرة على التأخير بالرد يا بو بدر ...و السموحة.

للامانة اعرف الكثيرين يمدحون ب فيتامينات امريكية اسمها Nuhair خاصة للشعر كما يدل اسمها و هى تحتوى على حمض الفوليك و البايوتين و الزنك و غيرهم من العناصر الغذائية المهمة للشعر . لكن يا بو بدر ال نيو هير كسائر الفيتامينات و المكملات الغذائية الاخرى يسبب السمنة لذا يتوجب تقليل الاكل و ممارسة الرياضة .... و بالعافية ان شاء الله .


صورة المنتج

 

[ابو بدر]

يعطيك العافيه احمد ع الخدمه وماقصرت
وبالنسبه للسمنه انا ودي اسمن شوي بس ههههه

 

[abdullah878]

اخوي ابو بدر السلام عليكم

انا راجعت الدكتور بسام قبل كم يوم سويت كشف عنده وسألته عن نتيجتك
بصرااحه كلامه كان منطقي وشخص صادق معي
وشفت نتائج كثيره
حيث قال لي ان النتيحه تبداء تبان من بعد 6 شهور وبعد سنه باذن الله تشوف النتيجه النهائية
وشفت الشيء هذا بعيوني

لذلك اخوي ابو بدر لاتستعجل وباذن الله بعد 6 شهور تحط صور مختلفه ونتيجه مرضيه لك باذن الله

وانا باذن الله بسوي العملية بعد العيد اذا ربي كتب لنا عمر واكدي ماراح ابخل على هالمنتدى بتقرير يليق بمقام المنتدى

 

[ابو بدر]

عليكم السلام اخ عبدالله

بالنسبة لنتائجي انا ذكرت هالشي بردودي السابقة اني باذن الله متفائل بظهور نتائج وتغير ملموس بالزراعة خلال مرور فتره تكون كافيه ولن احكم على ذلك حكم نهائي من الان

وسبق لي اني كلمت العيادة وشرحت لهم وضعي وافادوني بهالشي وانا باذن الله متفائل خير

اتمنالك التوفيق بزراعتك وعقبال النتائج اللي تسرك مقدما باذن الله

شاكر مرورك يالغالي

 

[موودي]

بالتوفيق اخوي ابو بدر وربنا يكرمك ان شاء الله وتشوف النتائج اللي ترضيك

 

[ابو بدر]

بالتوفيق اخوي ابو بدر وربنا يكرمك ان شاء الله وتشوف النتائج اللي ترضيك

مشكور حبيبي مودي عالدعوه الحلوه من بوء بينئط عسل​

 

[ابو بدر]

بدأت من اسبوع تقريبا استخدام حبوب اسمها هيردال بمعدل حبة يوميا عساها تكون محفز قوي للبصيلات ونشوف نتائج طيبه باذن الله

واذا احد عندة وصفة افضل واقوى لتحفيز وتقوية البصيلات يذكرها

شكرا