السلام عليكم ورحمة الله وبركاته
سالفتي باختصار, انا حالي حالكم عندي تساقط في شعر الرأس وواضح. وانا ما عندي اي خبرة عن الادوية او انواع الزراعة وانواع التساقط. وقبل ازرع نصحوني كثير اجرب دواء بروبيشا وروقين بس قلت ما راح اجرب اي شي لين اشوف دكتور. قررت اروح عيادة ديرما عند الدكتور عبدالله الخليفة على اساس انه من أفضل الدكاترة في الرياض للإستشارة في موضوع تساقط الشعر. حجزت موعد قبل سنة تقريبا ورحتله. جيت على الموعد لكن الدكتور تأخر علي نص ساعه ما قلت شي سلكت. دخل الدكتور وسلم وشاف شعري وقال وش تتوقع مشكلتك قلت ما ادري بس اتوقع وراثي. قال بالضبط ووصفلي بروبيشا وقال راجعنا بعد ست شهور! والله العظيم انه ما جلس ولا دقيقتين. وانا عن نفسي ما فرقت يقعد دقيقة او ساعه عندي بس كنت ابيه يرد على اجوبتي بدون ما يتهرب باجوبة سريعه وغير مفيدة. قال للممرضة صوريه وصورت راسي وطلعت. ولما استفسرت من الأصحاب ذوي الخبرة قالوا لي انه كان المفروض يفحص مقدار التساقط واشياء ثانية نسيتها بس ما سواها ولا قالي شي.
حجزت موعد بعد ست شهور وداومت على الدواء. الحق يقال الدواء كويس واوقف التساقط ولكن للآن ما شفت اعادة نمو اي شعر.
المهم,
رحت موعدي الثاني بعد ست شهور وصارت نفس السالفة في التأخير وانتظرت حول ال40 دقيقة. ولأني هالمرة سألت موظفة الاستقبال وين الدكتور تأخر كان تعاملها سيء بالرد. نادوا اسمي ودخلوني غرفة الدكتور واكتشفت انها نوع من التسكيتة لاني دخلت غرفة الدكتور وانتظرت حول الربع ساعة.
دخل الدكتور طبيعي ولا كأنه متاخر فوق الساعه وفحص راسي وشاف الصور قال كويس يبدوا فيه تكثف بالشعر احسن من قبل. أنا عن نفسي ما لاحظت اي فرق الا توقف التساقط فقط. ونفس المره اللي فاتت ما قعد عندي الا تقريبا دقيقتين الى ثلاث وكل ما كنت أبي أسأل الدكتور كان يجاوب باجوبة سريعة ويحاول الخروج باقرب فرصة. واحد من الأسألة اللي سألتها كان بخصوص الحكة براسي قالي البروبيشا ما يسبب حكة يتهيأ لك؟؟ أول شي انا ما قلت ان الحكة من البروبيشا بس اقولك مشكلة عندي وابي اعرف وش ممكن يكون سببها. وثاني شي بالله هذا اسلوب تقول لاحد مراجعينك يتهيأ لك؟ وشلون يعني أكذب عليك انا فاضي لك؟ ونفس الشي قالي خل نشوفك بعد ست شهور قال للممرضة صوري راسه وطلع.
قلت للفلبينية أبي الصور بسي دي او ترسلينها بايميل قالت اوكي شوي واجيك وسحبت. انتظرت 10دقايق ما جت طلعت ادورها لقيتها تسولف مع ممرضة ثانية وتضحك قلتلها جهزتي الصور قالت معليش نسيت اقولك ما عندي سيديات ولا انترنت!!! طيب قولي لي مب مخليتني جالس بالغرفة بلحالي. قلتلها بجيك اليوم معي يو اس بي قالت اوكي.
بنفس اليوم, بعد موعدي تقريبا بساعه دقت علي وحدة من عندهم قالت استاذي انت ما حضرت اليوم موعدك تبي احجز الاسبوع الجاي؟؟؟؟؟؟؟ لا اموركم طيبة قلت :d ....
طولنا عليكم العذر والسموحة بس حبيت اشارك تجربتي السيئة ونقلها لمن اراد معلومات عن المركز او الدكتور
سالفتي باختصار, انا حالي حالكم عندي تساقط في شعر الرأس وواضح. وانا ما عندي اي خبرة عن الادوية او انواع الزراعة وانواع التساقط. وقبل ازرع نصحوني كثير اجرب دواء بروبيشا وروقين بس قلت ما راح اجرب اي شي لين اشوف دكتور. قررت اروح عيادة ديرما عند الدكتور عبدالله الخليفة على اساس انه من أفضل الدكاترة في الرياض للإستشارة في موضوع تساقط الشعر. حجزت موعد قبل سنة تقريبا ورحتله. جيت على الموعد لكن الدكتور تأخر علي نص ساعه ما قلت شي سلكت. دخل الدكتور وسلم وشاف شعري وقال وش تتوقع مشكلتك قلت ما ادري بس اتوقع وراثي. قال بالضبط ووصفلي بروبيشا وقال راجعنا بعد ست شهور! والله العظيم انه ما جلس ولا دقيقتين. وانا عن نفسي ما فرقت يقعد دقيقة او ساعه عندي بس كنت ابيه يرد على اجوبتي بدون ما يتهرب باجوبة سريعه وغير مفيدة. قال للممرضة صوريه وصورت راسي وطلعت. ولما استفسرت من الأصحاب ذوي الخبرة قالوا لي انه كان المفروض يفحص مقدار التساقط واشياء ثانية نسيتها بس ما سواها ولا قالي شي.
حجزت موعد بعد ست شهور وداومت على الدواء. الحق يقال الدواء كويس واوقف التساقط ولكن للآن ما شفت اعادة نمو اي شعر.
المهم,
رحت موعدي الثاني بعد ست شهور وصارت نفس السالفة في التأخير وانتظرت حول ال40 دقيقة. ولأني هالمرة سألت موظفة الاستقبال وين الدكتور تأخر كان تعاملها سيء بالرد. نادوا اسمي ودخلوني غرفة الدكتور واكتشفت انها نوع من التسكيتة لاني دخلت غرفة الدكتور وانتظرت حول الربع ساعة.
دخل الدكتور طبيعي ولا كأنه متاخر فوق الساعه وفحص راسي وشاف الصور قال كويس يبدوا فيه تكثف بالشعر احسن من قبل. أنا عن نفسي ما لاحظت اي فرق الا توقف التساقط فقط. ونفس المره اللي فاتت ما قعد عندي الا تقريبا دقيقتين الى ثلاث وكل ما كنت أبي أسأل الدكتور كان يجاوب باجوبة سريعة ويحاول الخروج باقرب فرصة. واحد من الأسألة اللي سألتها كان بخصوص الحكة براسي قالي البروبيشا ما يسبب حكة يتهيأ لك؟؟ أول شي انا ما قلت ان الحكة من البروبيشا بس اقولك مشكلة عندي وابي اعرف وش ممكن يكون سببها. وثاني شي بالله هذا اسلوب تقول لاحد مراجعينك يتهيأ لك؟ وشلون يعني أكذب عليك انا فاضي لك؟ ونفس الشي قالي خل نشوفك بعد ست شهور قال للممرضة صوري راسه وطلع.
قلت للفلبينية أبي الصور بسي دي او ترسلينها بايميل قالت اوكي شوي واجيك وسحبت. انتظرت 10دقايق ما جت طلعت ادورها لقيتها تسولف مع ممرضة ثانية وتضحك قلتلها جهزتي الصور قالت معليش نسيت اقولك ما عندي سيديات ولا انترنت!!! طيب قولي لي مب مخليتني جالس بالغرفة بلحالي. قلتلها بجيك اليوم معي يو اس بي قالت اوكي.
بنفس اليوم, بعد موعدي تقريبا بساعه دقت علي وحدة من عندهم قالت استاذي انت ما حضرت اليوم موعدك تبي احجز الاسبوع الجاي؟؟؟؟؟؟؟ لا اموركم طيبة قلت :d ....
طولنا عليكم العذر والسموحة بس حبيت اشارك تجربتي السيئة ونقلها لمن اراد معلومات عن المركز او الدكتور