الله يبارك في عمرك يا غالي .
عندي سؤال كيف اوزع اللوشن في المنطقه المانحه ؟ وبعد ساعتين وقت الغسل بالشامبو كيف طريقه احرك المكان كانه مساج خفيف ؟
و اللحيه بعدها كيف تكون وضع الغسيل احرك الرغوه في جميع الاتجاهات ولا بس على حدود الشعر على خفيف ؟
والاسبوع الثاني وضع اللوشن على اللحيه كيف يكون ؟
واخر استفسار انا اسف شعري الي ما انقص الي فوق المنطقه المانحه كيف اغسله ؟
واسف على كثره الاسئله
اجمعين يارب
* بالنسبة لغسيل المانحة : عادي تقدر تفرك المنطقة وتوزع اللوشن والشامبو بالطريقة اللي تبيها ومافي مشكلة لو فركت المنطقة ؛ بالعكس بيكون افضل عشان يتساقط الدم المتيبس من اثر الاقتطاف.
* غسيل اللحية بالشامبو : لا مو على كل الاتجاهات ؛ وزعه مع اتجاه الشعر وبهداوة عشان سلامة البصيلات ؛ واهم شي انك تغطي المنطقة كامل بالرغوة .
وضع اللوشن في الاسبوع الثاني : تحط اللوشن في اطراف اصابعك وتبدي توزعه بهداوة على اللحية ومع اتجاه الشعر ومثل ما قلت لك اهم شي تغطي المنطقة كامل.
بالنسبة لشعرك اللي ما انقص : تغسله مثل المانحة والمزروعة ؛ تاخذ الرغوة وتحركها في شعرك بعدين تغسله بكوب ماي ؛ بعدها تاخذ شور عادي لكن دفع الماي لازم يكون ضعيف عشان ما يروح على اللحية ويصيدها ضرر لا سمح الله.
بالتوفيق لك ان شاء الله
وخذ راحتك اسأل اللي تبيه ياخوي الله يشهد اني ما اتضايق ولا انزعج
تحياتي