الله يكثف شعرك اخوي مبين على الدكتور شاطر صراحه تحمست صار لي سنه اقرا وشكلي قررت طبعا انا بنت وشعري كل ماجا اله يخف وخايفه اصح من النوم يوما ما مالاقي ولاشعره الله يعين بس سؤال اقدر ازرع 10000 شعره والله على حسب المنطقه المانحه ؟؟ وسؤال ثاني المنطقه الا ودي ازرع فيها لازم يحلقوا شعري لان مره ماساه مافي شعر صعبه ):
انشالله تكون النتيجه زي ماتحب واحسن وموفق
الله يسلمك ويخليك يا رب ، ترى العيادة اللي رحتها الدكتور بس للاستشارة يعني ما يشارك في العملية ، الممرضة هي اللي تسوي لك كل شي من الألف الى الياء ، ترسم الخط وتقتطف الشعر وتسوي الفتحات وتزرعه . لأن هالعيادة ما شاء الله واجد مرضى يروحونها للزراعة فما يصير الدكتور يسوي لهم كلهم!!
بالنسبة لسؤالك ترى على حسب المنطقة المانحة وبعد على حسب الاستشاري يوافق أو لا ،\
يعني انا مثلا كنت أبي أزرع 10000 قالت لي الاستشارية أولا انت ما تحتاج هالعدد وثانيا ترى عندك
مناطق احتمال تتساقط في المستقبل فما أبي أستنفذ المنطقة المانحة خلها للمستقبل أحسن .
السؤال الثاني ، طريقة الاقتطاف لازم يحلقون منطقتين ترى مو منطقة وحدة بس ، منطقة اقتطاف البصيلات ومنطقة اللي بيزرعون فيها ، بس احسن اتصلي للمترجم مسعود اللي رقمه فوق واسأليه اذا كنتي بنت يصير يسوونك عملية بدون ما تحلقين او لا .
إذا ما ودك تحلقين زيرو سوي طريقة الشريحة .
الحمد لله على سلامتك ويا رب تتكلل كل هالجهود بالنجاح
بس يالغالي كيف المصاريف هناك في ايران
يعني اللي يبي يجلس 10 ايام كم تكلفه غير الزراعة
ولك شكري
الله يسلمك أخوي يا رب يسمع منك ،
المصاريف كتبتهم فوق ، المنسق كان ياخذ 30 دولار باليوم ، الفندق كنت ساكن في فندق 200 ريال باليوم لكن اذا انت تشوف هالفندق غالي أو تبي تسكن بفندق مستوى أفضل هذا راجع لك تقدر تختار الفندق اللي تبيه ، حتى فنادق بو 100 ريال بتلقى .
الادوية اخذت لست شهور 800 ريال ،شنو بتحتاج شي غير الأكل؟؟ الأكل كانك في المملكة الأسعار ماكو فرق .