الزواج وزراعة الشعر ضروري

[صلعان2]

أولا : اشكرك جميع أعضاء المنتدى على التفاعل والسعي ل
حل مشاكل الشعر ونحنو الصلعان

ثانيا : ابي أسشيركم ياشباب ويابنات أنا زواجي بعد 6 أشهر
وانا شاب أصلع هل يمدي أزرع واللى اخليه بعد الزواج ضروري
والله الصلعة جابت لي عقده نفسيه الشكل شكل ولد شاب وسيم
وإذا نزلت الشماغ تقول وش الشايب ذي
أخاف الحرمه تشوف الولد الوسيم يوم الزواج واذا نزل الشماغ تقول انا متزوجه واحد مثل جدي

ههههههههههه وهل فيه حل يمشينا ويرقع الصلعه ذي لو شهر بعد الزواج

اتمني مشورتكم ورايكم بكل صراحه ضروري

 

[ابو بدر]

حياك ربي

اذا باقي على زواجك ٦ شهور انا اشوف انه يمديك تتوكل على الله وتزرع لاني اقيس الوضع على حالتي بعد الزراعة فانا بعد اسبوع تقريبا اكمل ٦ شهور ان شاء الله ووضعي جدا طبيعي ومستقر ولا اثر لاي زراعة اقصد من ناحية اوجاع او مشاكل وبعد مرور هالفتره اللي هي ٦ اشهر يكون الشعر نبت تقريبا بكامله ولكن بفتره ال ٦ اشهر الاخرى تكون هي فترة سماكة الشعر وهذا ماراح يكون عائق لك عن الزواج اما لو قلتلي ان زواجك بعد شهر او شهرين هنا بقولك وقف وانتظر لان بهالمرحله تكون الامور لسه مااستقرت من ناحية الشد بالمنطقة المانحة والخدر بالمنطقة المزروعه واذا امكن تفيدنا ماهي درجة الصلع اللي عندك اذا تكرمت
بالتوفيق اخوي ولا تنسى الاستخاره عسى الله ان يدلك لما فيه خير لك

 

[صلعان2]

يعطيك العافيه ابو بدر ومشكور والله على الرد

انا الصلع عندي الدرجه الخامسة

 

[ابو بدر]

يعطيك العافيه سؤالي عن مرحله الصلع لديك كان فقط للاطلاع لكن توكل على الله وازرع لكن عليك باختيار الطبيب المناسب وذلك من خلال اطلاعك على تجارب زراعة عندة وذلك لمعرفة مدى كفاءة الطبيب ونجاح الزراعة واحرص على التجارب اللي مر عليها فترة زمنية كافيه

موفق يالغالي

 

[lonly]

لايفوووووووووووتك عيادة ادمه
يمديك علي شعرك 6 شهور
ثم خفف شعرك خله متساوي
ولا منشاف ولا من دري
واثر الخياطه ماراح يبين ولو بان سو نفسك داخل مضاربه
مع 8 افغانيه

 

[انسانه2]

نصيحه لك اعمل العمليه قبل الزواج وراح يكون مده سته اشهر شوي طلع لك شعر زياده واذا تزوجت بعد الزواج ب 4 اشهر يكون انت خلاص تقريبا مضى لك سنه وبكون شعرك كثف ,,ذي نصيحتي وانت اله تشوفه انسب لك ,,وبالتوفيق لك ,,,

 

[انسانه2]

ابو بدر عندي سؤال وين عملت عمليه زراعة الشعر ؟؟

 

[صلعان2]

مشكورين جميعاً على الرد

أما بالنسبه لك يا انسانه أفضل ناس يزرعون بالسعوديه هم الدكتور بسام جباعي عيادات أدمه

والدكتور بسام جباعي عيادات العالميه

ومشكورين

 

[شخصون حزين]

اخوي انصحك تروح تسوي زراعة الأن

وحاول تزرع على الاقل 3000 بصيله

انا لي الحين 5 اشهر مسوي زراعة .. 2000 بصيله تقريبا والحمدلله الوضع مرضي نوعا ما .. قولوا ماشاء الله :d
ليس بالجيد جدا لكن فترة 6 اشهر يمديه على الاقل يطول شعرك ويغطي بعض الاماكن ويكون شكلك مقبول

فـ نصيحتي حاول تسويها بأسرع وقت ... وعقبال ماتطفش من شوشتك خخخخ
على فكره انا سويتها عند بسام جباعي

 

[الأصلع]

اخوي انصحك تروح تسوي زراعة الأن

وحاول تزرع على الاقل 3000 بصيله

انا لي الحين 5 اشهر مسوي زراعة .. 2000 بصيله تقريبا والحمدلله الوضع مرضي نوعا ما .. قولوا ماشاء الله :d
ليس بالجيد جدا لكن فترة 6 اشهر يمديه على الاقل يطول شعرك ويغطي بعض الاماكن ويكون شكلك مقبول

فـ نصيحتي حاول تسويها بأسرع وقت ... وعقبال ماتطفش من شوشتك خخخخ
على فكره انا سويتها عند بسام جباعي

وين سويتها يالغالي؟؟
وياليت تفيدنا بعرض تجربتك بموضوع مستقل