الدكتور أحمد التركي ، مواضيع مدمجة / يمنع فتح موضوع مستقل .

[الـــمـــصـــدر]

اخوي ابو بدر واخوي اوكي
على كلام الدكتور احمد المنطقة المانحة عندي جيدة ككمية بصيلات لكن نفس الشعر خفيف جدا ومجعد
يعني بإختصار لو شال مني 3.000 قرافت وشال من واحد شعره جيد 2.000 قرافت بيكون الثاني افضل مني لان نفس الشعرة سميكة وجيدة فماهو عدد القرافت اللي راح ينأخذ فقط هو اللي يحدد النجاح من عدمه ايضا نوع الشعرة يفرق
اتمنى اكون وصلت المعلومة وهذه بعض الصور لحالتي​

 

[ابو بدر]

ع كل حال المنطقة المانحة اللي عندك شبيهه بالمنطقة المانحة عندي ونوع شعرك مثل شعري تقريبا ( ناعم وخفيف ) اما عن وصفك ان شعرك مجعد مااشوف فيه هالصفه

للعلم ان مرحلة الصلع عندك اقل من عندي انت فيه شعر فوق خفيف يمكن استعمال بخاخ لتقويته والحفاظ عليه كذلك عندك شعر من الخلف يعني فيه شعر مغطي مساحه لابأس فيها ومانزل الصلع كثير من الخلف ومن خلال الصور عل اقل تقدير اتوقع ان المنطقه المانحه عندك تعطي عدد حلو من البصيلات لاباس فيه لكن مااعتقد تصل للعدد اللي انت ذكرته بتقريرك

بكل الاحوال انا انصحك بتكرار الزيارة لكذا طبيب وتشوف رايهم لانك حسب نظري الشخصي انك ماوصلت لدرجة تصنيفك من الناس اللي يمنع عنهم الزراعة واشوف فيك مميزات تساعد على الزراعة لكن مايمنع برضو من تكرار الاستشارات والفحص السريري عن طريق المختص

وطمنا عنك وفالك التوفيق اخوي

 

[_ ok _]

انا اشوف المنطقه المانحه جيده ومرحلتك ما اتوقع تصل للسادسه

وانت عندك ميزه جدا مهمه وهي ان الصلع ما زحف على الجوانب

عشان كذا مع اي زراعه بتشوف تغيير مرضي بحول الله

 

[الـــمـــصـــدر]

اخوي ابو بدر واخوي اوكي
حكاية ان شعري مجعد وانه ممكن اخذ 3.000 قرافت وان حالتي من الدرجة السابعة اللي هي الاخيرة هذا كله كلام الدكتور احمد مو كلامي ولا انا ما كنت اتوقع ان المنطقة المانحة عندي تعطي اكثر من 1.800 قرافت بالكثير وايضا الدكتور احمد قال ان الصلع زحف بقوة للجوانب ولو سوينا الزراعة راح تشمل شوي من الجوانب

 

[ابو بدر]

اخوي المصدر اكيد عارف ان هذا كلام الطبيب مو كلامك


بالنسبة لنوع شعرك
سؤال انت تشوف شعرك مجعد ولا لا ؟ انا اللي اعرفه ان الشعر المجعد اللي تجي شعرته ملفوفه غير مستقيمة . انت تشوف شعرك من هالنوع ؟

اما عن جوانب الراس اكيد الزراعة بتشمل شوي من الجوانب لكن مع هذا مارح يكون عدد كبير لانها لسه فيها شعر

وعن المنطقة المانحة حسب الواضح انها ماراح تعطي اكثر من 2000 بصيلة كحد اقصى

وعشان نختصر الموضوع انا انصحك تكرر الاستشارة لكذا طبيب عشان ترتاح وما توقف عند حد استشارتك الاولى

ومسألة انك صابك احباط وشلت من راسك انك تفكر تزرع هذي حسب تقديري مو بمحلها وبصراحة انا اشوفك شعرك قذله عند حالتي ههههه

ياخي خلنا نقول اترك كلام ابو بدر ولا تاخذ فيه طيب مايمنع روح شوف موجود بقسم تجارب الاعضاء كذا تجربة اكثر منك حالة صلع والشعر تقريبا مثلك ناعم وضعيف ومنطقة مانحة تعتبر متوسطه ومع هذا زرعوا واكيد

لازم تحط في بالك ان الهدف من الزراعة تغيير الشكل عن السابق وجعله مقبول اجتماعيا وليس اعدة الشكل مثل ماكان قبل الصلع يعني اي تغيير حتى لو كان بسيط بيكون خطوه ايجابيه خاصة لمراحل الصلع المتقدمة نوعا ما

اخيرا انت استخر وفكر وباذن الله تشوف كل خير