ترفيع سكسوكة
New Member
- إنضم
- 6 فبراير 2015
- المشاركات
- 7
- مستوى التفاعل
- 0
- النقاط
- 1
زرعت في تقسيم هير
يعطيك العافيه اخوي المشعلاني على الموضوع الكافي والوافي استفدت منه كثير
انا الان تقريبا كملت 10 ايام من بعد زراعة الذقن ولله الحمد
من بكرا ان شاءالله ببدا استخدم اللوشن على الذقن ...سؤالي كيف الطريقه الصحيحة لاستخدام اللوشن على الذقن
وشكرا لكم جميعا
الف شكر اخوي المشعلاني بصراحه مجهود تشكر عليه الله يوفقك
انا عضو جديد بالمنتدى واتمنى تفيدني انا زرت مستشفى **** بالرياض وقابلت الدكتور فادي الصباغ انا فقط ابي زراعة للشارب وتكثيف الزلوف واللي تحت الفم يسمونها التفله على ما اظن
انا فيه شعر موجود بهذي المناطق لكن خفيف جدآ وان شاء الله ناوي اسوي الزراعة في مستشفى **** بعد العيد ان شاء الله
هل تنصحوني في مركز **** والدكتور فادي ؟
ابي رايكم الله يسعدكم
أخوي المشعلاني وش افضل مكينه لتشذيب الذقن والشنب وعلى رقم كم يقضل تكون للذقن بعد الزراعه وبعد كم اقدر استخدم المكينه
الله يسعدك يالمشعلاني على تعاونك وجهودك يا عسسل
انا زارع الذقن لي 20 يوم الحمد لله تخلصت من مشكلة القشور بعد مل بديت استخدم اللوشن
لاكن لما راحت القشور وبان الشعر لاحظت ان بعض الشعر بالشنب بالذات رايح لقدام وشي يمين وشي لفوق اتجاه الشعر مو مع بعض مع العلم اني زارع عند الدكتور سركان بس لما جا يوم العمليه جا السواق اخذني لمركز غير الاول الي جيت دكتور سركان ورفضت العمليه وقالو هذا بعد المركز تابع لسركان وبيمر عليك وفعلا بديت بالعمليه وبصراحه اخلاق الطاقم الي سوى العمليه سيئه جدا لابعد درجه وبنص العمليه جا الدكتور سركان مر سلم علي وراح بصراحه انصدمت من تعاملهم عكس ما سمعت عنهم المهم ما علينا سويناها والي عند الله عند الله
ادري ابثرتك معي بأسئلتي مدري مشكلة اتجاه الشعر كيف رايك فيها
والف شكر على تعاونك
المشعلاني
في اشياء اساسيه جداا وضروريه لازم تركز عليها عشان بأذن الله تتجنب الندب او الاخطاء
اول شي واهم شي ( اختيار المركز المناسب )
ثاني شي الطاقم الطبي المشرف على حالتك ! خبرته في زراعة الذقن ؟
قد تروح لمركز مشهور ومعرووف لزراعة الذقن ، وبسبب الزحمه يوكلون المهمه لدكتور وطاقم مالهم خبره بزراعة الذقن ! نقطه مهمه جداا ! انك تروح لمركز معروف ومشهور بالذقن ، ماهي نقطة النهايه لا ! لازم تعرف الطاقه بعد المشهور داخل المركز هذا بزراعة الذقن ( واشوف المنسق ) له دور كبير بهذا الشي لان كل منسق يميل لطاقم معين في المركز
الله يجزاك المشكله ما قريت موضوعك الا بعد ما رجعت والحمد لله على كل شي
الي صار يمكن يكون تحربه شخصيه لي تختلف من شخص لشخص
اول شي الطاقم كله شباب مافي بنات مع ان شخص نصحني انه يكون الطاقم في بنات لانها يدها اخف وبالها اطول
المهم بعد البنج شعرت بالام رهيبه بالمنطقه المانحه وجا المنسق يييييي شكلك دلوع المشكله اني دفش وقدرتي عالتحمل رهيبه
ابتسمت وقلت في قلبي لو تجرب ربعها غير القاك شارد وواصل انقره
المهم بدينا وبنص العمليه طلبت الحمام قلت تواليت رد واحد فيهم بصوت متنرفز ،، نو تواليت ،، قلت يا ولد نص وجههك باقي معهم طول بالك شوي مع اني عصبي بس حبت الزناك الي عطوني هي خلت بالي وسيع المهم المفروض اني اخذ بريك بنص العمليه هذي طبعا دريت عنها بعدين عشان ارتاح واخذ وجبه ما علموني وفجأه بدى جسمي يرتعش الا يدخل واحد يقيس النبض واعطوني حليب شكولاته وقطعه كيك وانا مسدوح عالسرير اكلتها بلمح البصر
وبعدها كأن واحد فيهم حس ع دمه قال جو تواليت قلت دامها جت منه المره الاولى ورفض خلها تجي مني قلت نو كمل شغلك
وبعدها جا الدكتور سركان ولما جا سألني كيف الوضع قلت خلني امدح الطاقم خصوصا انه باقي نص شغلهم ما خلصوه
قلتله جود ستاف يعني طاقم جيد وانا محترق منهم المهم خلصنا على خير ولما لبست طلعت ولقيت الي ينافخ علي وقلت له يور نو جود والمشكله لغتي الانحليزيه ع قدي يعني مشي حالك المهم سوى حاله مو سامع
ورجعت الفندق منتهي ونومه اليمه
المهم هذي تجربه شخصيه لي معهم يمكن غيري يختلف عني او صار له احسن من الي صار معي
بس عياده الدكتور سركان لاحظت انه الحين من كثر الزحمه صار ما يلحق
ويبغى يخلص اي شخص بسرعه وهذي لها سلبياتها وهدفهم مادي بالاول والاخير
انصح الي يبي يسويها يشوف مركز معروف وبنفس الوقت ما يكون مزحوم لو دفع زياده ميه ميتين يورو بس يكون مرتاح
واهم شي الطاقم ونفسيته لانها تلعب دور كبير وقت العمليه
واسف على الاطاله
شكرا أخوي المشعلاني على ردك على استفسارات الأخوه أناالحمدلله زرعت الدقن يوم الإربعاءالماضي عند سركان والطاقم كان نسائي كامل بقيادة وحده اسمها زلال الورم الى الآن قالي الدكتور خمس ايام ويروح ان شاءالله الحين لي ثلاث أيام عطاني ورقه صرفتها من الصيدليه منها شامبو ولوشن ضروري تستخدمه ويبدأ الإستخدام بعد خمس أيام من العمليه وايضا صرفت فيتامين ل6 أشهر وبخاخ روجين ل6 أشهر وهذا قالي اختياري وغير ضروري تستخدمه بس مادري ليه شريته ,!!
يعطيكم العافيه جميعا والله يفرح الجميع بالنتائج الجميلة ونفيد ونستفيد
اخوي المشعلاني انا الحين لي تقريبا 11 يوم من بعد الزراعة واستخدمت اللوشن على الدقن لكن للحين شعر الدقن عندي ماتساقط واحس الدقن عندي ناشف وكله قشرة وكآني مدهن وجهي بفازلين ��
هل هذا الوضع طبيعي للحين ؟؟ ومتى يبدا يتساقط الشعر
وبالنسبة للنوم معاناة متعب النوم على الظهر ابي انام على جنبي ��
والله يوفقكم جميعا
والفيتامينات وش وضعه نستخدمه بعد أو نخليهامثل البخاخ ونبقى على اللوشن والشامبو فقط
الله يعطيك العافيه يالمشعلاني وكل الي قلته صحيح
انا اليوم لي اليوم العشرين
والقشور طاحت من اليوم الثاني عشر تقريبا من بديت استخدم اللوشن
وبيني وبينك كنت العب فيها ونظفت الدقن من القشور
النتيجه حاليا مرضيه بنسبة 50٪ ولاكن الاحمرار لا زال واضح
لما كتب لي الوصفه الدكتور عطاني بخاخ للوجه وسألته اذا فيه كحول قلي ايه
قلت له معي حساسيه بعيوني واخاف تلتهب علي قلي مو ضروري
اما فيتامينات ما كتب لي اي شي تنصحني استخدمها ؟
والمنطقه المانحه بديت احس قيها حكه ما كنت احسها قبل مدري وش المشكله
اما النومه بديت انام ع جنب بعد اليوم العاشر بس طرف راسي من فوق