انا زرعت الجهة الامامية يا جماعة من 5 شهور ونص بالضبط والحمدلله النتايج كويسة جدا بس انا من ساعتها وانا بستخدم الروجاين الامريكى وحبوب البروسكار وفيتامين b عشان احافظ على الشعر اللى موجود فى منطقة التاج وتسريع نمو المنطقة المزروعة لكن بقالى فترة كل لما احط الروجاين وانام بليل بفضل احك المنطقة المزروعة واهرش فيها جدا لحد ممكن لما تجيب دم وكمان بلاحظ وانا بحط كريم على شعرى ان فى شعر بيطلع فى ايدى فانا عايز اعرف الحك دة سببه اية وازاى اقدر ابطله لو فى نوع شامبو معين او حاجة تانى حاجة عاوز اعرف تساقط الشعر دة طبيعى ولا اية خصوصا انى بستخدم كريم طبى ايطالى غالى جدا وياترى بعد الخمس شهور دول هى دى النتيجة النهائية ولا الشعر ممكن يكون لسه هيزيد عن كدة..واخر حاجة معلش لو فى حاجة افضل من الروجاين لزيادة منطقة التاج انا بستخدمه من حوالى 5 شهور وبرضو مش شايف اى تحسن فى المنطقة دى زى ما هيا..شكرا مقدما وربنا يجعلوا فى ميزن حساناتكم....