محلول موستال

السلام عليكم

قبل 3 أشهر بالتمام استخدمت محلول موستال لشعر الذقن " اللحيه " في أول شهر كان لمره واحده قبل النوم و الشهرين التاليين مرتين في اليوم واحدة في الصباح بعد الاستيقاظ من النوم و الثانيه قبل النوم

اليوم وجدت عرض عند صيدلية الدواء اشتر واحد و الآخر مجانا ، و طمعت و اشتريته.

الحمد لله لا اشتكي في مشكله كبيره و لكن لتكثيف شعر اللحيه الخفيف ، و قررت الانسحاب من استخدامه بطريقة استعماله مره واحد كل يومين ، هل هذه طريقه انسحابيه جيده ، و علما بأني استخدمه ثمان بخات على اللحيه

افيدوني في اي معلومه عن هذا المحلول و صحة ما أفعله و هل استمر عليه علما بأن نتائجه إلى الآن جيده و لله الحمد .


تجارب بخاخ موستال

رد: محلول موستال

الموستال هو عباره عن فيتامينات
فلو قطعته بأي وقت عادي

رد: محلول موستال

لا الموستال نفس المنكسديل فيه نسبه من المنكسديل ولو تركته بيرجع شعر الدقن كما كان والمفروض انك استمريت عليه مرة وحده ولكن بما انك استخدمته مرتين عادي استمر عليه مرتين ليه بتقلل الجرعه ؟؟ صار فيه شي صار فيه عراض جانبيه عشان تقلل الجرعة انا انصحك لو فعلا فادك وحسيت انه ماشي معاك استمر ولا تقلل ولا تتركه

رد: محلول موستال

استخدمت علبتين من الموستال خلال ثلاث اشهر آخرها صباح الأمس
مساء البارحة وجدت عرض عند الصيدليه علبتين بسعر واحده و اشتريته

الآن هل استمر عليه ببختين يوميا لمدة ثلاث اشهر ، ام اغير الاستخدام إلى بخه واحده يوميا .
مع العلم إذا استمريت في استخدامه راح تكون النتيجه اني استخدمت أربع علب خلال 6 أشهر
و هل هو كما مكتوب عن المنتج في موقع الشركة أنه من التفاح الأخضر أو انه يصنع من مواد كيميائية

رد: محلول موستال

اول مره اسمع فيه لاني كنت ادور عن اي شي يطلعلي شعر الدقن بس مامر علي هالمنتج بس اشك انه مينوكسيديل باسم تجاري مثل هيرجرو وكيركلاند وروجين .... الزبده اذا كان مينوكسيديل ف تقريبا راح يطيح الشعر الي طلع بسببه سواء وقفته تدريجي او مره وحده بتلاحظ بعد ممكن شهر او شهرين بيرجع دقنك لوضعه الطبيعي قبل استخدامك له و اذا انت تبي تتاكد اذا كان هالمنتج مينوكسيديل او لا شوف للحواجب اذا زاد فيها الشعر وطلعلك شعر اسفل العين وطال شعر يدينك ورجولك اعرف انه مينوكسيديل مليونين ف الميه ههههههههههههه

رد: محلول موستال

اصلا هو منكسيديل بدون اختبارات المهم الدكتور الي صرفه لك كم قالك بخه ولا بختين واذا ماوصفه لك دكتور فامشي على الطريقة الي نجح معاك فيها لاتغيرها انا لو احصل شي يوقف التساقط اشتريه لو بخمسميه ريال وانشاء الله لو يكفيني شهر ونص بس اهم شي وقف التساقط بدون اعراض جانبية

رد: محلول موستال

^^
انا عندي نفس مشكلتك تساقط شعر ومتعبني نفسيا وطبعا كل الدكاتره لو اروحلهم بيقولون استخدم مينوكسيديل او بروبيشيا عشان توقف التساقط وبالنسبة للبروبيشيا نتايجها ممتازه خصوصا ف منطقة التاج بس ياخي تخوف لاني بظل موسوس فيها فتره الاستخدام وممكن تجيب اضرار ماتتعالج لاني شفت كم مشاركه للعضو كوكتيل ويحذر منها وبالنسبة للمينوكسيديل ف انا تاركه اخر حل لشعر الراس لانه الحين باقي كثيف بس خفيف شوي ف منطقة التاج و اذا شفت انه الوضع زاد ومعد فاد معي اي شي ساعتها راح افكر استخدمه والله يعين ع اعراضه لاني جربته قبل فتره للدقن واستخدمته ممكن شهر وبانت نتايجه بس عيبه انك لما تحطه ع الجلد تمتصه الدوره الدمويه ويبدأ يشتغل ع شعر الجسم كامل ويزيد شعر الحواجب واسفل العين واليدين صار شكلها مقزز من كثرة الشعر تقول اني قرد ههههههههههههههههههههههههههه مع اني ما كنت استخدمه غير مره وحده باليوم وكنت حريص اني مازود الجرعه عن نص ملي واغسل يديني بعده بصابون مع انه ماكان يجي ع يديني منه لاني كنت استخدم كركلاند القطاره ............ الزبده فيه منتجات جربتها وحسيت انها خففت التساقط مثل حبوب برايورين وهذي استخدمتها قبل فتره حبتين باليوم بس لاتستعجل ع نتايجها لانها مابانت معي الا بعد شهر ونص بدا يخف التساقط بشكل كبير والشعر صار اقوى بس صارلتلي ظروف ووقفتها فتره طويله والحين رجعت استخدمها من ثلاث اسابيع وبستمر عليها ست شهور وبعدها بخفف الجرعه لحبه وحده باليوم وانشالله مالها اضرار لانها منتج طبيعي وفيه منتجات ثانيه جربتها مثل شامبو افالون وطبعا الشامبو هذا مكوناته طبيعيه كلها اعشاب والي حمسني اكثر اني استخدمه انه يحتوي ع الساو بالميتو وهو مضاد لهرمون dht ومن تجربتي له الي اعجبني فيه شي واحد انه ينشف الشعر الدهني ومايخليه يزيت بسرعه يعني تجلس يومين وباقي شعرك مازيت هههههههههههه بس للامانه التساقط ماخففه كثير بس الصراحة هالشامبو يبقى افضل بكثير من الشامبوهات التجاريه حقت الاسواق مثل بانتين وكان استخدامي لافالون تقريبا شهرين ولقيت شامبو ثاني اسمه انافاز وعليه مدح ودايم يوصوفونه الدكاتره لتساقط الشعر وصرت حاليا استخدم هالشامبو صح انه غالي بس فاد ناس كثير وانشالله يفيدني انا بعد وكمان استخدمة تونك اسمه سورسير فتره وهذا ممتاز كنت بعد ماغسل شعري وانشفه احط منه وتحس بانتعاش ف فروة راسك وتحسها تتنفس وريحته حلوه وهو ينظف فروة الراس ويريحها ويخفف دهنية الشعر وينشط الدورة الدمويه ومكونات التونك عرقسوس والثوم والبانثينول والبيوتين وجنسنغ وكافور وصبار وكلها طبيعيه ومايحتوي ع المينوكسيديل بس عيبه انه نادر تحصله وسعره غالي كنت اتركه فتره اذا مالقيته واحيانا ارجعله والصراحة مالاحظت زياده ف التساقط لما تركته وفيه تونك ثاني اسمه شين مين هذا عليه مدح ف امازون وموقع اي هيرب ومكوناته كلها طبيعيه ومايحتوي ع المينوكسيديل وهذا افكر استخدمه لانه يحتوي ع نباتات مضاده لهرمون dht مثل الساو بالميتو والقراص وسعره رخيص تقريبا ب 55 ريال وطريقة استخدامه تحط منه مره وحده باليوم بعد ماتغسل شعرك وتنشفه وبما ان تقييماته عاليه وفيه ناس جربته ومدحته وفادهم فانا راح اطلبه واجربه وفيه عندك منتجات كثير لقيتها للتساقط وبحثت عن مكوناتها بس شكيت انها تحتوي ع مينوكسيديل مثل رغوة فولتن وامبولات فتشي وامبولات دوكري مع ان الصيدلي يمدحها كل ماسالته ويقول ماتحتوي ع المينوكسيديل بس قلبي ما ارتاح لها وسحبت عليها هههههههههههه

رد: محلول موستال

اغلب الامبولات والرغوة فيها منكسيديل لاتصدق الصيدلي يبي يبيع ويكسب