 
 
|
|
|
||||||
 |
|
|
أدوات الموضوع |
05-10-2015, 11:45 AM
|
#1 |
|
عضو مميز
تاريخ التسجيل: Jul 2014
المشاركات: 334
 |
تجربتي في زراعة اللحية والشارب / عيادة الدكتور سركان / 28 سبتمبر 2015
السلام عليكم ورحمة الله وبركاته اتمنى ان الكل يكون بصحة وعافية ان شاء الله في البداية احب اشكر هذا المنتدى الجميل والراقي الادارة والاعضاء بارك الله فيكم وان شاء الله ربي يرزقكم على قد نيتكم واحب ايضا اقدم شكر خاص للاخ العزييز المشعلاني لاني استفدت من موضوعه كثيير وحصلت معلومات كافية عن العملية وبعد فيه الخير يجاوب على اي استفسار بكل رحابة وسعة صدر شكرا لك اخي المشعلاني وان شاء الله ربي يرزقك على قد نيتك بسم الله الرحمن الرحيم اقدم لكم تجربتي لزراعة اللحية والشارب في عيادة الدكتور سركان طبعا اول شي المعلومات الأساسية وبعدها تفاصيل التجربة وجفت تجارب الشباب لزراعة اللحية والشارب وكان اغلبها عن الدكتور سركان اسم العيادة : عيادة الدكتور سركان سعر العملية : 1500 يورو طريقة العملية : الإقتطاف مدة العملية : 6 ساعات عدد البصيلات : 3700 تقريبا تاريخ العملية : 28/9/2015 والحين تفاصيل التجربة للي حاب يستفيد طبعا اول شي بديت اجمع معلومات عن العملية وما بعد العملية والايجابيات والسلبيات فبديت اقرا تجارب العيادة واقرا كلشي عنها فأكتشفت ان الدكتور سركان ما يسوي العملية بنفسه لكن فقط يشرف عليها بس للأمانه الطاقم اللي عنده متميز جدا وشغلهم ممتاز وهالشي اللي ريحني شغلهم يكون ممتاز يعني بالنسبة لي مو مهم المسمى الوظيفي للشخص اللي راح يسوي لي العملية ان كان دكتور او اخصائي هذا مو مهم عندي المهم عندي الخبرة يشتغلون بضمير نتائجهم ممتازة ( وهذا اللي جفته من تجارب الشباب ) والصراحة كل هذا جفته في طاقم الدكتور سركان ( طبعا اتكلم عن طاقم زراعة اللحية والشارب) بعدها خلاص استخرت وتوكلت على الله وقررت احجز التذكرة طبعا موعد سفري كان يصادف عيد الاضحى وفي المناسبات مثل عيد الفطر وعيد الاضحى تكون اسعار شركات الطيران حدث ولا حرج خصوصا الشركات الخليجية وانا كنت ابغي ادمج اجازة العيد مع اجازتي السنوية عشان اكسب ايام زيادة و اذا رجعت للشغل يكون شكلي مقبول خصوصا ان الزراعة في الوجه وتكون واضحة اول شهر فقلت مالي الا احجز على الطيران التركي , وبالفعل حجزت على الطيران التركي وكان نفس السعر الطبيعي للتذكرة وفي الموعد اللي ابيه وفي نفس الاسبوع حجزت فندق في منطقة تقسيم عن طريق موقع بوكينق وبالنسبة للفيزا انا جفت موعد وصولي لتركيا الساعه 7 الصبح فقلت اكيد ما راح يكون زحمة فبطلع الفيزا من المطار وجذي انا اكون خلصت مسألة السفر وكان باقي على موعد السفر ما يقارب 4000 بصيلة شهر ونص تقريبا فقلت في هالشهر ونص راح اكلم المنسق واتفق معاه واساله عن اللي ابيه مع اني اعرف كل المعلومات اللي ابيها من المنتدى ومتابعة التجارب وبالفعل كلمت المنسق وارسلت له 3 صور للوجه و3 صور للمانحة وقال لي بعرض الصور ع الدكتور وارد لك خبر وفي نفس اليوم رد علي قال لي ان المنطقة المانحة ممتازة وراح يتم زراعة واتفقت معاه على السعر وكلشي وتم حجز الموعد وطبعا قالي انه في العيد راح يكون اجازة يعني بعد وصولي لتركيا انتظر يومين وبعدها العملية,, فقلت له مو مشكلة لان اوردي سفرتي 16 يوم فما عندي مشكلة انتظر يومين بس اهم شي انك تكون معاي في العيادة بعدها صار موعد سفري بعدها رحت اخذ شنطة السفر وعند منطقة الخروج والحمدلله وصلت بالسلامة لمطار تركيا وخلصت الاجراءات اللازمة وطلعت الفيزا وبالفعل كان مافيه زحمة لدرجة اني كنت بروحي واقف عند الشباك لقيت واحد حامل ورقة كبيرة مكتوب فيها 3 اسماء ولقيت اسمي بينهم ورحت كلمته ( طبعا الشاب تركي لكن يتكلم انقلينزي ) السايق مالك راح يوصل بعد عشر دقايق بالكثير فروح انتظره عند بوابة المطار فقال لي انتظر هنا على ما اجوف باقي الاسامي فقعدت اشرب كوفي على جنب بعدها جاني وقالي وبالفعل في اقل من عشر دقايق وصل السايق وعلى طول عرفني مادري شلون هههههههه ووصلني الفندق وفي الطريق قام يسولف معاي ويمزح وهو بالفعل انسان حبوب وارتحت له طبعا هو تركي لكن يمشي الحال بالانقلينزي بعدها قعدت افرفر في تقسيم ما ضل مكان ما رحته لان عندي يومين قبل العملية ,, وبعد يومين صار موعدي في العيادة وجاني السايق عشان ياخذني ووصلت العيادة و سويت الفحص واتفقت معاهم على الرسمة وعلى عدد البصيلات قالوا ليي راح نقتطف اقل من 4000 بصيلة عشان تحصل على كثافة ممتازة وفي نفس الوقت المنطقة المانحة ما تتأثر (وبالفعل انا هذا اللي كنت ابيه انهم ياخذون البصيلات اللي يحتاجونها فقط وبكثافة ممتازة وبدون ما تتأثر المانحة ) فتم الاتفاق ان عدد البصيلات لا يقل عن 3500 ولا يزيد عن 4000 بعدها قالوا لي طاقم زراعة اللحية والشارب فاضي اليوم ف اذا حبيت تقدر تسويها اليوم واذا ما تبي اليوم بكره موعدك وكانت الساعة 11 فرحت جواهر مول اتفرفر ومعاي الاخ عبدالله من السعودية تعرفنا في العيادة فقلت لهم خلاص اليوم اسويها ان شاء الله قالو لي خلاص العملية راح تكون الساعة 2 ونص الضهر بعدين قرب وقت العملية رحت غرفة الاستراحة مالت العيادة وقعد معاي المنسق نسولف شوي بعدين رحنا غرفة عشان ابدل ملابسي والبس ملابس العملية و يحلقون شعري طبعا يخيرونك تبي تحلق كامل او المانحة فقط وعقب يعطونك حبة عشان تصبرك على ال6 ساعات شكلها حبة هلوسة هههههههههههههههههه وبعدين على طول تدخل غرفة العملية والحمدلله ما حسيت بال6 ساعات مرت بسرعة الله يخلي هالحبة بس ههههههههههههههههههههههه وطبعا مافيه اي الم يذكر الا الم ابر البنج والالم بسيط نوعا ما يعني اي شخص يقدر يتحمله وبعد العملية جفت الرسمة كانت بالضبط مثل اللي طلبتها وتوزيع البصيلات جدا ممتاز والكثافة ممتازة . وعجبني شغلهم الله يعطيهم العافية بس وجهي كان منتفخ من البنج انصدمت يوم جفته ههههههههههههههههههههه احس الموضوع صار جدا طويل فبختصر الكلام المهم بالنسبة لشغل العيادة فهو جدا ممتاز واحترافي وهالشي يخليك تسكت وتتغاضى عن واجد اشياء ومنها : :: المنسق :: طبعا هو انسان حبوب ومحترم وشخصيته حلوة لكن عيبه الوحيد انه يضغط روحه بشكل مو طبيعي ( اعتقد ان المنسق ياخذ عمولة على كل زبون يجيبه والله اعلم ) يعني ينسق حق خمسة اشخاص او اكثر في نفس اليوم وهالشي يلخبط الوضع نوعا ما يعني انا وقت اللي كانوا يحلقون شعري سألني الاخ اسماعيل (اللي كان يحلق شعري) انته الساعه جم اكلت اليوم ؟ فقلت له الساعه 7 ونص الصبح قال لاا لازمتاكل الحين قبل العملية وراح كلم المنسق وكان مشغول في التلفون وقال له كان المفروض تخليه ياكل اول قبل العملية عشان ما يتعب .. وبالفعل اخذني الاخ اسماعيل عشان اكل جزاه الله الف خيير يشتغل بضمير وقلبه ابيض وتهمه صحة الشخص قبل العملية وبعد العملية ولو لا الاخ اسماعيل جان المنسق ولا يدري اكلت او ما اكلت ! :: العيادة :: الصراحة انصدمت من حجم العيادة جدا صغير بالنسبة لعدد الاشخاص اللي تزرع بشكل يومي وتحس المكان زحمة على طول و مافي تنظيم .. يعني بالنسبة للدخل اليومي اللي يجيهم المفروض يكون المكان كبير وراقي وبالنسبة للنظافة والتعقيم كلشي تماام . في النهاية انا هذي الاشياء ما تهمني واجد اللي يهمني ان العملية تمت الحمدلله وراضي عنها كل الرضى ومتفائل خير بالنتايج وقبل الصور احب اذكر هالنقاط بشكل عشوائي * سبب عدم ظهور شعر اللحية والشارب هو مرض فقر الدم المنجلي * انا في مرحلة تساقط القشور والشعر * انا ما زلت في إسطنبول والأمور بخير الحمدلله * تنسيق الموضوع متعوب عليه هههههههههههههههههههههه والحين اخليكم مع الصور اليوم الثالث بعد العملية [url=https://www.hairarab.com/up/uploads/images/www.hairarab.com230a26634e.jpg][img]https://www.hairarab.com/up/uploads/images/www.hairarab.com230a26634e.jpg[/img][/url] اليوم السادس بعد العملية [url=https://www.hairarab.com/up/uploads/images/www.hairarab.comce92e9650a.jpg][img]https://www.hairarab.com/up/uploads/images/www.hairarab.comce92e9650a.jpg[/img][/url] واي استفسار انا حاضر ولا تنسونا من دعواتكم واذكروا الله يا جماعة معاكم اخوكم عبدالرحمن تحياتي تجربتي في زراعة الذقن |
|
|
|
07-10-2015, 06:02 AM
|
#2 |
|
عضو مميز
تاريخ التسجيل: Jul 2014
المشاركات: 334
|
اليوم الثالث بعد العملية والانتفاخ كان واضح شوي
 اليوم السادس بعد العملية والانتفاخ اختفى ولله الحمد 
|
|
|
|
|
07-10-2015, 07:01 AM
|
#3 |
|
عضو مميز
تاريخ التسجيل: Oct 2013
المشاركات: 150
|
ماشاءالله تبارك الله
اول شي مبروك عليك الزراعه وصراحه الرسمه ممتازه جدا ولايقه عليك ، الله يهنييييك وتشوف افضل النتائج الي تتمناها ومشكور على الكلام الي قلته بخصوصي كلنا هنا انحاول انساعد بعض والشباب الي اطرحو تجاربهم او شاركو بمعلومات عن تجربتهم مشكورين وان شاءالله يتسفيد من موضوعك اكبر عدد وبخصوص الزراعه مره ثانيه .. الف مبروك عليك الزراعه وصراحه الرسمه على قولتهم فانتاستك  ماشاءالله تبارك الله وشهر عن شهر بتشوف النتيجه ان شاءالله للافضل مشكور على طرح تجربتك وبأنتظار التحديثات ان شاءالله المشعلاني
__________________
موضوعي في زراعة الدقن " لا يخص الناس التي تريد زراعة الدقن من اجل تجميل المظهر " بل للاشخاص الي لديهم عيوب خلقيه وماشابهها .. انظر للاحكام الشرعيه في هذا الموضوع " ويجب ان تكون مستوفي الشروط " لكي تصبح زراعتك جائزة من الناحيه الشرعيه http://hairarab.com/vb/showthread.php?t=13 أبرئ الى الله .. |
|
|
|
|
07-10-2015, 07:12 AM
|
#4 |
|
عضو مميز
تاريخ التسجيل: Jan 2015
المشاركات: 423
|
ماشاء الله تبارك الله الحمد لله على سلامتك ياخوي وان شاء الله ترجع بالسلامه وألف مبروك على العمليه عقبال مانشوف
النتايج الممتازه أتمنى لك التوفيق يالغالي
__________________
تجربتي لمستشفى آست ثيكا الدكتور محمد أبو عذاب http://hairarab.com/vb/showthread.ph...1#.VQTD-Bn46nM |
|
|
|
|
07-10-2015, 07:13 AM
|
#5 | |
|
عضو مميز
تاريخ التسجيل: Jul 2014
المشاركات: 334
|
اقتباس:
الله يبارك فيك ويهنييك حبيبي ولا تنسوني من دعواتكم وان شاء الله من يصير معاي تطور في الزراعة راح انزل تحديث مع جزيل الشكر لك تحياتي |
|
|
|
|
|
07-10-2015, 07:14 AM
|
#6 |
|
عضو جديد
تاريخ التسجيل: Jun 2015
المشاركات: 6
|
الأخ حمني مشالله تبارك الرحمن انشالله النتيجه تكون حلوة مع أنها باين من الآن ممتازة
الف الحمدالله عالسلأمه ومبروك العملية نستنا التحديثات منك انشالله على بدايه السنه الجديده اسويها وخلاص حددت سركان من كثر الأعضاء اللي سووها عنده وطلع نتاايجهم حلوة موفق اخوي حمني |
|
|
|
|
07-10-2015, 07:15 AM
|
#7 | |
|
عضو مميز
تاريخ التسجيل: Jul 2014
المشاركات: 334
|
اقتباس:
الله يسلمك ويخليك يالغالي والله يبارك فيك ويوفقك اشكرك جزيل الشكر على هالكلام الجميل تحياتي |
|
|
|
|
|
07-10-2015, 07:18 AM
|
#8 | |
|
عضو مميز
تاريخ التسجيل: Jul 2014
المشاركات: 334
|
اقتباس:
الله يبارك فيك ويسلمك يالغالي اشكرك من كل قلبي على كلامك الرائع وان شاء الله من يصير معاي تطور بنزل تحديث الله يحفظك ويوفقك في الزراعة وننتظر تجربتك ان شاء الله تحياتي |
|
|
|
|
|
07-10-2015, 07:26 AM
|
#9 |
|
عضو جديد
تاريخ التسجيل: Jun 2015
المشاركات: 6
|
ما قالولك اذا لازم تستخدم بخاخ ولا حبوب فايتمينات للشعر؟
|
|
|
|
|
07-10-2015, 07:33 AM
|
#10 | |
|
عضو مميز
تاريخ التسجيل: Jul 2014
المشاركات: 334
|
اقتباس:
البخاخ والفيتامينات هذي أشياء اختيارية وغير أساسية وظيفتهم يسرعون من ظهور الشعر فقط لكن اذا استعملتهم او ما استعملتهم الشعر بيطلع في النهاية بإذن الله انا بالنسبة لي ما افكر استخدم البخاخ لانه يزيد الاحمرار مكان الزراعة خصوصا اول شهر تحياتي |
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
| المواضيع المتشابهه للموضوع: تجربتي في زراعة اللحية والشارب / عيادة الدكتور سركان / 28 سبتمبر 2015 |
| الموضوع |
| تجربتي لزراعة اللحية والشارب عند الدكتور سركان يوم الجمعة2015/5/8 |
5Likes
