A T N F S K
Member
- إنضم
- 23 نوفمبر 2012
- المشاركات
- 41
- مستوى التفاعل
- 0
- النقاط
- 6
أولا أقدم شكري وامتناني للمنتدى والقائمين عليه
لفضلهم علي بعد الله اني اتخذت قرار الزراعة
وتحية خاصة لـ أصلع ملعلع مدري كذا أقرى ردوده أرتاح
أحس عنده الجواب النهائي :d
مالكم بالطويلة
حبيت أخبركم حجزت أستشارة عند
الدكتور/فادي الصباغ يوم الأحد الجاي 19 مايو
وناوي احجز أستشارة عند الدكتور بسام جباعي والدكتور أحمد التركي
لاني حبيت أسوي عملية زراعة شعر بالشريحة لمقدمة
الجبهة كنت محتار بين بسام واحمد وشكلي بروح لبسام
لكثر مديحكم له هنا
وابي أسوي تكثيف للشنب والسكسوكه عند د/فادي
لانه مختص بالوجه زي ماقريت هنا بالمنتدى
سؤالي هو :
1- انا كان ودي اسوي تكثيف للشنب والسكسوكه عند د/ بسام مره وحده
لكن قلت خلني اجربه بزراعة مقدمه الشعر واروح للدكتور فادي لتكثيف
الشنب والسكسوكه لانه مختص للوجه طريقتي صح ولا أسويها كلها عند
الدكتور بسام ؟
2- المنطقة المانحة عندي تكفي لزراعة مقدمة الشعر وكذلك
تكثيف الشنب والسكسوكه علما ان المنطفة المانحة عندي غزيرة مره
ما عاني من صلع ابد بس الجبهه أحسها كبيره شوي ماشاء الله تبارك الله
3- انا أعشق شي اسمه عوارض وكنت ناوي ازرع بس حسيت أنها خطيره
لان أي خطأ فيها تشوه وجهي وبروضو ما شفت تجربه لأحد هنا زرع
العوارض علما اني عندي عوارض بس مب كامله حبيت اكملها تنصحوني
ولا اكتفي بتكثيف الشنب والسكسوكه بس ؟
العذر والسموحة إذا طولت عليكم
وإذا بغيتو أسأل الدكتور فادي إي أسألة في بالكم
أنا حاضر وإذا في نصيحة تنصحوني فيها قبل اروح للاستشارة
ياليت والله أكون شاكر لكم