هبدأ اولا بالاجابه على سؤالك وبعدين هسئلك سؤال كده ع الماشى ..
الريفايفوجين بستخدمه بئالى 4 شهور الحمد لله قل التساقط بشكل كبير جداااا الحمد لله يعنى انا كنت الاول مكنتش بعمل عمليه تدليك فى راسى خالص خوفا من سقوط شعر مع التدليك وكنت متعقد من حاجه اسمها تدليك فروه الراس دلوقتى انا بدلكه جامد وبدلكه كمان وشعرى عليه ميه وانت عارف الشعر لما بيكون مبلول بيكون عرضه اكبر للتساقط والحمد لله مش بلاحظ تساقط الا قليل اوى الحمد لله ... وانا مستمر ان شاء الله على الريفايفوجين ومش هقطعه باذن الله ..
لكن كورس العلاج بتاعه بيمتد ل سنه ونص يعنى ومكتوب فى الروشته بتاعته ان من 3 ل 4 شهور هيقل التساقط بشكل ملحوظ ومن 4 شهور لحد متكمل السنه ونص هتلاحظ نمو للشعر الجديد ويكون فى الاول ضعيف ومع الاستمرار على العلاج هيأخذ نفس مأخذ باقى الشعر ...
ثانيا شكرا لنصيحتك بس احنا معندناش نيوكسديل 2 % عندنا مينوكسديل 2 % بس انا قلت استخدم 5% عشان انا عندى منطقه منتصف الراس خفيفه الكثافه وقمه الراس كثافتها متوسطه بس معنديش مناطق صلع .. فيه شعر بس خفيف ولما بحط ميه على راسى فروه راسى بتبان ف انا عاوز اكثف المناطق الخفيفه دى ..
ف قلت استخدم مينوكسديل 5 % ف هل هينفع معايا يعنى هل هيكثف المناطق الخفيفه دى؟ مع العلم ان منطقه منتصف الراس فيها شعر مزروع بس طبعا انت عارف انا بئالى 4 شهور وقلت استخدم مينوكسديل عشان يسرع نمو الشعر المزروع ده ويكثف باقى المناطق اللى فيها خفه شعر ...
والله اخوي احمد ترى عن تجربه مادة المنيوكسيديل ماتصلح انك تستخدمها مع اي مستحضر سواء كان 2% او 5% ولكن ممكن تستشير دكتور في حالتك وترى المنيوكسيديل 2% هو نفسه النيوكسيديل 2% بس الشركه اللي انتجت النيوكسيديل 2% اطلقت عليه هذا الإسم كمسمى تجاري فقط ولكن الماده الفعاله هي المنيوكسيديل انا انصحك كنصيحه فقط انك مدامك اشتريت المنيوكسيديل 5% استخدمه لمدة شهر بإنتظام لو لا حظت تحسن في كثافة الشعر استمر عليه بس والله انا ماشفت احد استخدم المنيوكسيديل 5% وكثر شعره بالعكس انا عندي اقارب اعرفهم مستمرين على بخاخ المنيوكسيديل 5% ما اعطاهم اي نتيجة لأن اللي اعرفهم ما عندهم صلع بس خفه في منطقه معينه وفي شخص سوري اعرفه يستخدم بخاخ المنيوكسيديل 5% وهو عنده صلع كلي ماعدا المنطقه الخلفيه والجوانب وصراحه نبت شعره لأنه عنده صلع وليس خفه وانا نصحت والله واحد اعرفه بالنيوكسيديل 2% ومره انبسط منه لأنه كان عنده خفه وحتى هو ترك البخاخ ولا طاح شعره صدق الدنيا حظوظ
بس انا مثل ماقلت لك اخوي احمد استمر على البخاخ 5% لمدة شهر بإنتظام ولا تتركه لين تخلص شهر بالتمام وشوف اذا كان اعطاك كثافه ونبت الشعر استمر وانا اتوقع مدامك مسوي زراعه راح يفيدك كثير المنيوكسيديل 5% لأن انا سمعت انهم ينصحون كل من قام بالزراعه انهم يستخدموا بخاخ المنيوكسيديل 5% حتى يعطي الكثافه المطلوبه
تقبل تحياتي وانا تحت امرك على اي استفسار