اولا اشكر القائمين على هالمنتدى
وحاب اطرح لكم تجربتي ومعاناتي مع البخاخات والزيوت والحبوب والفيامينات
من واقع تجربة
انا اشتريت زيت اثمدين هير بلص وكان فاشل والسبب
الحسسيه والحكه الرهيبه اللي يسويها فراسك
غير الاحمرار
فنصيحه لاحد ينخدع فيه لانه غالي ومامنه اي فايده
كانت تجربه فاشله وش لايطاق
بالنسبه للبخاخات انا اكثر واحد استخدم بخاخات بالعالم
استخدمت بخاخ منوكسديل 5% اللي علبته اخظر بأسود
جنني
وزود الشعر بجسمي خصوصا الظهر
والجبهه صارت فيها شعر خفيف
فايدته الوحيده يحافظ على الشعر المتبقي
واستخدمت بعدها حبوب بروبيشيا كنت اشتريها من
صيدلية الحبيب نتايجها معاي بينت بعد 6 اشهر بالظبط
اول شي توقف التساقط وخصوصا منطقه الوسط
لاكن مشكلتها تسبب ضعف واضح من الناحيه الجنسيه يعني اللي متزوج يبعد عنه
وفيه كثير من الدكاتره يقول انا لايمكن اوصف هالحبوب لأي مريض كان
والمعنى في بطن الدكتور
بمعنى اخر الحكومه ابخص
وكان سعرها كان 189 ريال تقريبا
وبعدها وقفتها
وبالنسبه للفيتامينات
جربت انواع كثره ولا شفت فايده
لاكن جربت حبوب hair vit فيتامينات
جربتها تقريبا 4 اشهر والله نتايجها حليوه توقف التساقط ولاكن ماتطلع شعر متساقط
لاكن تكثف الشعر
وبعدين وقفتها طبعا توقفتها كانت عبط مني وطحت بنوع ثاني بالفيتامينات مدحوه بالنت وجربتها حوالي شهرين ولا منها اي فايده
والحين رجعت لحبوب hair vait ومستمر عليها من شهر ونصف وان شالله ترجع نتايجها الاولى
طبعا الحبوب مو موجوده بالسعوديه ولا بالامارات
اللي يبغها بالكويت متوفره بكل الصيدليات وبقطر
بالنسبه للتجارب المنزليه
قبل اسبوعين جربت احط الثوم على راسي مباشره
والله ياناس اني حطيته على راسي مباشره خليت الوالده الله يطول بعمرها يارب تحطه لي على راسي لمدة ساعه وربع وغسلته
تصدقون ان الشعر خف التساقط بشكل ملحوووووض
لاكن الطامه الكبرى
الريحههههههههه اللي تمرض القلب وتكرهك بنفسك من قوتها
تصدقون اني حاط الثون تقريبا قبل 10 ايام وكل يوم اتروش مرتين بالشامبو
ولين الحين الريحه موجوده
واذا بديت اتمرن بالنادي اصير عباره عن فواحة ثوم متنقله
لاكن الحق يقال يوقف التساقط من اول مره
وبعدها انا وقفته وحرمت
ومن يومين بدا يرجع الشعر لوضعبت التساقط
عارف اني طولت عليكم وعورت روسكم بالكلام الكثر لاكن حبيت اطرح تجربتي هنا
عشان يستفيد منها غيري من باب ( حب لأخي ماتحب لنفسك ) وتختصر الطريق
لكثر من الباحثين عن علاج للتساقط الوراثي
وفي النهايه
اشكركم وبعونف واتمنى منكم الدعاء لي ولوالديني وللمسلمين اجمعين بالتوفيق والصلاح