سؤال عن د. محمد الروبي

N

newMan20010

New Member
السلام عليكم

ياريت ياجماعة لو فيه حد عمل زراعة قبل كده عند الكتور محمد الروبي بمصر ينصحنى أعمل ولا لأ عنده.

وكمان شفت على النت مركز اسمه ترانسميد... لو حد يعرف حاجة عنهم أو اسعارهم ياريت يفيدنا فى الموضوع ده


مع كل الشكر لكل الاعضاء الذين أفادونى كثير وشجعونى على الزرع

شكرا
 
A

ahmed.ahmed

Member
على فكره وعن تجربه شفتها بعنيا ..
ليا واحد صاحبى عمل زراعه عند دكتور الروبى والحمد لله عمليته نجحت ماشاء الله ..
حاليا هو فى مرحله نمو الشعر وواضح التغيير وواضح ظهور ونمو الشعر ...
بالنسبه لمركز ترانسميد اتصل بالرقم ده
واسئل عن دكتور محمد ناصر ..
لانى سمعت ان ليهم فرع فى مصر والكلام ده على موقع ترانسميد ...
 
N

newMan20010

New Member
شكرا أخى أحمد على الاهتمام وبجد أنت أكتر واحد شلت من عندى الرهبه من الزرع وأنا قرأت تجربتك مع الدكتور أحمد عادل وأنا راسلته على الميل بس أعطانى اسعار مبالغ فيها جدا يعنى قالى 15000 جنية وأنا سمعت منك أن الرقم المناسب 8 آلاف

بالنسبة للدكتور الروبي بيقول 2000 شعرة بألف دولار و500 شعره بطريقة fue بألف دولار ايضا ومش لازم احلق قبل الزراعة وأنا بصراحة محتار.

مش عارف تنصحنى بأيه؟
 
A

ahmed.ahmed

Member
الاول درجه الصلع عندك كم؟؟
بالنسبه لسعر الروبى كالاتى ..
2000 شعره ب 5000 جنيه مصرى
2500 ب 6000
3000 ب 7000
3500 ب 8000
4000 ب 9000
4500 ب 10000
5000ب 11000
دى اسعار الروبى على حسب التجربه اللى انا شفتها
قولى الاول على درجه الصلع عندك وانا اقلك انت ممكن تحتاج اد ايه شعر ؟؟
نصيحتى لك لو انت معاك المبلغ بتاع الدكتور احمد اللى هو 15000 لا تتردد وروحله فورا .. بس انا شايف انه غالى طبعا ..
لو متقدرش تجمع المبلغ بتاع الدكتور احمد عادل ..
روح للدكتور الروبى صدقنى والله عن تجربه شفتها بعنيا نجاح من جميع النواحى ..
اولا ظهور شعر فى خلال اول 3 شهور بنسبه ممتازه ..
صحبى ده حلق على واحد ومفيش مكان للندبه واضح متنساش انه دكتور تجميل ف الاول وفى الاخر ..
وان شاء الله بعد مرور سنه هتكون النتايج افضل بكتييير ..
الروبى سعره معقول جداا والنتيجه ان شاء الله مضمونه على حد رؤيتى لتجربه صحبى ..
لكن زى مقولتلك لو معاك الملبغ ال 15000 لا تتردد اطلاقا وروح لاحمد عادل ...
نصيحتى لك
 
Y

yahya

عضو مميز
والله ياحمد باشا انت لذيذ ومتعاون وبتلبي وتجيب علي كل اسألة الاعضاء روح ياشيخ ربنا يكرمك ويديلك ماتحب

تقبل تحياتي
 
N

newMan20010

New Member
شكرا يا أحمد باشا مرة تانية

د. أحمد عادل كنت بسأله خصوصا عن طريقة fue فرد أنه 1500 شعره وبنفس السعر بطريقة الشريحة تعمل 4500 شعرة وبسعر 15000 بس أعتقد أنه عارف ان بالخليج العملية غالية ورد عليه كدا فاكرنى من بره مصر ولا إيه مش فاهم ... يمكن أخذ السعر فى العيادة بيكون واقعى أكتر من الايميل.

مش عارف جيت أحط صورة :confused: إل لامؤاخذه :confused: الصلعة هنا احرجت مع انى بمشى بيها فى الشارع!!!!!! :D:D فرفعت الصورة وبعتهالك على الخاص.. ياريت تقولى محتاج كام شعرة وأنا متخوف من الشريحة ومن fue كمان ليخفف باقى الراس

أفيدونا أعزكم الله
 
A

ahmed.ahmed

Member
بص يا نيو مان ..
انا شايف من خلال الصوره انك محتاج 3000 شعره هيملو منطقه قمه الراس ويكثفلك كمان المنطقه الاماميه ..
عموما متخفش من طريقه الشريحه والله صدقنى مش هتحس بحاجه خصوصا انه دكتور محترف جدا جدا ومن افضل 100 جراح فى العالم ..
توكل على الله واعملها عند دكتور احمد وان عملتها عنده اكيد هيقل السعر ل 11000 مثلا ..
وان عملتها عند دكتور الروبى بزراعه 3000 شعره ب 7000 جنيه ..
ولك الخيار ..
وفى الحالتين صدقنى الشريحه افضل عشان هتزرع بيها عدد اكبر من الشعر وفى نفس الوقت ارخص ..
ولا تقلق من حكايه ان الشعر يخف المفروض انك رايح تكثف شعرك مش هتروح لدكتور يخفلك شعرك ..
نصيحتى لك سواء هتروح للدكتور الروبى او احمد عادل لازم لازم تروح استشاره ويشوفك ويعرف حالتك احسن منى ومن اى حد ..
وحاول توصل معا اى من الدكتورين لتخفيض واكيد ده هيحصل ..
روح لاى دكتور تختاره من الدكتورين وتوكل على الله وان شاء الله متشفش شر 00
 
N

newMan20010

New Member
شكرا يا أحمد وربنا يسهل إن شاء الله

بس معلش عندى كام سؤال بما أنك مجرب موضوع الشريحة....
هل وانت مر عليك حوالى شهرين بتحس بأى ألم فى المنطقة المانحة ... يعنى تنام عليها عادى تحرك ايدك عليها بدون ما تحس
ومش هسألك بتبان ولا لأ لأنك قولت انها مابتبانش بس سؤالى لشكل الشعر المزروع بعد العملية ... يعنى بيكون شكله ايه بعد العملية باسبوع عشان أكيد هنزرع ونروح شغلنا عادى ومش عايزين حد يتريق علينا

سؤال اخير معلش.... أنا أقدر ابعد عن الشمس شهرين حد اقصى بس بعد كدا هيكون معظم شغلى فى الشمس ..

يعنى لو سبت نفسى هسأل ميت سؤال!!!! بنتقل عليك
 
A

ahmed.ahmed

Member
بالنسبه لالم المنطقه المانحه ..
اول 3 اسابيع كل الالم اللى هتحسه هيكون عن عباره انك هتحس ان فى شد بسيط من ورا كده ...
والشد ده عادى جدا وبمجرد مرور 3 اسابيع هيزول تماما ومش هتحس باى شد خالص وبنام عليها عادى جدا من اول يوم بعد العمليه يعنى مفيش طريقه نوم معينه بس انت نفسك فى اول 4 ايام كده مش هتقدر تنام عليها عشان هتحس بشويه وجع بسيط ف نام على اى جنب هيكون افضلك ...
انا فات عليا 4 شهور تقريبا وعاوز اقلك انى بروح العب متشات كوره وممارس حياتى طبيعى جدااا .
لمده10 ايام بعد العمليه هتحس ان فى احمرار مكان الزرع بس بسيط اوى واللى هيغطى الاحمرار ده ان هيكون فى بقايا شعر مزروع موجود وليه بقلك بقايا لانه من المفترض انه هيتسافط تدريجيا وبمجرد مرور 3 اسابيع ولا هيكون فى اى اثر لاى حاجه حتى الاحمرار نفسه هيزول تماما ..
ومش هيكون ملاحظ اى حاجه ولا هيبان انك زارع لانك بمجرد مرور 10 ايام هتكون نضفت مكان الزرع وشلت الغرز وكل حاجه هتبئا طبيعيه ..
صدقنى شهرين كتيييييير جدا كل شىء هيكون طبيبعى بمرور من 10 ايام الى 12 يوم ..
بعد الزراعه المفروض فى تعليمات بتمشى عليها ومنها انك متتعرضش للشمس اكبر وقت ممكن والفتره دى بتكون فى حدود اسبوعين بالكتير عشان تكون الثقوب التئمت وخدت وضعها الطبيعى ..
بمعنى انك لو زرعت النهارده تقدر تمشى فى الشارع عادى وتتعرض للشمس بس مش تروح تتشمس او تشتغل فتره طويله فى الشمس ولو بفرض هتشتغل فتره طويله ف ع الاقل لازم يمر عليك شهر متتعرضش للشمس مباشره ..
يعنى تمشى فى الشمس عادى من تانى يوم بعد العمليه بس بالنسبه لشغلك شهرين هيكونو كافين وزياده كماااان اوى ..
وبمجرد مرور شهرين هتلاحظ نمو شعر بسيط وصغير مش هتشوفه الا لما تقرب من المرايا اوى اوى ..
وهيزداد فى النمو من اول الشهر التالت وهيكون ملحوظ جدا من الشهر الرابع وهيبدا ينمو ويغطى مساحات كبيره من الصلع ...
اخيرا اسئل كما تشااااااااااااااء برحتك جداااا ان شاء الله هجاوبك على كل اسئلتك ..
 
N

newMan20010

New Member
كفيت ووفيت يابرنس الف ألف شكر

أعتقد الاجابات دى هتفيد اى حد عايز يعمل العملية لأن الواحد بيفكر كتير فى الاسئلة دى واسأل مجرب ولا تسأل طبيب

جزاك الله كل خير
 
N

newMan20010

New Member
معلش سؤال تاني ... عن الدكتور علاء السحرتي بالاسكندرية ايه رأيك فيه واسعاره ايه؟ احسن حاجه فيه ان الواحد يروح اسكندرية ياخد اسبوع فى اى مكان ويزرع ويقعد هناك لما يفك الشاش ويروح الاحمرار وأهو مصيف!!!!!! لأنى مش عايز أرجع البيت دماغى مربوطه وكنت سألت د. محمد الروبى هل يمكن اظل بالمركز يومين لحين فك الشاش وأدفع للاقامة فكان رده ان المركز ليس به اماكن
 
A

ahmed.ahmed

Member
بالنسبه للدكتور السحرتى هو عضو من اعضاء الجمعيه العالميه لزراعه الشعر هو واحمد نور الدين الوحيدين اللى فى مصر ضمن هذه الجمعيه ..
انا اسمع انه دكتور كويس جدا حتى كان فيه اخت هنا سجلت مشاركه ليها وشكرت فيه جدا وكانت بتنزله مصر مخصوص ...
بصراحه معرفش اسعاره بس انت ممكن تجيب رقمه من جوجل او انا اجبلك رقمه لو عاوز وتكلمه وتسئله وشوفه هيقلك ايه ..
انا عملت كده قبل مزرع يجى مع 5 دكاتره بعرف الاسعار بالموبيل على طول ..
طبعا لو زرعت فى اسكندريه راحه طبعا واستجمام وهواء نقى وبحر وحاجات حلوه كتيره طبعا ولو روحت انا هناك مش بعيد اقابلك يعم ههههههههههههه ...
هو دكتور ليه شهره واسعه جدا ومحترم جدا وطيب جدا جدا جدا ( كلامى عن السحرتى ) ..
هو ليه مركزين لزراعه الشعر واحد فى اسكندريه وعنوانه :
603طريق الحريه زيزنيا بجوار جامع يحيى وفوق صيدليه الاذاعه
ومركز تانى فى القاهره :
10 عمارات العبور - صلاح سالم - هليوبوليس ..
وده الموقع بتاعه تقدر تدخل عليه وتشوف عمليات قبل وبعد وتحكم بنفسك :
http://www.sahartyplasticsurgery.com/arabic/homear.htm
 
A

ahmed.ahmed

Member
اهلا بك عاشق تشلسى ..
العلاجات اللى هكتبهالك دى الدكتور قالى انه بيستخدمها للناس اللى بييجو يعالجو تساقط شعرهم مش للزارعين فقط ..
1- بروبيشيا ( حبوب )

2- ريفايفوجين ثيرابى ( محلول موضعى )

3- حبوب بنتوجار ( حبوب)

4- شامبو اكرينال

ملاحظه : البروبيشيا وقفته بأمر من الدكتور لانه قام بمهمته فى ظهور الشعر .. ( ومده استخدامى له 3 شهور )

وماشى على باقى العلاجات وان شاء الله هستمر عليها اطول فتره عشان احافظ على الشعر المتبقى ..
 
F

F2000H

Member
بخصوص مستوى الصلع من الدرجة الرابعه اقرب الى خمسه كم احتاج الى شعره هل تكفي 3000 او 4000 شعره
 
أعلى