تعالوا شوفوا جبهتي وش صار عليها (تحديث بعد سنه)

[متوتر]

حمدلله على السلامه بس اختي متى قالولج يطلع الشعر ويصير اوكي

 

[جبهة حرب]

upperlight

الله يبارك فيك وعقبالك

متوتر

قالي الدكتور يبدأ يطلع بعد 3 شهور وعلى السنه يصير طوله 10 سم الله يحينا إن شاء الله


تحياتي

 

[smsoom]

الف مبروك جبهة حرب على الجبه الجديدة

و عقبال الخصل و القذل اللملونه على وجهك

أمممم
ما كو صور يعني

أو صح و الا أنتي بنت:d خخخخخ ​

 

[سويت توته]

انا وضعي مايبعد عنك وصراحه بعد ماقريت مشاركتك تشججعت كثير وتحمست:d بتوفيق

 

[جاجوآنا]

اهئ اهئ كنننت متحمسسسه اسويهآ بعد كم شهر بسس من وين لي 17 الف الله يرزقنآ بسسس

المهم عزيزتي كمم اخذتي بالمستشفى ؟ من الساعه كم لـ كم ؟
ومتى رحتي لغسيل الشعر بعدها بيوم ؟


والله يهنيييك بجبهتك وعقبآآآآآآآآآلي يارب

 

[عبدالله 99]

الحمدالله على السلامه وطهور ان شاء الله وموفقه ان شاء الله وتشوفين الي يسرك

بصراحه اهنيك على شجاعتك واتخاذك القرار السليم بدون تردد

ندعوا لك بالتوفيق ونجاح العمليه

 

[متعقد]

'الف مبروك اختي
وتقريبا انا نفس مشكلتك شعري كثيف ولله الحمد المشكلة كلها ان الجبهه عريضة والي زاد عرضها حرق تعرضت له وانا صغير
بس عندي سؤال الزراعة تمت على الجبهه بالكامل عرضيا ولا من الجوانب فقط ولا من المنتصف فقط
عشان كذا محتاج اعرف نتيجتك وانا من جدة كيف لو ابغى اخذ موعد عند الدكتور بسام او رقم اتواصل معه

 

[ملكة التوفي]

مبروك حبيبتي والله فرحت لك وانا ماعرفك ودي اسوي مثلك جبهتي محرجتني هع

طيب كيف احين صغرت وصار حلوه ..

حبييت اسألك حبيبتي كيف يحدد يعني يقيس بالـ سم ولا على كيفه

:

ومبروك مره ثانية والله يسعدك

 

[جبهة حرب]

smsoon

الله يبارك فيك .... طبعاً مافيه صور تبي الناس يعرفون جبهتي ؟؟

سويت توته

سويها ولاتترددي خلينا نمشي بثقة مو خايفين الهوا يطير الغره وتبان الجبهه

جاجوانا

الله يرزقك ياجاجوانا ... من جد السعر غالي .. قعدت اجمع فيه 6 شهور
خخخخخخ

جيتهم 9 و10 تقريباً بدينا على 9 ونص الصبح

وخلصت 5 العصر تقريباً
والغسيل على طول اليوم الثاني

والله يهنيييك بجبهتك وعقبآآآآآآآآآلي يارب



عبدالله
الله يسلمك ... والحمدلله سويتها وارتحت .. شاورت كثير وكلهم وافقوني الراي
الله يتقبل دعواتك


متعقد
الله يبارك فيك اخوي
الزراعه تمت على كامل الجبهه من النص ومن الجوانب ومن كل جهه زي جباه الناس الطبيعيه
لكن هل زراعة الحرق تنجح أو لأ .. مدري أستشير الدكاتره هنا في المنتدى
رقم العيادات العالمية اللي يشتغل فيها الدكتور بسام
014664411




ملكة التوفي

الله يبارك فيك اختي وعقبالك إن شاء الله ...

لسه مابانت النتيجه .. على 3 شهور يبدأ الشعر بالظهور يعني ممكن تبان اكثر واحكم عليها بعد 6 شهور

طبعاً التحديد يكون بالسم ... يقيس الخشم ويقيس الحنك ويقيس الجبهه ولها مقاييس محدده
يعني لازم الانف والجبهه والحنك يكونون قريبين من بعض بالقياس
ويرسم خط الشعر على اساس هذي القياسات .. قلت له مازالت كبيره .. قالي لو أصغر اكثر تطلع مو طبيعيه ومشوهه ويبان إنك زارعه شعر

يعني هم لهم قياسات معينه

بالتوفيق اختي

 

[تيتي]

حمدالله ع سلامتك ياقمر


بس بسألك الحين بعد مازرعتي وكلش الشعر اللي ب الجبهه زي باقي الشعر والا خفيف وتحسين انها فعلا كان لازم تسوينها من زمان والا العمليه بس تمشي الحل وخلاص ؟؟


حبيبتي والله اني زيك هههههههه

 

[جبهة حرب]

هلا اختي

توه الشعر بدأ يطلع ولا اقدر احكم عليه

استني لين 6 شهور تكون النتيجة افضل إن شاء الله


توني ادري إن فيه ناس كثير زي مشكلتي :d

 

[رانية]

السلام عليكم
الحمد لله على السلامة
انا عندي نفس المشكلة
ابي اسأل وين مكان المركز الي سويته بالضبط
بأي منطقة
وابي اسأل. فيه اعراض جانبيه حسيتيها ؟؟؟
في اثار حبوب في الجبهة

 

[جبهة حرب]

هلا اختي

الله يسلمك
المركز في الرياض على طريق الملك فهد قريب من مركز الحبيب الطبي اسمه العيادات العالمية لزراعة الشعر
د.بسام الجباعي

الأثار الجانبيه كلها مؤقته
ألم بسيط وشد في منطقة الجرح يزول بالتدريج خلال اسبوع ويخف مررره بعد شيل الخيوط

لاحظت أن جبهتي طلع فيها حبوب كثيره (حب شباب) بعد فتره من الزراعه وعزيت هذا الامر إلى الغدد الدهنية اللي مزروعه مع الشعرات
اللحين خفت الحبوب كثير عن أول

وهذا انا انتظر الشعر يطلع بشكل مكثف عشان اشد شعري ورا هههههههههههههههههههه

تحياتي

 

[الشبح]

الله يوفقج اختي جبهه حرب والطرح والاسلوب كان فكاهي لدرجه فظيعه وشكرااا لج

 

[جبهة حرب]

اللهم آمين

والله يتقبل منكم ويوفقكم ويسعد قلوبكم

 

[رانية]

بشرينا اخت جبهة حرب

شخبارك بعد مضي فترة على العمليه

وشلون النتائج خبرينا

طلع الشعر المزروع ؟؟

في اعرض جانبية بعد العملية؟؟

 

[جبهة حرب]

هلا اختي رانيه

انا مالي إلا شهرين وشوية من عملت العملية ماكملت حتى 3 شهور

والدكتور يقولي الشعر يبدأ بالظهور بعد 3 شهور والحكم يكون بعد 6 شهور

لكن ممكن اقولك إن فيه شعر طلع بس مو لدرجة إنه ممكن اطلع فيه للناس

مازلت أخبي زي اول

إن شاء الله لما اكمل 6 شهور بقولكم



تحياتي

 

[Rawan]

انا ناوية اسوي زيك ان شاء الله بس محتارة جمال جمعة او بسام جباعي افضل ؟
انتي هنا تقولي سويتي عند جمال وبموضوع ثاني تقولي سويت من اسبوع عند بسام
سويتي عند مين بالضبط؟ i

 

[جبهة حرب]

يااحبيبتي انا استشرت د.جمال جمعه

وسويت عند د.بسام جباعي عشان فرق السعر

د.جمال جمعه 24 ألف

ود.بسام جباعي 17 ألف

أتمنى تكوني فهمتي علي

تحياتي

 

[أسيل]

uri

الله يسمع مننننننننننك يااااااااااااااارب واغير النك ويصير ام غرة طايحه على عيونها ههههههههههههههههههه

Tetralove
زحلقوك في ملعب صابوني قال آمين .. اللي يسمع يقول شعرك طايح على خشمك ماسجلت بهالموقع ألا وانت محسوب على الصلعان صلعة لماعه بعد خخخخخخخخخخخخخ :d:d

الاخ صنيدح

والله غريبه دكتور مطوع الله يجزاه خير ... تصدق عاد انا فكرت كثير من جهة الحرام لكن لما شفت انها تشوهني وكثير من الناس ماعارضوا لما قلت لهم بزرع ... والمشايخ يقولون بالنسبه للنساء إذا اجتمعت 4 نساء عاقلات أن الشي مشوه جاز تغييره وانا اجتمعوا اكثر :d:d
الله يستر يارب ماودي ادخل بتغير خلق الله ... لكني استخرت الله كثير قبل العمليه والحمدلله صارت .. قلت بنفسي لو إن ربي ما أراد أو لو إنها حرام ماسهلها ربي لي ..
ع العموم جزاك الله خير على تقواك .. من ترك شيئاً لله عوضه الله خيراً منه


منخفض جوي
هههههههههههههه ايه فعلاً طلعت عيوني تخيل شعر وملزقينه بلزاق


تحياتي

يوووو إنتي نفس مشكلتي بالضبط بالضبط
شكرا عالتفاصيل حبيبتي
بس ياليت تجاوبيني
كم سنتيميتر تقريبا زرعولك يعني كم المساحه تقريبا؟؟؟
و لما يزرعولك لازم يقصو شعرك كلو ؟؟ أو بس مكان المنطقه المانحه؟؟

و إنشالله كلنا نصير نلبس أطواق:d