اخوي عبودي كلامك مقنع جدا ..
وبكل صراحة تابعت العديد من التجارب في المنتدى ... واشوف هذي انظف تجربة ... حتى الجروح والندوبات ماشاء الله تبارك الرحمن شيء لا يذكر ...
وربما لثقافتك وتعدد اللغات عندك ... لا اله الله محمد رسول الله ... دور انك وجدت افضل عيادة
اخوي عبودي ... هل ممكن رقمك ورقم المنسق الخاص بالعيادة لو تكرمت ...
اخوي
اذا كتبت اسمه عالجوجل رح يطلعلك اللينك مال عيادته وفي الرقم والايميل
المهم انك ما تستعجل في القرار
المنتديات الأجنبية فيها كذب كثير
التسويق عندهم هوا الدخول فالمنتديات وكتابة تجربة ووضع صور وكله كذب
وهذا يسمونه الاعلان الغير مباشر والي مافي تكلفة
والأكثر تصديقا للجمهور
وهذا الكلام حقيقي واسال عنه لدرجة ان يوجد في عيادات معروفة وكبيرة قسم تسويق خاص فقط بكتابة تجارب وهمية في المنتديات
وتلقاهم كذا شخص يتناقشون على نفس الموضوع على انهم ما يعرفون بعض واهما في الواقع قاعدين جنب بعض بنفس المكتب
ومنهم يكونون منسقين لعيادات معينة وتلقاه يمدحلك فالدكتور واهوا نصاب ما سوا عملية اساسا
فحذار يا اخوان من هالناس بالذات فالمواقع الأجنبية
حبيت ودايما احب اني اشارك اخواني الأعضاء بكل معلومة أحصل عليها
وربي الموفق لنا ولكم