الان استخدم rogaine foam والتساقط شبه متوقف
اما من ناحية الألم ماكان فيه الم يذكر بعد العمليه فقط كنت احس بشد وبعد مافكيت الخيوط ارتحت كثير ومع الأيام رجع الوضع طبيعي كأن شي لم يحصل ولله الحمد
حياك الله ياغالي
الله يعافيك ياغاليالله يعطيك العافية اخوي عبد الله
بصراحة انت اكثر واحد في المنتدى يستاهل التحية والتقدير على الاستمرارية والمشاركة في اغلب المواضيع وبصراحة ان جدا ممتن لك ومتابع لكل رد تكتبه
الله يحفظك ويخليك للمنتدى
السلام عليكم ورحمة الله وبركاته
اولا احييك واحي ادارة المنتدى
سؤالين طال عمرك :
1. على حسب خبرتك هل منتج روجين اللي تستخدمه له اي اثار سلبيه على الجسم...هل هو امن الاستخدام ...وايضا كم من الوقت يجب ان استخدمه ومتى اتوقف عنه....انا كملت شهرين من الزراعه في مقدمة الرأس وعند في المنتصف شعر واريد احافظ عليه...هل هناك خطوره اذا سقط منتج روجين على الشعر المزروع...؟ ..هل هذا المنتج يوقف التساقط وايضا يعمل على نمو الشعر الخفيف..؟
2.مثل ماخبرتك كملت شهرين من الزراعه على حسب خبرتك شو افضل شامبوا للاستخدام اليومي..
بيض الله وجهك ووفقك لما تحب وترضى..
الله يعافيك ياغالي
شهادة اعتز فيها تسلم عزيزي وربي يوفقك
ربي يحفظك
عليكم السلام مرحبا الساع هلا وسهلا
المنتج ماله آثار جانبيه ولا أي خطوره وفائدته في المحافظه على الشعر المتبقي والوبر يقويه ويساعده على النمو واذا نزل على الشعر المزروع عادي ويمكن يساعده على الظهور بشكل صحي اما مدته أقل من 4 شهور ماراح تشوف فائده الا بعد هالمده وتقدر تستخدمه لفترات طويله عشان تحافظ على الشعر المتبقي
من ناحية الشامبو تقدر تستخدم اي شامبو ترتاح له لكن الأفضل تستخدم الشامبو الي يجي معه بلسم عشان الشعر المزروع يصير ناعم لأنه ممكن يطلع خشن اشوي
انا عن نفسي استخدم شامبو مع بلسم حق الأطفال مرتاح عليه
الله يوفقك ياغالي وربي يحفظك ووجهك ابيض
اخوي عبدالله شو رايك بهذي المقوله انه اللي يستخدم ريجين يجب عليه ان يستخدمه طول العمر لانه لو وقف المنتج بتكون الاثار عكسيه جدا على الشعر وبرجع للسقوط ويمكن اكثر من قبل..؟؟
وكفيت ووفيت والله يغفر لوالديك ويعطيك الصحه والعافيه على الرد
عندك فكره في الموضوع وهذا المنتج
london المنتج ابدا ماعرف عنه اي شي ولا جربته ولاعرف احد جربه ولقى نتيجه والأخ meshal وضح انه له تجربه مع المنتج
هلا عزيزي meshal حياك الله طمني عنك
انا من اول يوم العمليه وانا استخدم الشامبو حق الأطفال بعد شهرين من العمليه اخذت الشامبو مع البلسم لادموع ولاتشابك بعد اليوم خخخخخخخخخخ
الدكتور بسام هو الي قالي عنه والحمدالله مرتاح عليه والشعر ناعم مافيه خشونه
كيف وضعك الان فيه تحسن عطنا جديدك *_*
اخوي عبد الله يالاطخم صار لك 9 شهور بشر كيف النتايج زودنا بصور ياليت وتكون واضحه
وانا معاك لا دموع وتشابك بعد اليوم هههههههههه يالله خلاص بتوكل على الله وبعد ما يخلص شامبو العمليات بإستخدم الجونسون .. بس عسى الصغار ما يناشبوني عليه
طيب اخوي عبدالله رايك وتجربتك في مقولة عدم ملامسة البخاخ للوجه !!
وهل لازم تستخدمه بشكل يومي !! يعني ما يصلح الواحد يخفف من الجرعات يومين والثالث مثلاً استخدمه .
اقتباسالمشاركة الأصلية كتبت بواسطة londonمساك الله بالخير اخوي عبدالله..انا بديت استخدم ريفايفوجين والسبب انه استخدمه من فتره طويله ومرتاح وياه
وهي قطور كل ليله على الشعر ومساج خفيف واليوم الثاني الصبح اغسله بالشامبوا الخاص وايضا استخدم الكونديشن الخاص..
الان افكر اني استخدم روجين في الفتره الصباحيه فقط بعد ماغسل راسي الصبح .
السؤال طال عمرك نحن اتفقنا انه روجين ان وقفت استخدامه سيبدا الشعر بالسقوط ولكن هل هذا يشمل الشعر المزروع ايضا اذا تم وضع روجين عليه هل عندما اتوقف عنه يسقط الشعر المزروع ايضا...
بارك الله فيك
ليسمح لي اخوي عبدالله بالرد على استفسارك
بالنسبه للمينوكسيديل (ريقين اوغيره من المسميات التجاريه)
بعد تركه يرجع الشعر كما كان قبل استخدامه فقط ولا علاقة له بسقوط الشعر الاصلي سواء المزروع او غيره
ولابد ان تفرق بان الشعر المزروع يفترض انه غير قابل للتساقط لانه ياخذ خصائص المنطقه الماخوذ منها ( خلف الراس) سواء استخدمت البخاخ ام لا
والشعر الباقي الغير مزروع هنالك احتمال سقوطه وليس للمينوكسيديل علاقه بتساقطه اذا ما اوقفت المينوكسيديل لانه قابل للتساقط اساسا
هلا عبدالله
سؤال لاهنت الحين صارلي شهر بالضبط من سويت زراعه والشعر باقي شوي منه ماطاح
السؤال الاول اقدر استخدم مينوكسيديل الحين ولا اصبر شوي ؟ وكيف طريقة استخدامه ؟ وكم المدة المناسبه ؟
السؤال الثاني فيه حكه تجي وتروح بالمنطقه المزروعه ايش اسبابه وكيف اتصرف معه ؟