تجربه زراعه الشعر فى مصر

[yahya]

اخي احمد مش عارف اشكرك ازاي علي معلوماتك وردودك اساسا انا سجلت في المنتدي لما قرأت تجربتك وفرحت جدا ان فيه دكتور احمد عادل من الاطباء المتخصصين جدا في هذا المجال من الاطباء العرب وبلا ادني شك سيكون اختياري هو الدكتور احمد عادل
ان شاء الله للاسباب السالفة الذكر وايضا تيمننا بك انت اخي الفاضل
ولكن لي عندك رجاء ان تنزل صورة لك قبل الزراعة وبعدها


ملحوظه كل ماذكرت من وصايا مقدور عليها الا واحد ه والله والله مش عارف هاعملها ازاي دي وهي الامتناع عن الحياه الزوجيه مقدرش ياراجل طيب سؤال لو فرضنا مقدرتش ماذا سيحدث هل سيساقط الشعر المزروع ياريت تسألي الدكتور انا ممكن بالكتير امتنع يومين او 3 ايام وربنا يعين كمان ههههههههههههه

تقبل تحياتي

 

[ahmed.ahmed]

اخويا يحيى ..
اولا .. انا هنزل صور ان شاء الله بس لما ع الاقل اكمل 6 شهور وانا دلوقتى بئالى 3 شهور و 20 يوم فى شعر اه ظاهر وبينمو مع الايام بس مستنى ان يكمل ال 6 شهور ع الاقل عشان احس ان فى نتيجه اكتر من كده وتستحق العرض ..

ثانيا ... كل الدكاتره بينصحو بانك تبتعد عن ممارسه حياتك الزوجيه لفتره 7 ايام وهو ده اجراء وقائى وحرص زياده مش اكتر .. وبشكل عام انت هتكون ممنوع من اى مجهود بدنى قوى لمده 3 اسابيع ومن حياتك الزوجيه 7 ايام ..
وكل ده فى صالحك طبعا ...
عموما انا معنديش علم بان الشعر المزروع هيقع بسبب ذلك ام لا .. بس صدقنى انت نفسك بعد العمليه هيكون عند ارهاق وتعب وهتكون محتاج راحه كافيه لمده تتراوح من 4 الى 7 ايام حسب قدره الشخص نفسه ...
لكن بعد الفتره دى هتكون سليم ومعافى ان شاء الله ..
بالنسبه لاستفسارك انا مقدرش بصراحه اقولك رايى لانى معنديش علم بذلك ..
بس لو قدرت تبتعد فتره ال 7 ايام دى هيكون افضل وحرص زياده
ومتنساش ان الايام الاولى بعد العمليه عليها نسبه تتعدى ال 90 ف الميه من نجاح العمليه ..
حاول ان تحرص على تعليمات الطبيب جيدا 000

 

[yahya]

ماشي يااستاذ احمد ربنا يوفقنا لما فيه الخير وجزاك الله عنا كل خير
ا
بس لي تساؤل آخر بعد اذنك طبعا انا
تعبتك معايا

بما اني من محافظة بعيده عن القاهرة والامر سيحتاج الي سفر بعد العمليه فماذا تقترح وهل سيكون في سفري ضرر

وتقبل تحياتي

 

[ahmed.ahmed]

هو عموما محظور السفر للخارج بعد العمليه لمده من 2 /3 ايام مثلا بالطائره عشان الضغط الجوى لان ده ممكن ياثر بالسلب ..
لكن طالما سفر عادى لمناطق مش بعيده مفيش اى مشاكل ..
يستحسن طبعا ان يكون معاك عربيه عشان تسهل عليك العمليه لانك هتكون حاسس بارهاق وشويه تعب او تاخد وسيله مواصلات مباشره بدل ما تتعب فى بهدله المواصلات الكتيره ..

بس المهم لما تعمل العمليه ان شاء الله وتكون بخير كده تحكلنا تفاصيل العمليه
وان شاء الله متشفش اى شر ..

 

[yahya]

طبعا بكل تأكيد سوف اتواصل ان شاء الله معكم وسأبلغكم بكل شء من الالف الي الياء وسيكون هذا المنتدي هو بيت من بيوتي الكثيرة في عالم الانترنت ولكنننننننننننننننننننننن






اكيد هتقول وبعدين بقي في البني آدم ده يأخي حل عن نافوخي بقي ههههههه

مش ممكن ياخ احمد يستضيفوني في العياده يومين او تلاته وكله بحسابه وبالمرة لكي يطمئن قلبي

وامانه عليك ماتزعلش مني ومن اسألتي الكتير

 

[ماجد محمد]

اقتباس:
المشاركة الأصلية كتبت بواسطة yahya
طبعا بكل تأكيد سوف اتواصل ان شاء الله معكم وسأبلغكم بكل شء من الالف الي الياء وسيكون هذا المنتدي هو بيت من بيوتي الكثيرة في عالم الانترنت ولكنننننننننننننننننننننن






اكيد هتقول وبعدين بقي في البني آدم ده يأخي حل عن نافوخي بقي ههههههه

مش ممكن ياخ احمد يستضيفوني في العياده يومين او تلاته وكله بحسابه وبالمرة لكي يطمئن قلبي

وامانه عليك ماتزعلش مني ومن اسألتي الكتير



يسمحلي الاخ احمد بالرد

اولا : عيادات مراكز الشعر دايما ليست مجهزه للتنويم مثل المستشفيات
وعملياتهم مايسمى عمليات اليوم الواحد
ثانيا: الموضوع ابسط من ذلك بكثير ومن نفس يوم عمليتي كنت اتسوق اللهم النوم كان بزاويه والسجود ممنوع لمدة ثلاثة ايام لكي تلتئم فتحات الشعر المزروع
وللتقريب اكثر
بالنبسه لي مابعد زراعة الشعر مباشره ابسط لدي من خلع ضرس
وان شاء الله تتيسر امورك
وتنال مرادك
تحياتي

 

[ahmed.ahmed]

بالفعل يا يحيى نفس م قالك الاستاذ ماجد بالظبط ...
صدقنى انت هتقدر تروح بيتك فى نفس اليوم بعد العمليه ومش هيكون ان شاء الله فى مشاكل ...
وبالنسبه انهم يستضيفونك يومين تلاته انا شايف ان ده كتير ... مش هتحتاج انت اصلا لكده ..
عموما لما تروح استشاره للدكتور اسئله شوف هينفع ولا ايه ..
بس وحط فى اعتبارك انك هتعمل مراجعه ليهم عشان يفكو الشاش ويغسلو راسك ...
وصدقنى مفيش اى مضايقه انت اسئل براحتك وخد راحتك ع الاخر وان شاء الله هنجاوب عليك ...

 

[yahya]

طمنتوني كتير اسال الله سبحانه وتعالي ان يكرمكما اخي احمد واخي ماجد وبالمناسبه لك كل الشكر اخي ماجد علي فكرة فتح هذا الموقع يارب يجعله في ميزان حسناتك لأنك افدت وستفيد نخبه كبيرة من الناس ومايعانوه من حاله نفسيه لأن الشعر نعمه كبيرة جدا لا يعلم مقدارها الا من فقدها وكل نعم الله عظيمه


تقبلا تحياتي

 

[ماجد محمد]

اقتباس:
المشاركة الأصلية كتبت بواسطة yahya
طمنتوني كتير اسال الله سبحانه وتعالي ان يكرمكما اخي احمد واخي ماجد وبالمناسبه لك كل الشكر اخي ماجد علي فكرة فتح هذا الموقع يارب يجعله في ميزان حسناتك لأنك افدت وستفيد نخبه كبيرة من الناس ومايعانوه من حاله نفسيه لأن الشعر نعمه كبيرة جدا لا يعلم مقدارها الا من فقدها وكل نعم الله عظيمه


تقبلا تحياتي



العفو اخي الكريم وبالفعل الشعر نعمه كبيره
واليك
ما جاء فـي قصة الثلاثة من بني إسرائيل وفـيها أن رسول الله صلى الله عليه وسلم قال: (إن ثلاثة من بني إسرائيل أبرص وأقرع وأعمى أراد الله أن يبتليهم فبعث إليهم ملكاً ...، فأتى الأقرع فقال: أي شيء أحبُّ إليك؟ قال: شعر حسن ويذهب عني هذا الذي قذرني الناس قال: فمسحه فذهب عنه وأعطي شعراً حسناً ..)

 

[ahmed.ahmed]

انت تشرف فى اى وقت يا يحيى ولو حبيت تسئل تانى احنا تحت امرك

 

[عاشق تشلسي]

أخوي أحمد

الصلع الوراثي ماينفع له الزراعة؟؟؟

 

[ahmed.ahmed]

لا طبعا بالعكس ..
الزراعه فى الاساس للصلع الوراثى اللى ملوش اى علاجات ...
ممكن تاخد علاجات تاخر التساقط ولكن لا مفر من الصلع الوراثى ..
لكن طالما زرعت خلاص اتحلت المشكله حتى لو كنت صلع وراثى ف الصلع الوراثى ليس له حل غير الزراعه وبسس ..

 

[sami azab]

استاذ احمد ممكن اسم الدكتور اللى عملت عنده العملية وعنوانه بالظبط فين وشكرا للأفادة

 

[ahmed.ahmed]

دكتور احمد عادل نور الدين

2 ش الثورة
المهندسين, الجيزة


0101678116

0122181025

 

[dods]

كل سنة وانت طيب يا احمد انا عند صلع من درجة ٢ او ٣ و عمرى ٢٨ سنة هل د احمد عادل بيزرع بطريقة الاقطاف و هل هو ماهر?

 

[ahmed.ahmed]

وانت طيب ...
شوف الدكتور احمد عادل بيزرع بالطرقتين الاقتطاف والشريحه ..
يعنى هو بيعمل العمليه للشريحه ب 15000 جنيه مصرى ل 4000 شعره ...
وطبعا الاقتطاف بتكون اغلى من السعر السابق ذكره ...
وهو طبعا دكتور كفأ جدا وماهر وماشاء الله سمعته فى مصر كلها تتحدث عنه وغير ذلك انت هتشوف بنفسك تجارب وتقدر تحكم بس انصحك بيه ...

 

[newMan20010]

أزيك يا أبو حميد

بس معلومة ان مفيش حلاقة إلا بعد سنة ....قالك عليها الدكتور؟ لأن بصراحة بالنسبة لى تبدو مستحيلة!! لأنى هكثف الجبهة وأزرع بمنصف الرأس..... ازاى اسبهم سنة؟!

 

[ahmed.ahmed]

الحمد لله بخير ..
طبعا انا عارف ان مفيش حلاقه للشعر المزروع بعد سنه ..
وبالنسبالك انت ممكن تخف الاجناب والشعر اللى فى الخلف كل 20 يوم يعنى كل ميتقل الشعر اللى فى الاجناب والخلف احلقه وبردو تخف شويه من الشعر اللى فى الجبهه ..
بحيث ان هيكون الشعر كلاتى من الامام محلوق وخفيف ومن الاجناب والخلف على واحد وقمه الراس ( اللى هى منطقه الزرع اذكر من الصوره اللى بعتهالى ) هتكون مفيهاش شعر بس بعد مرور شهرين هيطلع شهر فيها خفيف وانت خافف باقى الشعر ف العمليه معاك هتتظبط وهيكون شكل الشعر بشكل عام مقبول ..
تقريبا انا ردى على ما فهمت من سؤالك ..
لو قصدك غير كده وضحلى وان ان شاء الله هجاوبك ...

 

[newMan20010]

أقصد ياأحمد ان فيه منطقة مقدمة الرأس بيها شعر وهكثف فيها وبالتالي المزروع والغير مزروع متشابكين وسط بعض... وبالتالى لازم يتحلق على الكثر كل شهر وإلا هيبقى قصه@@@@ ترضه حد يقولى يا أبو قصه@@@

 

[ahmed.ahmed]

عندى ليك فكره حلوه حاول تنفذها ومفيش غيرها اعتقد ..
انت قبل متروح تعمل الزراعه احلق بس هتحلق ازاى دى المشكله بئا ..
انت هتروح للحلاق عادى تشيل شعرك اللى فى الجبهه والاجناب على واحد ...
وتيجى ع المنطقه اللى هيتم اخذ منها الشعر تخليها تقيله شويه عن الواحد يعنى تخليها على 3 او 4 عشان الدكتور يقدر ياخد منها البصيلات ...
وبعد 3 اسابيع من الزراعه وفك الغرز ...
هتروح للحلاق تانى عشان يظبطلك كل الشعر بنفس الدرجه ..
يعنى هتخف اللى ورا بنفس درجه الجبهه والاجناب وسعتها طبعا هتكون نضفت كل شعرك من القشور ومش هيبان حاجه غير شويه احمرار مكان الزرع مش اكتر ..
طبعا لما هتروح للحلاق متحاولش انك تحلق شعر من الجبهه او اللى ورا سيبيه بنفس الدرجه عشان متجيش ناحيه شعر مزروع ...
وهو الحلاق هيفهم يعنى هيخليلك كل شعرك بنفس الدرجه وبكده هيكون الشكل مقبول جدااا ..
وفى نفس الوقت هيطول الشعر المزروع والغير مزروع بالتساوى ومع بعض طبعا الغير مزروع هينمو بشكل اكبر بس انت بعد شهر ونص الى شهرين هتلائى ان فى شعر مزروع طالع وظاهر مش هتعرف انت تفرقه وقتها بينه وبين الغير مزروع ...
ولو حسيت ان الاجناب والخلف تقلو شويه عن الجبهه وقمه الراس وده مش هيكون غير بعد شهر ونص كده روح خف تانى الاجناب والخلف بنفس الدرجه اللى وصلت اليها شعر الجبهه وقمه الراس ...
عارف انى دوختك معايا بس انا والله بعمل كده بالظبط زى مشرحتلك ..
كل 3 اسابيع بروح اخف الاجناب واللى ورا واسيب اللى فوق زى مهو عشان الشكل يكون مقبول شويه على ميطلع كل الشعر المزروع ...