رد: تجربتي في زراعة اللحية والشارب / عيادة الدكتور سركان / 28 سبتمبر 2015
لو سمحت أخ عبدالرحمن أنا ناوي أجلس أسبوعين بتركيا هل الفندق يوصل طلبات الأكل للغرف؟ لأني ناوي أجلس أغلب الوقت بالفندق وكيف الفندق اللي جلست فيه أنت؟ وكم بتكون التكلفة تقريبا للأسبوعين؟ وهل تنصحني أروح وحدي ولا معي مرافق؟ وهل الاستلقاء على الظهر بيخرج البنج والدم من المنطقة المانحة؟ لأني سمعت بهذا الشيء.. آسف على كثرة الأسئلة لكن بغيت أروح هناك وأنا عارف كل شيء الله يجزيك خير
يا هلا والله اول شي احب اقولك خذ راحتك واسال اللي تبيه يالغالي
بالنسبة للاكل : هالشي يعتمد على الفندق اذا كان فيه مطعم تقدر تطلب منه ؛ او انك تطلب من المطعم اللي تبيه وتعطيه اسم الفندق ورقم الغرفة عشان الرسبشن يتصلون على غرفتك يخبرونك او الطلب وصل.
بالنسبة للفندق اللي سكنت فيه انا كان ممتار ونظيف وهادئ والانترنت كان سريع جدا ؛ وقريب جدا من شارع الاستقلال والاسواق والمطاعم ؛ نسيت اسمه الصراحة لان اسمه بالتركي ؛ بالنسبة للاسعار فهو يعتمد على نوع الفندق خمس نجوم او اربع او ثلاث ؛ ويعتمد على موقعه ايضا ؛ تقدر تحصل فنادق واجد ممتازة وسعرها ممتاز وبالمواصفات اللي تبيها في موقع ( بوكينق ).. اهم شي انك تختار فندق فيه في كل غرفة حمام خاص " انتبه لمواصفات الغرفة قبل الحجز " . لان بعض الفنادق حمام مشترك.
يفضل تاخذ احذ وياك ؛ وهم مافيه مشكلة تروح بروحك لان تركيا بلد جميل للسياحة يعني ما بتتملل ؛ لكن لو وياك احد افضل بواجد.
وبالنسبة للاستلقاء على الضهر فهالشي صحيح ؛ والاستلقاء على الضهر يمنع البنج من النزول الى الوجه اثناء النوم .
بالتوفيق لك ان شاء الله
تحياتي