تجربتي في زراعة اللحية والشارب / عيادة الدكتور سركان / 28 سبتمبر 2015

[7amani]

الله يجزاك الف خير وتشوف النتائج اللي ترضيييك .
انا اللهم لك الحمد مبسوط ب الرسمة وان شاء الله نتائج جميلة دعواتكم.

وثاني شيء كثافة الشعر بعد ما تطيح القشور تختلف كثير ولا قليل لان الحمدلله كثافتي حلوة وما ادري هل الكثافة نفسها او عشان القشور معطيه لون قريب للاسود

اجمعيين ياارب ♡♡

صح كلامك القشور تعطي كثافة اكثر.. بس لا تنسى ان القشور اللي تتساقط اغلبها تتساقط مع شعر.. اذا صارلك 14 يوم وتساقطت كامل القشور بتبين عندك كثافة الشعر شلون ممتازة ف صور نفسك صور واجد في هالفترة( 14 يوم) لان مع الايام بيتساقط الشعر شوي شوي وبتزيد الفراغات فبتقعد توسوس يمكن ما زرعوا هالمنطقة او شي.. ف ارجع طالع هالصور عشان ترجع لك الثقة.. لان كثافة الشعر في فترة ال 14 يوم تكون ممتازة بالرغم انه هذا مو كل الشعر المزروع لان الشعر المزروع يبدا يتساقط من اليوم الخامس يعني كثافة ال 14 يوم تضيف عليها الشعر اللي تساقط بتصير الكثافة ممتازة جدا

 

[ابوشنب]

١٤ يوم من العملية ولا اللوشن

 

[ابوشنب]

طمنتننني الله يريح قلبك ، لان الحمدلله عاجبني الكثافة

 

[ابوشنب]

لان انا باقي لي ٣ ايام وابدا بالخطوة الثانية اللي هي لوشن على الدقن

 

[7amani]

14 يوم من العملية ولا اللوشن

14 يوم من العملية

 

[7amani]

طمنتننني الله يريح قلبك ، لان الحمدلله عاجبني الكثافة

اجمعين يارب ♡

 

[7amani]

لان انا باقي لي 3 ايام وابدا بالخطوة الثانية اللي هي لوشن على الدقن

الحمدلله

اذا بديت باستخدام اللوشن.. تحط اللوشن في ايدك وتوزعه على اللحية شوي شوي وبهداوة وبدون ما تفرك الشعر المزروع.. وعقب ما تغسل اللوشن بتلاحظ طبقة لونها ابيض من بقايا اللوشن لا تحاتي اتركها وبروحها بتختفي بعد ساعة او ساعتين من الغسيل.

بالتوفيق لك يارب
تحياتي

 

[ابوشنب]

الحمدلله

اذا بديت باستخدام اللوشن.. تحط اللوشن في ايدك وتوزعه على اللحية شوي شوي وبهداوة وبدون ما تفرك الشعر المزروع.. وعقب ما تغسل اللوشن بتلاحظ طبقة لونها ابيض من بقايا اللوشن لا تحاتي اتركها وبروحها بتختفي بعد ساعة او ساعتين من الغسيل.

بالتوفيق لك يارب
تحياتي

الله يسعدك ، اجل اذا فضيت ابيك تشرح لي طريقة وضع اللوشن بالتفصيل والله يسعدك

 

[7amani]

الله يسعدك ، اجل اذا فضيت ابيك تشرح لي طريقة وضع اللوشن بالتفصيل والله يسعدك

يا هلا والله واجمعين يارب

افا عليك حاضر لك

عقب ما تحط اللوشن ع المانحة.. تحط شوية لوشن على اطراف اصابعك وتبدي توزعه على اللحية شوي شوي بدون ضغط قوي او فرك.. وبعدين نفس الشي تحط في اطراف اصابعك مرة ثانية وتوزعه من جديد لين تتأكد انك غطيت اللحية كامل.. وتاكد ان اللوشن يوصل للجلد.. بعدها اتركه لمدة ما بين الساعة والساعتين واغسله بكوب ماي وبدون فرك طبعا.. بعدها توزع رغوة الشامبو على المانحة وعلى اللحية وتغسلهم بكوب ماي بعد دقيقتين او ثلاث بالكثير .. او تاخذ شور مافي مشكلة.

بالتوفيق لك يارب

تحياتي

 

[عبود3]

اسعد الله ايامك بكل خير
ونفع الله بك
ابو داخم تى يبدا يتساقط المزروع ومتى يبدابالنمو

 

[7amani]

اسعد الله ايامك بكل خير
ونفع الله بك
ابو داخم تى يبدا يتساقط المزروع ومتى يبدابالنمو

يا هلا والله اجمعين يارب

يبدا التساقط من اليوم الخامس بعد العملية ويتسمر الى ما يقارب شهرين.. وطبعا مو شرط ان كل الشعر يتساقط بيبقى شعر ما بيتساقط وبينمو في هالشهرين.. في بداية الشهر الثالث يبدا نمو الشعر الجديد ويكون خفيف وصغير .. بعدها يبدي يطول ويقوى في الاشهر اللي عقب.. ويستمر النمو الى ما يقارب السنة وتكون النتيجة النهائية .

تحياتي لك وبالتوفيق

 

[7amani]

يا هلا والله اجمعين يارب

يبدا التساقط من اليوم الخامس بعد العملية ويتسمر الى ما يقارب شهرين.. وطبعا مو شرط ان كل الشعر يتساقط بيبقى شعر ما بيتساقط وبينمو في هالشهرين.. في بداية الشهر الثالث يبدا نمو الشعر الجديد ويكون خفيف وصغير .. بعدها يبدي يطول ويقوى في الاشهر اللي عقب.. ويستمر النمو الى ما يقارب السنة وتكون النتيجة النهائية .

تحياتي لك وبالتوفيق

+ نسيت اذكر هالنقطة

ان اغلب التجارب تكون الكثافة ممتازة بعد 6 او 7 اشهر ويكونون راضيين بالنتيجة ؛ لكن بعد سنة تكون الكثافة ممتازة جدا.

 

[ابوشنب]

مشكور يابوداحم وان شاء الله راح اعلمك التغيرات وانا الحمدلله اتفائل بنتائج مرضية .

 

[king1411]

السلام عليكم
هل زراعة اللحية تكون بالليزر
هل اللحية تكون طويلة مثل الملتزمين
هل الدكتور يعطي اجازةللعمل

 

[7amani]

مشكور يابوداحم وان شاء الله راح اعلمك التغيرات وانا الحمدلله اتفائل بنتائج مرضية .

حاضر لك افا عليك بس

الحمدلله ؛ تفائلوا بالخير تجدوه وان شاء الله تجوف النتيجة اللي تطيب خاطرك وننتظر التطورات

تحياتي لك

 

[7amani]

السلام عليكم
هل زراعة اللحية تكون بالليزر
هل اللحية تكون طويلة مثل الملتزمين
هل الدكتور يعطي اجازةللعمل

وعليكم السلام يا هلا واللهر

* لا ؛ زراعة اللحية ما تكون بالليزر.. تكون بعملية نقل الشعر من مكان لمكان.. وافضل طريقة للزراعة تكون طريقة الاقتطاف حيث يقومون بإقتطاف بصيلات الشعر من المنطقة الخلفية للرأس .. وبعدها يقومون بفتح قنوات في المنطقة المراد زرع الشعر فيها.. واخيرا يقومون بنقل البصيلات داخل القنوات.

* بالنسبة لتطويل الشعر مثل الملتزمين فالجواب نعم تقدر تطول الشعر مثلهم.. لكن الشكل بيطلع مختلف لان زراعة اللحية تكون رسمة اللحية محددة كأنك توك حالق.. وطبعا تقدر انته تختار الرسمة اللي تبيها ف اذا في بالك رسمة يسوونها لك مثل الملتزمين تقدر تخليهم يسوونها .. وطبعا اذا تبيها مثل الملتزمين لكن يكون عندك شعر في الرقبة وتحت الفك.. لان في عملية الزراعة اللحية ما يقدرون يزرعون هالمنطقة لكثرة العروق فيها وخوفا على سلامتك.


* بالنسبة لإجازة العمل فالجواب لا ما يعطون.

بالتوفيق لك

تحياتي

 

[تـركـــي]

أخوي عبدالرحمن لازم إدارة المنتدى تعطيك راتب " خدمة عملاء " ههههههه
بيض الله وجهك الصراحه مو مقصر مع الأعضاء وباك طويل
بالتوفيق لك يا الغالي

 

[zomeh14]

اخوي حازم الله يكون بعوننك .
ترا محمد المصري جالس ينسق لك وهو ب مصر .
عشان كذا روح كلم الدكتورة اسراء او كلم المنسق عبدالهادي.

تواصلت مع علي وغثيته من كثر الاتصالات وحدد لي الموعد اليوم الصبح والله يستر

 

[zomeh14]

يا هلا والله

هذا عيب العيادة كامل مافي تنظيم في المواعيد كلش وعلى طول لخبطة.. بس اللي فهمته انك الحين في تركيا وانت بتقعد 6 ايام بس والعملية يوم الثلاثاء.. يعني تسوي العملية ويوم ثاني تسافر عشان ترجع.

* يعني بتروح يوم ثاني بعد العملية عشان غسيل وفي نفس اليوم بتسافر.. وهو الغسيل المفروض يكون يومين ورة بعض .

* اول ثلاثة ايام بعد العملية ما بتقدر تتكلم بأريحية من البنج وبالاضافة ان ما يصلح تمشي واجد ولا تنسى تعبة المطار والانتظار وغيره من امور يعني احتمال يصير لك اضرار في العملية.. انصحك تحاول تقدم موعد العملية

قدمتها على اليوم ورحلتي يوم الخميس , قلت لعلي اذا ما سويت العمليه يوم الاثنين راح اكنسلها

 

[zomeh14]

مو شرط تتجادل معاهم .. كلمهم وفهمهم وضعك وهالشي من حقك ان تختار الموعد اللي يناسبك بحكم انك بتقعد 6 ايام بس .. وهالشي غلط منهم.. فيه غير ممرضات يتكلمون عربي وممرضين بعد تقدر تتواصل معاهم وتفهمهم الوضع.. لاني ما انصحك كلش اذا كان يوم السفر بعد العملية بيوم!

بالتوفيق لك والله يتمم لك على خير
وطمنا عليك شصار معاك

الله يسعدك على نصائحك ايه والله معاك حق عاد رحلتي بعد العمليه مرهقه جدا , من تركيا لاثينا وراح اجلس في اثينا اربع ساعات ومن بعدها ارجع على السعوديه