تجربتي في زراعة اللحية والشارب / عيادة الدكتور سركان / 28 سبتمبر 2015
- بادئ الموضوع 7amani
- تاريخ البدء
يا هلا والله
اول شي الحمدلله ع السلامة ومبروك العملية
بالنسبة لتيبس الوجه فهذا شي طبيعي ؛ هذا من اثر الدم المتيبس بسبب فتح القنوات. طريقة الاكل حاول تاكل اشياء لينة ؛ واي شي تاكله قصصه قطع صغيرة عشان ما تواجه صعوبة اذا بتفتح فمك ؛ وبالنسبة لتفريش الاسنان نفس الشي حاول تفتح فمك على قد حجم الفرشاة ودخلها في فمك وفرش بطريقة هادية عشان سلامة البصيلات ؛ او انك تسوي مثل ما انا سويت ؛ روح اي صيدلية او سوبر ماركت وخذلك فرشاة اسنان مالت اطفال و يكون حجمها صغير عشان يصير اسهل وما تضطر انك تفتح فمك واجد.
بالنسبة للغسيل
* اول اسبوع للغسيل يبتدي في اليوم الرابع بعد العملية ؛ والطريقة كالآتي :
تحط اللوشن على المنطقة المانحة وتخليه لمدة ما بين الساعة والساعتين ؛ يعني ما يقل عن ساعة ولا يزيد عن ساعتين.
وبعدين تغسل اللوشن اللي حطيته في المانحة بالماي وبعدها على طول تستخدم الشامبو ؛ وطريقة استخدام الشامبو هي تحط شوية شامبو في غضارة وتزيد عليها شوي ماي وتحركه بايدك عشان تصير عندك رغوة ؛ بعدين خل دفع الماي يصير قوي بشكل مفاجأ عشان تتكون الرغوة عدل.. والطريقة الثانية لتكوين الرغوة هي انك تاخذ غرشة بيبسي كبيرة او غرشة ماي كبيرة ؛ وتحط فيها ماي وتضيف عليه شامبو وبعدين ترج الغرشة عشان تتكون الرغوة.
بعد ما تكون الرغوة تاخذها بايدك وتوزعها على المنطقة المانحة وعلى اللحية بشكل هادئ وتخليها دقيقتين تقريبا وبعدين تغسلها بكوب ماي ايضا بشكل هادئ. وبعدين تاخذ شاور عادي حق كامل جسمك بس بدون وجهك وحاول تتجنب البخار.
وتستمر على هالطريقة لمدة اسبوع.
وفي الاسبوع الثاني
تحط اللوشن على المنطقة المانحة واللحية وتخليه لمدة بين الساعة والساعتين.
وبعدها نفس الخطوات السابقة بس الفرق في هالاسبوع انك تحط اللوشن على المانحة واللحية ؛ وفي الاسبوع الاول كان اللوشن ع المانحة فقط.
بالتوفيق لك ان شاء الله وتجوف النتيجة اللي ترضيك واي استفسار انا حاضر
تحياتي
انا صار لي مثل موقفك سالتهم وقالوا يفضل انك تخفف اول جم يوم ؛ حاولت اخفف بس ما قدرت . والحمدلله ما صار شي .
انا من وجهة نظري ان تخفيف التدخين فقط زيادة حرص من العيادة عشان ضمان النتايج ؛ لان التدخين يقلل نسبة الاوكسجين في الدم فهم يقولون لك خفف تدخين اول الايام عشان البصيلات الجديدة توصلها نسبة اوكسجين اكثر.
ولو كان يضر جان قالوا لك وقف تدخين بالمرة ما قالوا لك خفف.
ع العموم انته حاول تخفف قد ما تقدر واذا ما قدرت خلها على الله ههههههه.
بعد اسبوعين تقدر تاكل اللي تبيه لان البصيلات تكون ثابتة وماعليها خوف ؛ وحاليا تقدر تنوع في الاكل مو بس شوربة يعني مثلا عندك البيض لين وعندك الموز وغيرهم ... اكل اللي تبيه بس اهم شي يكون لين وما يجبرك تحرك فكك واجد او تحركه بقوة.
تقدر تحلق بالمكينة بعد شهر او اقل من الشهر بشوي يعني 28 يوم مافي مشكلة ؛ وهالشي سالت الدكتور عنه وهو اللي قالي.
[[/url][/img][/img]img]
[/img]
هذي الصور عبدالرحمن بس صراحة الدم غثني
ما شاء الله الرسمة ممتازة ولايقة عليك
بالنسبة للدم بتتخلص منه ان شاء الله في حدود الاسبوعين تقريبا ؛ عليك بالصبر وان شاء الله تجوف النتيجة اللي ترضيك ❤
يا هلا والله
اللوشن هو المرطب اللي المفروض انك شريته مع الشامبو بعد العملية.
وهذا اسم اللوشن Bepanthen
هذا تستخدمه مع الشامبو لمدة اسبوعين ؛ ابتداءاً من اليوم الرابع بعد العملية.
اول اسبوع تحط اللوشن ع المانحة فقط لمدة ساعة او ساعتين ؛ بعدين تغسله وتحط رغوة الشامبو ع المانحة و ع اللحية.
ثاني اسبوع تحط اللوشن ع المانحة وع المزروعة لمدة ساعة او ساعتين ؛ بعدين تغسله وتحط رغوة الشامبو ع المانحة و ع اللحية.
تحياتي
يا هلا والله
بعد اسبوعين ما اختفت الاثار بشكل نهائي ؛ لكنها الحمدلله كانت خفيفة وغير واضحة.
*في الصفحة 3 فيه صورة حقي بعد اسبوعين بالضبط .
تحياتي
اجمعين يارب ❤
لا تشيل هم ياخوي سهالات ان شاء الله ؛ بالنسبة للانتفاخ بيختفي ان شاء الله بعد 6 او 7 ايام من العملية بس انتظم في المضاد اللي عطاك اياه الدكتور.
بالتوفيق لك ان شاء الله
وطمنا عليك
تحياتي
الحمدلله انها ما طاحت ؛ بس حاسب لا تلمسها عشان ما يتغير اتجاهها وينبت الشعر في اتجاه خاطئ.
تمام ان شاءالله طيب ممكن سوال شاطح شوي احس زي الدهون تنزل من وجهي هذا البنج الي مسبب نفخه بالوجه ولا انا غلطان
وثاني شي احس كل يوم وجهي يخف من النفخه بس بشكل بسيط مادري تخيل مني ولا فعلاً الانتفاخ يخف بشكل بسيط بالناس كلهم
وثاني شي احس كل يوم وجهي يخف من النفخه بس بشكل بسيط مادري تخيل مني ولا فعلاً الانتفاخ يخف بشكل بسيط بالناس كلهم
يا هلا والله
اي صحيح هذه الدهون اللي تنزل بسبب البنج ؛ وبالنسبة للانتفاخ اي نعم هالشي طبيعي كل يوم يخف شوي لين يختفي نهائيا ؛ يعني بالتدريج يخف
تحياتي
والله ي خوي عبدالرحمن بكثر اسئله كني بسات مو منتدى المهم اخوي انا صراحة الجميت والقميص يلمس الدقن بس بشكل خفيف جداً فما الاحظ ايش شي يسبب الريبه واشوف كلامك مع الاعضاء فجاني خوف مادري فيه اشكاليه او لا مع العلم اجبار يصير شي زي كذا مع البرد وهو اسطنبول
تصحيح