استفسار أخ عبد الرحمن: أنا ما أبي تظهر آثار العملية كم يبي لي؟ وأنا ناوي أخلي الشعر ما أحلقه هل يختفي الاحمرار إذا خليت الشعر بدون حلاقة؟ وهل يؤثر استخدام المينوكسيديل بعد العملية أو حسب الرغبة؟ آسف على إزعاجك الله يوفقك وييسر أمرك
يا هلا والله
مامن ازعاج يالغالي اي استفسار عندك لا تتردد
بالنسبة للآثار اغلبها بسيطة وتختفي بسرعة مثل
الانتفاخ من البنج : يختفي في اول اسبوع او اقل.
الدم المتيبس في المنطقة المانحة : يتساقط في حدود 10 ايام.
القشور في المنطقة المزروعة: تتساقط ما بين 10 الى 15 يوم.
يبقى الاحمرار : طبعا الاحمرار ماله وقت محدد ويختفي ؛ لان هالشي يعتمد على حساسية وجهك وكل شخص يختلف عن الثاني..يعني يمكن يطول معاك ويمكن يختفي بسرعة.
وبالنسبة لحلاقة الشعر
الشعر المزروع يبدي يتساقط من اليوم الخامس تساقط خفيف ويوم عن يوم يزيد التساقط لنهاية الشهر الثاني تقريبا ؛ طبعا مو شرط كل الشعر يتساقط بيبقى منه شوي ؛ ف اذا كان الاحمرار واضح ؛ الشعر اللي ما تساقط ما بيكون كافي انه يغطي الاحمرار.
بالنسبة للمينوكسيدل
اي نعم يأثر بعد العملية ويسرع نمو الشعر لكنه يسبب تهيج في الوجه ويزيد الاحمرار. وطبعا هو حسب الرغبة مو اجباري تستخدمه.
بالتوفيق لك ان شاء الله
تحياتي
