هل تفكر تكثف شعرك بالمستقبل
ومن وين يقتطفون اذا بتكثف من نفس المنطقه المانحه ؟
هو صراحة الواحد يصير طماع لما يشوف العملية نجحت يقول ليش لا ، لكن أنا لا زال الوقت أمامي مبكر لاتخاذ مثل هذا القرار ، مثل ما المختصين بزراعة الشعر يقولون إن بحدود مرور السنة تشوف النتيجة النهائية ، لا زال قدامي 5 شهور حتى أشوف النتيجة النهائية وأقرر.
حمدا لله على السلامه أخي Diamond ولقد أنتظرناك طويلا .
أحب أشكرك من كل قلبي لوضعك صور لنتيجه العمليه التي أجريتها وألف مبروك على نجاحها.
لقد وضعت تقرير لعمليتي التي أجريتها في شيراز ونفس الشئ قوبلت بالهجوم من أول مشاركه من الآخ ماهر وكانه بروفسسور زراعه شعر بنفس الآسلوب الذي هاجمك فيه هاجمني ولاأعرف ماهي مشكلته مع الزراعه في أيران
ومن المفروض أن الواحد عندما يضع تجربته تجد من يشكره ويبارك له ويقف بجانبه للأنه وضع نتيجه العمليه التي أجراها حتى يستفيد منها الآخرين وهو غير مجبر على ذلك ولاأقصد الكل في كلامي هذا وعلى العكس وجدت أعضاء كثيرين باركوا لي على العمليه وعلى نجاحها.
أكرر شكري لك وللجميع
أهلا وسهلا اخوي الله يسلمك ، أتمنى لعمليتك النجاح وتشوف شعرك مكشكش ، فعلا كلامك صحيح احنا كلنا هني نساعد بعض واذا احد شارك بتجربته سواء فاشلة او ناجحة المفروض نشكره ما نهاجمه ، بالنسبة لماهر تراني نسيت انتقاداته ، اهم شي بالنسبة لي أنزل تجربتي يطلع عليها الجميع ويستفيد منها اللي يبي يستفيد مثل ما أنا إستفدت من تجارب غيري لا أكثر ولا أقل.
السلام عليكم
مبروك اخ دياموند على نجاح العملية واهنيك الصراحة انك ماسويت العملية بطريقة الشريحة والنتيجة ممتازة جدا بس عندي سؤال كثافة الشعر في المنطقة الخلفية هل تتناسب مع المنطقة الامامية ولا في اختلاف
وشكراا
الله يبارك فيك عزيزي ، أي منطقة خلفية تقصد؟ إذا كنت تقصد منطقة التاج فالكثافة أقل بقليل جدا ً من المنطقة الأمامية ، أنا إتفقت معاهم على هذا الشي قبل الزراعة حبيت اعطي قدام اهمية أكبر لأكثر من سبب ،أول شي لان قدام اهم من وراء وهو اللي يحدد شكلك بالكامل ، وثاني شي لاني كنت مخطط أستخدم بروبيشيا للمنطقة الخلفية فقلت أزرعها بنسبة معينة والنسبة الباقية يغطيها بروبيشيا. لاحظ الصورة اللي نزلتها لشعري بالكامل تصوير من الأعلى بتلاحط ان الكثافة أقل شوي
QUOTE=SkoOoN AlGaR7;14901]
الف الف مبروك اخوي نجاح العمليه
من افضل النتائج اللي شفتها بالمنتدى
فرق كبير بين الصور قبل وبعد وهذا يدل ان العمليه كانت ناجحه بنسبه كبيره والكثافه ممتازه
استغرب من اللي يشكك
واعتقد ان الاخوان كانوا ينتظرون نتائج غير واقعيه ويبون الشعر يرجع مثل ماكان ايام الطفولـه وهذا مستحيل
الهدف من الزراعه هو ان يكون المظهر مقبول اجتماعيا ويرتاح الشخص نفسيا
واظن اخوي انك حققت اللي تبي من هالعمليه ومرتاح من النتائج وهذا هو الاهم
اتمنى لك دوام الصحه والعافيه [/QUOTE]
اي اخوي فرق كبير جدا خصوصا عند المقارنة بين الصور ، أقول يبون عملية ترد شعرهم مثل أيام المراهقة ما يصير ، انا الحمدلله مرتاح وعلى أمل يكثف الشعر أكثر مع الخمس شهور الباقية من السنة.
يعطيك العافية أخوي دايموند على التحديث وعلى طولة بالك على البعض .... النتائج حلوة وباذن تصير احلى وبأسألك عن المنطقة المانحة هل تحس فيها فرق الى خففت شعرك ؟؟ او عادي جدا وضعها ..
الله يعافيك يا أخوي ، المنطقة المانحة اذا كان طول شعري أقل من 1 سم يبين إن فيه مناطق أقل كثافة، ما تبين بشكل واضح يعني لكن اللي يدقق يلاحظ ، مجرد يطول عن ال 1 سم مستحيل أحد يقدر يفرق. راح أنزل إن شاء الله صورة للمنطقة المانحة تشوف وتحكم بنفسك.