بسام جباعي وموعد العملية امس

[ramroum]

الحمد لله على السلامة الف مبروووووووك

 

[عزام]

اقتباس:
المشاركة الأصلية كتبت بواسطة ramroum
الحمد لله على السلامة الف مبروووووووك


الله يسلمك اخوي

ويبارك فيييييييك

 

[the_count]

السلام عليكم ،

ها أخوي عزام شخبارك ؟ وشخبار الشعر والقرعة ؟

أنا من البحرين وناوي أسوي العملية عند دكتور بسام حسيت نفسي ارتاحت له وخصوصا بعد تجارب الأعضاء في المنتديات باخذ لي

موعد استشارة وبسافر السعودية ،

ها تشجعني أسويها عنده؟؟؟ ترى أنا تقريبا شعري مثلك يعني بالنص لا زال عندي شعري لكن المقدمة مأساة وفي مؤخرة راسي

بعد قرعني باينة وبمساحة كبيرة عليها شعر صغير وضعيف ما عاد ينمو ويكبر !!!

أخاف أروح له ويقول لي لازم أنتظر يطيح كامل وأنا ما عاد فيني صبر على هالقرعة!!! ما يصير أزرع أماكن الفاضية ألحين وبعدين اذا طاح اللي بالنص أرد أزرعه؟؟

شنو قال لك هو بهالخصوص؟

 

[عزام]

اقتباس:
المشاركة الأصلية كتبت بواسطة the_count
السلام عليكم ،

ها أخوي عزام شخبارك ؟ وشخبار الشعر والقرعة ؟

عليكم السلام ورحمة الله , ابشرك كل شي تمام والامور طيبه واحنا بخير
والقرعه اختفت خلاص ولله الحمد.

أنا من البحرين وناوي أسوي العملية عند دكتور بسام حسيت نفسي ارتاحت له وخصوصا بعد تجارب الأعضاء في المنتديات باخذ لي

موعد استشارة وبسافر السعودية ،

ها تشجعني أسويها عنده؟؟؟ ترى أنا تقريبا شعري مثلك يعني بالنص لا زال عندي شعري لكن المقدمة مأساة وفي مؤخرة راسي

مو هذا الى بيط الجبد الى جدام مافيه ما تقدر تلعب بالشعر تمشطه تنزل قذله عشان تغرى البنات هع, بس انا اقولك الدكتور بسام ممتاز جدا من ناحية الخبرة والمعاملة ويعطيك على الى انت تبيه ولا راح يسوى شي الا وانت مقتنع به بس انا زرعت في المقدمه في المؤخرة الراس فيه عندي شعر وايد ما تبين قرعه .


بعد قرعني باينة وبمساحة كبيرة عليها شعر صغير وضعيف ما عاد ينمو ويكبر !!!

أخاف أروح له ويقول لي لازم أنتظر يطيح كامل وأنا ما عاد فيني صبر على هالقرعة!!! ما يصير أزرع أماكن الفاضية ألحين وبعدين اذا طاح اللي بالنص أرد أزرعه؟؟

شنو قال لك هو بهالخصوص؟



لا تخاف انا اتوقع راح يزرع لك من جدام ومن ورى وبالنص راح يخليه اذذا كان لشعر فيه كثيف ويقولك بالعلاجات راح تقوية وجذي
بس انت روح استشارهـ وراح يعجبك شغله وقولنا الاخبار
وسلامتك حبيبي ,

 

[the_count]

مشكور على الرد اخوي ،

بس جه على بالي سؤال!! ليش ما زرعت شعر أكثر قدام خط المقدمة ، أحس الجوانب ما زرع ليك صاير مثلث ليش؟؟

هل هذا على طلبك؟؟؟ أو الدكتور قال لك ما يصير تزرع هالمنطقة؟؟

أنا أبي أزرع خط المقدمة مثل ما كان قبل لا يطيح شعري يصير لو لا ؟؟؟

 

[يارب تشفيني]

مرحبا الحمدلله على السلامه والف مبروك الشعر الجديد وعقبالنا
بغيت اسال وين العياده بالضبظ ابياسوي موعد انامن قطر

 

[صلعتي سر تألقي]

up





مرحباً اخ عزام ..

اتمنى لك الشفاء العاجل والحصول على قذلة غانمه

عندي نفس التسأول للاخ الي قبلي ..

هل بالأمكان ان أعيد تشكيل مقدمة الرأس كما كانت من قبل ؟

اغلب التجارب السابقه تكون الزراعه من نصف الجبهه .. مادري ايش السبب ؟

بالنسبه لي راح اسوي العمليه في حاله وحده بس .. وهي ان يعود حوالي 80% من شعري السابق

لاني مع الاسف اشوف النتائج ماتشجع .. خصوصاُ انك بتدفع مبلغ كبير ..

 

[عزام]

اقتباس:
المشاركة الأصلية كتبت بواسطة صلعتي سر تألقي
up





مرحباً اخ عزام ..

اتمنى لك الشفاء العاجل والحصول على قذلة غانمه

عندي نفس التسأول للاخ الي قبلي ..

هل بالأمكان ان أعيد تشكيل مقدمة الرأس كما كانت من قبل ؟

اغلب التجارب السابقه تكون الزراعه من نصف الجبهه .. مادري ايش السبب ؟

بالنسبه لي راح اسوي العمليه في حاله وحده بس .. وهي ان يعود حوالي 80% من شعري السابق

لاني مع الاسف اشوف النتائج ماتشجع .. خصوصاُ انك بتدفع مبلغ كبير ..



يا مرحبا , بالنسبه لحالتي انا عندي المنطقه الخفيفه منطقة المقدمه مع خط المقدمه وهذا طبعا الدكتور يشرح لك المنطقه الى تحتاج زراعه والى ما تحتاج

اما بالنسبه لشكل خط لمقدمه طبعا يكون الخط الطبيعي بشكل مثلث غالبا وانا اتذكر وانا في عمري 18 - 17 كان المثلث موجود زي كذا الى زرعته فـ مقتنع بالشكل هذا

اما اذا انت تبغى يكون اكبر من كذا بأمكانك انك تعطي رايك الدكتور وهو راح يسوي الى تبيه ويعطيك العيوب والشكل ايش راح يصير ,,

بالنسبه للنتايج العملية 80% طبعا يكون على حسب درج الصلع عندك اذا كانت صلعتك بلاطة فـ هذي يبغاله في اعتقادي اكثر من جلسه من 2 - 3 جلسات اما مثل حالتي انا فـ احتاج الى جلسه وحده وتكفيني بأذن الله .

 

[هلابش]

عزام وش لونك الحين ان شاء الله طيب وراضي لحد الآن بالنتيجه وان شاء تكون زي ماتحب واحسن يارب
تحياتي .. ولا تنسى تطمنا

 

[عزام]

الامورة طيبة ولله الحمد ولسة انا الشعر المزروع ما بعد يطيح كامل اتوقع انه بيطول معاي لاني اشوفه للحين كثير الشعر ما طاح واجد

وتوني امس محلق شعر وطبعا لسه الندبة الى بالخلف امبينه انتبه لها الحلاق وصرفتها قلت له هذا حادث وجتني ضربه هع الله يكفينا الشر

وانشالله الاخبار اول بأول في موضوعي هذا .

 

[the_count]

بعده ما وصل شهر من سويت العملية ، يقولون الشعر يطيح كامل مع نهاية الشهر الأول

متردد أنا اسوي العملية لأن ولا نتيجة شفتها طلع الشعر كثيف كله يطلع خفيف !!

 

[عزام]

حاليا انا صار لي شهر واربع ايام تقريبا والشعر المزوع تساقط ما بقى الا شوي منة

وفي انتظار النتايج ..

 

[هدى-]

الحمدالله على سلامتك اخ عزام بس بكم تكاليف العمليه

 

[murdhi]

السلام عليكم

كسف الحال اخوي عزام والحمد لله على السلامة .....

عندي سوال يحوس بقلبي وابي جواب ياعزام الحين سويت العملية يوم الاربعاء وعندي دوام يوم الاحد اوكي طيب داومت اقدر اغطي راسي بكاب مثلا لانه راح يبين انه مزروع او بالنسبة للشماغ ابي افادة الله لا يهينك


وشكرا

 

[عزام]

اقتباس:
المشاركة الأصلية كتبت بواسطة هدى-
الحمدالله على سلامتك اخ عزام بس بكم تكاليف العمليه


تكاليف الزراعة 14600 ريال سعودي

 

[عزام]

اقتباس:
المشاركة الأصلية كتبت بواسطة murdhi
السلام عليكم

كسف الحال اخوي عزام والحمد لله على السلامة .....

عندي سوال يحوس بقلبي وابي جواب ياعزام الحين سويت العملية يوم الاربعاء وعندي دوام يوم الاحد اوكي طيب داومت اقدر اغطي راسي بكاب مثلا لانه راح يبين انه مزروع او بالنسبة للشماغ ابي افادة الله لا يهينك


وشكرا



ايووة تقدر تلبس كاب او شماغ ,, هو انا وقت ما خلصنا من الزراعه وانا في العياده الدكتور كان بيلبسني الكاب من عندهـ تبع العيادة

بس انا جاي بكاب متجهز . فـ اتوقع امورك اوكي وكل شي تمام

وبالتوفيق بس قولنا شنو حالتك كم الصلع عندك ورحت استشارة ,,, ألخ .

 

[حاتم]

الف الحمد الله على سلامتك عزام
وان شاء الله تشوف كل اللي يسرك ويرضيك ...

 

[خالد التويجري]

ماشاء الله تبارك الله توكل على اللله الف مبروك على نجاح العملية

 

[زمـن بـكـانـي]

الله يوفقك بالشعر اللي تتمناهـ

بس سؤال قاهرني اتمنا احصل له جواب

بعد الزراعه أقدر احلق الشعر كامل يعني المزروع والغير مزروع يعني بخلي الراس كله على صفر ؟؟؟

لأنه صعبه ابجلس 3 شهور على مايطلع الشعر ومن الامام مافيه شي ومن الجوانب والخلف فيه شعر

واذا أقدر احلق الراس كامل متى اقدر احلق بعد الزراعه بكم يوووم

ارجو الافادهـ عاااجل

 

[عزام]

اقتباس:
المشاركة الأصلية كتبت بواسطة زمـن بـكـانـي
الله يوفقك بالشعر اللي تتمناهـ

بس سؤال قاهرني اتمنا احصل له جواب

بعد الزراعه أقدر احلق الشعر كامل يعني المزروع والغير مزروع يعني بخلي الراس كله على صفر ؟؟؟

لأنه صعبه ابجلس 3 شهور على مايطلع الشعر ومن الامام مافيه شي ومن الجوانب والخلف فيه شعر

واذا أقدر احلق الراس كامل متى اقدر احلق بعد الزراعه بكم يوووم

ارجو الافادهـ عاااجل



يا مرحبا

اول حاجة بعد الزراعه بشهرين راح يتساقط الشعر المزروع وتقدر انك تحلقه على الصفر بسسسس

ما انصحك لان الندبة الى ورا راح تكون واضحه فـ انت اصبر مشي حالك بكاب او طاقيه وشماغ الين ما ترتاح مرة وحدة

وتقدر تحلقه بعد 3 شهر تكون الندبه اختفت كليآ