بالصوره نتائج بخاخ هيرجرو وحبوب بروسكار بالداخل

[متحمسه]

ماشاء الله عليك
الله يزيدك وينفع بك
انت شخص مثابر وتحب تستمر ع مابديت فيه ولقيت نتيجه تستاهلها
بالتوفيق والله يسعدك

 

[مبهووور]

اخوي احمد الله يرحم والديك عندي طلبين
الحين صار على موضوعك سنة وانا توني أشوف الموضوع بالصدفة في بحثي في النت،،،
الطلب الأول رحم الله والديك: شنهو تنصحني فيه بالضبط؟؟
الطلب الثاني الله يجزاك الجنه: ممكن ترفع الصور مره ثانيه لانها ماتطلع؟؟؟
سؤال اخوي ماعليك امر: ماحسيت اي مشكله في الجنس أو اي ضعف او اي اعراض جانبية؟؟
الله يجزاك كل الخير في الدنيا والاخره انشاء الله تعالى.

 

[movado]

اتمنى من الاخ احمد اعادة تحميل الصور او الاخوه القائمين بالمنتدى ....واله شوقتني شوف النتائج

 

[a7m1d7]

والله يا اخواني للأسف الصور ماهي متوفره عندي ولكن اتمنى من ادارة الموقع اذا كان لديهم الإمكانية بإستعادتها اتمنى انهم يفعلون ذلك لأن الصور كانت موجوده قبل تحديث الموقع وبعد تحديثه اختفت الصور من الموضوع
وبالنسبه لشنو انصحك اخوي مبهور والله ماني عارف ايش عندك بالضبط هل انت عندك صلع او ضعف في منطقه معينه او تساقط فقط اتمنى توضحلي شنو عندك بالضبط وشكرا للجميع

 

[ماجد محمد]

اقتباس:
المشاركة الأصلية كتبت بواسطة a7m1d7
والله يا اخواني للأسف الصور ماهي متوفره عندي ولكن اتمنى من ادارة الموقع اذا كان لديهم الإمكانية بإستعادتها اتمنى انهم يفعلون ذلك لأن الصور كانت موجوده قبل تحديث الموقع وبعد تحديثه اختفت الصور من الموضوع
وبالنسبه لشنو انصحك اخوي مبهور والله ماني عارف ايش عندك بالضبط هل انت عندك صلع او ضعف في منطقه معينه او تساقط فقط اتمنى توضحلي شنو عندك بالضبط وشكرا للجميع



لاعلاقة لتحديث الموقع بعدم ظهور الصور
للاسف الصور كانت مرفوعه من مركز تحميل خارجي www.r9rr.com وهذا الموقع لم يعد له وجود
لهذا ننصح برفع الصور من مركز التحميل الخاص بالمنتدى لضمان عدم فقدانها

 

[مبهووور]

تلاحظ ان الوسط فيه شعر لكنه شعر ماتشوفه الا بصعوبه لانه صغير وخفيف جدا بس هو موجود في كامل الراس
اخوي ارجوك لاتنسى تخبرني تأثيره على الجنس جزاك الله خير
واذا عندك صوره الحين لو ترفعها (إذا ماعليك كلافه) اكون شاكر
الله يجزاك خير دنيا واخره

 

[سبرايت]

نتائج رائعه الله يهنيك ويزيدك

لكن انا عندي مشكله ومقلقتني ياليت اح يجاوبني
انا بنت وعندي صلع وراثي.
خفيف جداا الحمد الله لكن من عشر سنوات وانا اعالج فيه لكن مره دخلت على منتداكم الرائع واعجبني كثير وقررت اسوي زراعه وارتاح اخذت موعد ورحت لا كن الدكتور قال حالتك ما تحتاج زراعه ووصف لي بخاخ افوجين 2% وفيتامين وحبوب بروبيشيا وقال تستمرين عليها ثلاث اشهر بعدين نشوف النتيجه

الزبده يأهل الخير اللي مقلقني حبوب بروبيشيا انه مكتوب بالنشره الدواء لا يستعمل للسيدات أو الأطفال.


ممكن احد يطمني اويوجهني وش تنصحوني فيه

 

[مبهووور]

بانتظار ردك اخوي احمد جزاك الله خير...

 

[a7m1d7]

اخوي مبهور والله انصحك بالزراعه اتمنى ماتتحطم من كلامي لكن صدقني انسب حل لك هي الزراع مدام عندك صلع
والله يوفقك


وبالنسبه للأخت سبرايت لا اعلم هل البروبيشيا راح تفيدك ولا لا لكن مدام الدكتور وصاكي عليها خلاص اتبعي نصايح الدكتور والله يعينك

 

[مبهووور]

اخوي احمد والله حبطتني بعد ماكان رجع لي الامل
بس تراني مو بالضبط نفس الصورة لانك تلاحظ اللي في الصورة مافيه شعر في الوسط بالمرة لكن انا فيه شعر بس صغير وضعيف بالمره يعني لو شفته من بعيد تقول مافيه شي بس لو تقرب وايد تشوفه،،
انت استفدت ولا لأ؟؟
ارجوك قبل لاترد فكر زين رحم الله والديك
واذا ممكن ترد عن باقي استفساري على الخاص طول الله عمرك
بانتظارك الله يريح بالك دنيا وآخره يارب.
شوف اخوي صورة تقريبا طبق الاصل مني بس والله اني احسن شوي لان مثل ماقلت لك فيه شعر في كل الرأس بس صغار جدا
http://store.a7lashe.com/upfile/images/50c344ccbc9.jpg

 

[سبرايت]

وبالنسبه للأخت سبرايت لا اعلم هل البروبيشيا راح تفيدك ولا لا لكن مدام الدكتور وصاكي عليها خلاص اتبعي نصايح الدكتور والله يعينك[/quote]



اشكرك اخوي شكر جزيل وجعله بمزان حسناتك رايك سديد الدكتور هواللي وصاني عليها والله يعني ويفرحناء بالنتائج المرضيه والمسلمين اجمعين

 

[مبهووور]

وينك ياخوي احمد رحم الله والديك
آنه محترق انتظر ردك على ناااااااارررررررر
عسى المانع خير انشالله

 

[a7m1d7]

اخوي مبهوووور انا ارسلت لك على الخاص ولكن ماهي مشكله راح اذكر لك ايش كتبت لك على الخاص
انا ذكرت ان افضل حل لك هو الزراعه لكن توجد ادويه قد تعطيك من 15 % الى 30% من كثافه ونمو للشعر حيث اتوقع بالنسبه لك ان افضل مستحضر مناسب لك هو المنيوكسيديل 5% مع حبوب البروسكار ويجب الإستمرار عليها لمدة سنه كامله وبإنتظام
طبعا حبوب البروسكار تشتريها من الصيدليه بقوة 5ملجم وتكسر الحبه إلى اربعه اقسام وتستخدم كل يوم قطعه
وبالنسبه لبخاخ منيوكسيديل 5% تستخدمه مرتين في اليوم وافضل وقت للبخ هو الساعه 6 صباحا وفي المساء الساعه 9
ولكن انت اختار الوقت المناسب لك
وتقبل تحياتي

 

[مبهووور]

تسلم اخوي على الرد جزاك الله خير
بس اخوي ممكن سؤال؟
انت بعد سنة من الاستخدام جاب لك بس 30% بس؟؟؟
سامحني على الازعاج اخوي احمد
جزاك الله خير ويعطيك العافية يارب

 

[a7m1d7]

لا اخوي مبهور انا اسمريت عليها لمدة شهرين فقط وجابت نتيجه بنسبة تقريبا 10 % ولكن انا اقصد بالنسبه لحالتك انت قد تعطيك نتيجه بنسبة 30 %
وبالعكس تحت امرك انا في اي وقت

 

[مبهووور]

تسلم اخوي احمد بس ممكن تقول لنا ليش تركتها بعد شهرين؟؟
النتيجة كانت حلوه معاك ليش وقفت؟؟
واذا تكرمت أنا ارسلت لك استفسار على الخاص ممكن تجاوب عليه؟؟
معليش احمد استحملنا شوي تراك املنا من بعد الله سبحانه.

 

[a7m1d7]

حياك اخوي مبهور انا تركتها لظروف دراستي لاحظت ان البخاخ يأثر على التركيز بشكل ملحوظ وسبب لي غشاوة في العين يعني صار نظري مره ضعيف ورصرت احس دايم اني كسلان ومالي نفس في المذاكره بسبب الخمول ولذلك تركتها وفضلت استخدم اثمدين وكان ممتاز جدا ولكن الآن انا رجعت للبخاخ وحبوب بروسكار وبستمر عليها اربعة اشهر متواصله بإذن الله

 

[مبهووور]

تسلم اخوي احمد
الله يوفقك ويوفقنا جميعا يارب

 

[تركي]

هـلا اخوي احمـد ,, حـبيت استفسر مـنك

بأي عـمر بدا معك الصـلع او بالأصـح التسـاقط .. وكـم جـلسـت فتـره مـن بدايـة التـساقط عـندك لآستخـدامك للعـلاج ؟
يعني بديت بالعـلاج مبـاشره .. ولا اخـذت وقـت , ولـو اخذت وقـت يـاليت تفـيدنـا بالمـده ؟


ولك مني جزيل الشكـر ,, والله يرزقك ويرزقنـا بالشعر الكثيف

 

[محمد الشمري]

ماشاء الله عليك الله لايضرك

بس عندي استفسار انا عمري 22 وبدأ فيني الصلع الوراثي

بمقدمة الرأس وحتى فروة الرأس صارت واضحه مع العلم ان شعري كثيف وعندي تساقط

يعني اقدر الخص كلامي تو بدأ الشعر يتساقط

وكل ما اروح لدكتور يسكرها بوجهي يقول استنى لما يطيح الشعر وازرع


ما ادري هل البخاخ >> هير قرو ينفع معاي ؟؟ وكيف طريقة استخدامه ؟؟؟