باكستان ، و تنسيق الرحلة الجماعية / مواضيع مدمجة ، يمنع فتح موضوع مستقل .

[الاصلع الكبير]

المفروض نسوي حزب باسم حزب الصلعان الديمقراطي

ياخي لازم يقدرون وضعنا ويرخصون لنا لان الدكتور ماراح يخسر عليك شي

الي يعرف دكتور غيره يعلمنا . اذا بقى بباكستان انا بروح بس بعد الاختبارات النصفية يعني بعد ثلاثة اشهر

 

[Mit3eb]

السلام عليكم ,,

يا شباب وش الجديد في الموضوع ؟

رحتو وخليتوني

 

[خالد بن محمد]

احسبوني معكم والا عطوني ايميل الدكتور و رقمة

 

[شعري ثروتي]

أخ محمد وش رايك نروح سوا انا من الكويت

 

[خالد بن محمد]

الاخ (( شعري ثروتي )) انا ودي والله اروح بس متردد .. لاني ماعرف انجليزي (( ميح ))
واخاف اروح واتبهذل ان كان لغتك الانجليزيه ممتازه وناوي تروح من جد راسلني على الخاص
لأني ابي احد بس يدفني واروح معه ..​

 

[شعري ثروتي]

والله اني أطقطق وترا راسلت الدكتور وعطاني الجواب بس ابغي الشباب يعلقون عليه شوفه في موضوع جديد

 

[Mit3eb]

يا شباب بخصوص اللغه ازهلوها <<< انقلش تيتشر

لكن انا مخطط بأجازة الربيع من قال تم ؟

 

[عبدالله30]

شباب انا معكم شكلي بروح انا مسوي اربع عمليات بطريقة الشريحة في تركيا وانا للاسف مساحة الصلع كبيرة لذلك ماوصلت للكثافة المطلوبة حتى الان ولوادري عن الباكستاني كان رحت له من زمان احس اني ضيعت فلوسي ولاادري بس هذا شيء قضاء وقدر انا عندي الحين منطقة التاج في مؤخرة الرأس بقى فيها صلع والدكتور اللي في تركيا قال لي خلاص المنطقة المتبرعة خلصت انتهت ورحت للدكتور احمد االتركي قال لي في امل نسوي لك عملية خامسة بالشريحة وانا الحين متحير ابي استشير دكتور عنده امانة يقدر يقيم لي المنطقة المتبرعة هل تصلح لاجراء عملية خامسة او فيها مضاعفات لان الدكتور احمد بس لمسها باليد ولا كشف عليها بكمبيوتر واخر عملية سويتها قبل سبع شهور الدكتور احمد على طول قال لي التكلفة 14 الف لحوالي الف جرافت فقط سلالالالا مات !!!

شرايكم اروح معكم او تشيرون علي شيء ثاني انتظر تجاوبكم

 

[yourssa]

ألأخوه ألأعزاء

السلام عليكم ورحمة الله وبراكاته

أنا أن شاء الله وكتب لنا عمر رايح نهاية الشهر الميلادي وإذا فيه احد وده يخاويني أبرك الساعات ويمكن ها السفره تكسبني اللي أهم من المال ومن الشعر خوة طيب كاتبها رب العالمينز

هذا إيميلي للي يبي يخاوي ولا يستفسر

والله يكتب اللي فيه الخير

yourssa@yahoo.com

 

[عبدالله30]

اخوي yourssa انت بتروح مجرد استشار ة وبترجع او معزم خلاص وعندك موعد مع الدكتور عشان تزرع عنده .. صراحة انا ودي اروح اخذا استشارة عنده بس الخوفة اذا رحت عشان تزرع وبعدين ما تقتنع من كلام الدكتور وما تقتنع من النتائج اللي بتصير بعد المحاورة مع الدكتور

 

[yourssa]

أخي العزيز أنا أن شاء الله وكتب لنا عمر رايح أزرع وأرجع اذا الله أحيانا أعطيكم التفاصيل وأخذ عموله على كل واحد يروح بعدي 100 شعره أنا اللي أختارها

 

[عبدالله30]

انت راسلت الدكتور من قبل وقال لك انت اي درجة من الصلع وكم جرافت بيزرع لك والتكلفة

 

[yourssa]

هلا وغلا أخوي عبدالله جمعه مباركه علينا وعليك وعلى جميع المسلمين

أنا كلمتهم وأرسلت لهم صور المحروسه وقالو أحتاج 5000 قرافت يعني لازم مرحلتين وإذا ودك تخاويني مرحبا ومسهلا وأن كا عندك أسئله وما تقدر تروح تامر أمر إذا رحت لهم بأذن الله كلمتك وشرحت لك كل اللي تبيه

ها لحين الله يعيني على إستخراج الفيزا لأني من الخبر وهم يقولون لازم موافقه وزارة الداخليه حسبي الله على من أضر بالمسلمين

شكر جزيلا على القائمين على المنتدى وجزاهم الله ألف خير

 

[عبدالله30]

اخوي مشكور ما قصرت والله يعطيك العافية ،، في لك رسالة خاصة في بريدك الخاص وفي ايميلك اتمنى تطلع عليها ولك مني اجمل تحية

 

[عبدالله علي]

موضوع عن الزراعه في باكستان

بسم الله الرحمن الرحيم

حقيقة انا بحثت وبعد فترة ليست بسيطة حبيت ألخص لكم ما توصلت له من نتايج

انا مقدر اتحمل تكاليف الزراعه بالسعوديه واخاف من الزراعه في ايران

وافكر اروح باكستان

خاطبت سكرتير الدكتور الباكستاني

وأخذت منه كل التفاصيل

طبعا اهم شي الاسعار وهي اللي خلتنا نروح باكستان

اسعار الزراعه FUT
=2.63 ريال لكل قرافتس (( ريالين وثلاثة وستون هلله ))


اسعار الزراعه FUE
=8.5 ريال لكل قرافتس (( ثمانية ريال ونص ))

طبعا اسعار التذاكر ارخص شي الخطوط الجويه السعوديه << أول مره تصير هي الارخص

تقريبا من 1400 الي 2000 ذهاب وعوده

الاقامه + الاكل + الانتقال من المستشفى والي السكن والعكس في منزل خاص رخيصه جدا بالتنسيق مع السكرتير

لا تتجاوزن 200 ريال يوميا

الدكتور لدية C.V رهيب صراحه

انا كلمتهم وقررت ازرع 2000 وحدد لي السعر من 1400$ الي 1600$ السعر بالدولار السعر شامل اقامة 2 يوم وتنقل من السكن الي المستشفى والعكس
يعني 6000 ريال سعودي + 1500 طيران = 7500

يعني اقل تكلفة لزراعه هي 7500 غير المصروفات النثريه بالسفر

اتمنى اذا فيه احد سبق وراح باكستان يفيدني او زرع في باكستاني

علم بأن محل الدكتور في اسلام اباد

وهذا رابط الدكتور

http://www.hti.com.pk/

اتمنى المشاركه واضافه الفائده لاني ناوي باكستان صراحه ​

 

[ماجد محمد]

https://www.hairarab.com/vb/showthread.php?t=146&highlight=%C7%E1%DB%C7%D2%ED



https://www.hairarab.com/vb/showthread.php?t=302&highlight=%C7%E1%DB%C7%D2%ED

 

[عبدالله علي]

شكرا لك حبيبي على الرد فتحت الروابط وقريتها كامله بس المشكله الشباب سكتت بدون اي سبب!

مدري تواصلو عبر ايميلاتهم

ما ادري


اقدر احط رقم جوالي في المنتدى ولا يحسبوني اغاازل !!

والله اني صامل بروح باكستان وابي خوي يشد ازري واشركه في امري

ابي نطلع قروب من الرياض او اي الدمام او جده على حسب الترتيباات



انا من الرياض 27 سنه

اذا مسموح رقم الجوال يالمشرف خلني احط رقمي لاني تعبت من متابعت النت حت شعري من الوسوسة والتفكير

 

[عبدالله علي]

شبــاب رحتو ولا لا !!

ابي اروح معكم لا تخلوني

 

[ماجد محمد]

لمصلحة الجميع
يمنع وضع وسائل الاتصال الخاصه
ايميلات ارقام ..الخ
وبامكانك استخدام الرسائل الخاصه
او اذا العضو في ملفه الشخصي مفعل المراسله عن طريق الايميل
بامكانك مراسلته

 

[عبدالله علي]

شباب اللي عنده النيه في السفر الي باكستان خلال الفترة القادمة ياليت يراسلني
على ايميلي او على الخاص في المنتدى
انا بأذن الله رايح رايح الله لا يعوووق بشر