الله يوفقني في زراعة شعري

[le homme]

الاخ لندن الحمدلله عالسلامه
اهم الشي الراحه واتباع نصايح الطبيب
عشان تجيب نتيجه جيده
وبالتوفيق يارب

 

[le homme]

الشيخ عبدالله اهم شي سلامتك وبعدين حسب تجارب الاخوه الاعضاء انه بعض
القرافت ماتبين بعد الزراعه تكون تحت الجلد ماعليك اهم شي انتبه من الاعراض
الجانبيه الصداع وانتفاخ منطقة الزراعه وغيرها والله يوفقك ويجيرك
متابعين الموضوع بقوه

 

[الله كريم]

الحمدلله ع السلامه


عقـبال ماتلفـح بشعرك ونطب عليك



- ورينــا اول بأول

 

[عمار العتيبي]

موفق يا عبدالله

وننتظر تجربتك

 

[جواد الليل]

الحمد لله على السلامة
وإنشاء الله تكون النتائج طيبة ومرضية لك

دمتم بخير​

 

[يآرب حقق مرآدي]

ماشاء الله
ان شاء الله تكون مرتاح وهذا اهم شي
والف مليون مبروك وعقبال النتائج الحلوه يارب الي ترضيك وتسعدك
والله يعطيك العافيه ماااقصرت

 

[المصدر الاول]

عبدالله
بشرنا وش أخر التطورات وفي أنتظار باقي التفاصيل كم السعر كم عدد القرافت هل واجهتك أي مشاكل أثناء وبعد العملية من أنتفاخ وصداع وأنطباعك المبدئي عن التجربة فالجميع باأنتظارك.

و الأخ london
حمدلله على سلامتك ومبروك نجاح العملية وفي أنتظار باقي التفاصيل

​

والصور أذا أمكن لتعم الفائدة الجميع.

 

[الأصلع]

الله يكتبلك النجاح
بس اتمنى انك توعدنا انك تستمر معنا بالمنتدى
وتورينا النتائج بعد 6 شهور وسنه اذا ربي اعطانا عمر
لاني بصراحه نفس مستوى الصلع عندك وودي اسوي عملية بالاقتطاف

 

[عبدالله علي]

اشكركم كلكم صراحه

كل شخص تحمد لي بالسلامه وكل شخص قرا موضوعي ودعاء لي في ظهر الغيب

اشكر كم اشكركم اشكركم من قلبي

والله يقدرني واقدم شي يفيدكم

اليوم تميت 11 يوم بعد العمليه وعندي مراجعه مع الدكتور

وحقيقة فيه اشياء ما كشفتها لاني مابي استعجل لين اسمع كلام الدكتور


لكن اللي اعرفه اني زرعت فقط 500 قرفت وباقي لي 1500

والمشكله ما دريت الا بعد ما انتهت العمليه وسافر الدكتور ثاني يوم وهذا شي قهرني حقيقة و خلاني متنرفز

لكن انا بشووف اليوم وش يقول وبعلمكم بكل التطورات وبصور لكم صور جديده بعد مرور اسبوعين من العمليه << حسيت اني عارض ازياء


لكن يشهد الله اني مستحيل اتركم لين اوصل لنتيجه النهائية لشعري

ابي الكل يستفيد لني مريت باللي تمرون به وحسيت باللي تحسون به ويشهد الله مابي احد مسلم يتضايق ويشيل هم
وعسى الله يقدرني وافيدكم واختصر عليكم اشياء كثيرة

انا فرحت يوم لقيت هذا المنتدى وان شاء الله الكل يستفيد


اسف على الاطاله ولكن للحديث بقية ...


اخوكـ اللي يحبكم عبدالله​

 

[AAZ]

الله يوفقك وننتظر نتيجة مراجعتك اادكتور

وبصراحة الوقت اللي اخذ له ليجري لك العملية قصير جداً ويدعو للشك بس الحياة تجارب

 

[المصدر الاول]

عبدالله ياليت نعرف أنطباعك عن الأيام الماضية وفي أنتظار الصورة وباقي التقاصيل عند المراجعة​

 

[yaser]

الله يسرلك امورك .. بشرنا باخر التطورات

 

[seven]

انا متابع لك اخوي واحيك على روحك العالية بانتظار النتائج

 

[le homme]

salam alaikum
waiting for you
good luck 4 all

 

[عبدالله علي]

شكرا لكل من تابع حالتي وسأل عني

اليوم تميت 12 يوم

والحمد الله الامور كلها تمام

اما انطباعي عن العملية اقدر اقوول هي ماهي عمليه هي اقرب ما تكون مثل مراجعت طبيب اسنان

بنج لازم تحس بألم غير البنج ما فيه ألم يذكر مجرد غزة الابره هو اللي يوجع شوي


المنطقة المانحه حاليا محد يقدر يشووف فيها شي الا اللي معه مكبره

المنطقة الاماميه باقي قشور خفيفه والشعر الحمد الله طلع

وبعد مراجعتي لدكتور كنت معصب منه حقيقه ومتنرفز ودار بيني وبينه

حوار طويل

اكتشفت اني ما احتاج 2000 بصيله

احتاج قرابة 1200 بصيله

هو زرع فقط 500 بصيله وقال لي تبي ازرع لك الباقي الحين روح حدد موعد وراح ازرع لك الفراغات الموجوده

لكن << الكلام لدكتور ((انا انصحك تنتظر من خمس الي سته شهور لين الشعر المزروع يكون طلع كله ونشووف المناطق الفارغه ونعبيها لك ))

طبعا كل هذا داخل في تكلفة العمليه الاولى

انا عن نفسي والله مدري هو انا ملعوب علي ولا الدكتور كان ناصح لي

انا بنتظر 5 شهور وبشووف نتايج ال 500 قرفت اللي زرعهم اذا ما عجبني الوضع راح يكون لي كلام
ثااني

حقيقة اني محتار ولكن مقدر اتهور خصوصا ان راسي بين يدين الدكتور

اللي عنده نصيحه ينصحني

وشكرا لكم
​

 

[AAZ]

عبد الله : ايش معنى الكل يسوي 1500 و 2000 والدكتور سوى لك 500؟!

يبي لك تحتاط اعتقد ان الموضوع غير طبيعي ولا سمعنا باحد عمل عملية بهذا العدد

انصحك تاخذ منهم ورقة او اي وصل يقول ان لك عملية ثانية بعدد معين وبوقت معين بدل الكلام الشفهي

والله يوفقك

 

[عبدالله علي]

هذا من فضل الله انا ما عندي صلع واضح

والدكتور كان يحاول اني ما ازرع ابدا

لكن انا اصريت

وشوف صوري قبل الزراعه كل المشكله عندي صنادح فقط في الناصيه


الوقت المشتغرق كله 3ساعات ونصف وخلالها طلعت بريك صلاة المغرب وتمغطت لي قرابة ربع ساعه


اتوقع السبب ان ما فيه منطقة فاضيه تعطي الدكتور مجال يزرع اكثر من كذا لو في منطقة فاضيه اتوقع كان زرعها

وشكرا لحرصك

وسالفة ورقه واثبات ما اتوقع لان الدكتور يبحث عن السمعه حاليا ويبي يسوق لنفسه وراح يبعد عن اللعب واللف والدوران

وهو عارف اني مسجل في المنتدى وعارف ان فيه ناس كثيره تناظر تجربتي

يعني مستحيل يلعب على حساب سمعته

 

[yaser]

اجل تنصحنا نروح عنده

 

[عبدالله علي]

اجل تنصحنا نروح عنده

صراحه ايه

خصوصا العيال اما البنات شي ثاني

لان سياسه الدكتور الزراعه على مراحل هذا اللي اشوفه انا

صعبه البنت كل فترة وفترة تقرع

اما العيال عاادي


واي واحد يروح لدكتور انصحه عشان يضمن حقه يحدد عد البصيلات المزروعه في الفاتوره

عشان يرتاح باله

انا ما حسيت بأي لعب والدكتور وعد لي يزرع لي لين تخلص ال 2000 بصيله بس انا موسوس صراحه


والله يوفق الجميع​

​

 

[جديد]

طيب لو سمحت ماهو اكبر عدد ممكن يزرعه لي الدكتور مره وحدة أو خلال ثلاثة ايام مثلا؟
وهل من الضروري ان احلق رأسي قبل العملية لان ماودي احلق بصراحة؟
ربي يوفقك
وعندي استفسارات اتمنى توضحها لي