السلام عليكم
يا جماعه طولوا بالكم على أطبائنا انا توني ياي من حوالي أسبوعين من عيادة الدكتور عادل قطينه
للأمانه ما حصلته كان مسافر ودخلت على الدكتور صلاح مصري بس خوش ولد ..
وضح لي الحكايه من طأطأ لي سلام عليكم ..
انا شايفه مو غالي أبدا .. والدليل اني في بداية المرحله السادسه يعني فوق مو مدرج طيران الا مدارج ميناء
الريال قال يا عمي المنطقه المانحه عندك ممتازه والشعر سميك يعني زين للزراعه قولو ما شاء الله ترى هذا اللي حيلتي هههه ..
المهم قال انا ما ابي أجر كل المنطقه المانحه وأسكر فوق وتخسر اللي ورى .. !
انا ابي ازرع لك 2000 شعره وليس قرافت .. بس 2000 شعره عالأقل أرسم لك خط امامي ..
ومنها أحافظ على المنطقه المانحه علشان بعد 9 شهور تييني ونقفل بعدها منطقة التاج وتكون المنطقه المانحه كويسه
وأبي منك تييني كل شهر عشان ناخذ منك دم وهذي الطريقه تسمى تقنية بلازما ..
طيلة ال 9 شهور ليششش ناخذ منك دم كل شهر ؟؟
علشان نزرع عندنا بالمختبر شعر من دمك على ما تمر ال 9 شهور الا عندنا لك شعر ناطر جنابك بالوكاله ..
قلت طيب جم تكلفة ال 2000 شعره يا سي صلاح .. ؟
قال 1400 دينار والدكتور عادل منزل على القيمه بالحيل ..
وكل شهر ناخذ منك دم بقيمة 80 دينار لمدة 9 شهور ..
نيي نحسبها هنيه ..
1400 دينار 2000 شعره ترسم لك خط امامي حسب كلامه كبر حجم الكف اذا بتسلم على احد يعني راحة اليد ..
يبقى منطقة التاج .. نزرعها لك بعد 9 شهور الى سنه حسب قوله ..
نيي للدم شنو 80 دينار على كل بداية نزول معاشك المصون .. ؟
هذا شعر مو لعب يهال يعني يستاهل انك تتعب عليه ..
انا شايف صراحه 1400 دينار وبديرتك و 2000 شعره معقوله ماهي أعجاز .. وبعدين الدكتور نتائجه ممتازه
شوفو موضوع الأخ تركي عامل عند عادل قطينه بس على أيام الأخ تركي اكيد كانت الأسعار نار لأنها بالبدايه ..
نيي للنصيحه للأخوان والأخوات اللي بالكويت واللي غير الكويت ..
أنتظروووو تقنية hst .. هذي التقنيه جدا رهيبه وهي ماهي بعيده يبيلها تقريبا سنه أو أقل وراح تيي الخليج كله
ما راح أتكلم عن التقنيه هذي لأن الأخوان بالمنتدى ما قصروا في تفصيلها ..
هذا كل المراد من أسألتكم كلها ..
ولكم تحياتي ..