الحمد لله تمت زراعة شعري في cever إسطنبول

[عسى الله يزينها]

الحمدلله على سلامتك
وعقبال الشوشة ما تطلع وتكتمل يارب
وأنا متواصل مع المنسق ومتفق معاه أنا وأخوي بمنصف أغسطس

الله يسلمك اخوي وبالتوفيق عقبال ماتسوي العملية وترتاح .

 

[عسى الله يزينها]

الحمدلله على السلامة
والله يتمم عليك وتشوف النتايج اللي ترضيك

الله يسلمك اخوي مشكوووووور لاهنت .

 

[عسى الله يزينها]

الحمد لله على سلامتك والف مبروك الزراعة وياليت اخوي رقم المنسق او رقمك أتواصل معك وتفيدني اكثر

الله يسلمك اخوي والارقام بتجيك ع الخاص .

 

[عسى الله يزينها]

حمدلله على سلامتك .
أرجو ان ترسل لي رقم ابراهيم المنسق "على الخاص "
تحياتي لك وبالتوفيق .

الله يسلمك اخوي والرقم برسله لك ع الخاص .

 

[عسى الله يزينها]

مبروك وعقبال النتائج الحلوه بس ممكن اعرف بكم التكلفة بالكامل بالريال
وشكراً ,,,,,,,

الله يبارك فيك يالغالي بالنسبة للمبلغ حق العملية طلع علي بالكامل 8800 ريال سعودي

اذا بالدولار تصير قيمة العملية 2350 بما يعادل 8800
اذا باليورو تصير قيمة العملية 1750 بمايعادل 8600

اتمنى اني افدتك بالتوفيق .

 

[عسى الله يزينها]

الحمدالله على سلامتك و مبروك انشالله
ممكن ترسلي رقم المنسق عالخاص وموفق

الله يبارك فيك اخوي الرقم جاااااك .

 

[عسى الله يزينها]

مبروووووووووك .. وإن شاء الله تطلع النتائج ممتازة ومرضيه .. وحافظ الزارعة خصوصا اول شهرين وحنا معاك بالتحديث المستمر.

الله يبارك فيك اخوي بانوراما الله يسمع منك وبالنسبة للحرص فأنا حريص بما فيه الكفايه وربك يكتب اللي فيه الخير تحياتي لك الف شكر .

 

[عسى الله يزينها]

الحمد لله على سلامتك أخوي والف مبروك العملية ،،

واضح ان الكثافة ما شاء الله عالية جدا في المقدمة ولكن لا أعرف لماذا مستشفى شيفر دائما يعمل (زقزاق) متفرق كثيرا في مقدمة الشعر واعتقد انه يفترض ان يكون متقارب وطبيعي أكثر وقد لاحظت هذا الشيء مع معظم الزارعين لدى المركز ،،
المهم أتمنى لك نتائج رائعة ،،

تحياتي ،،

هلابك اختي وداد الله يسلم عمرك ويبارك فيك كنت حريص ان المقدمة تكون كثافتها عالية مع العلم اني طلبت من المدكتوره تنزلي في الخط شوي بس قالت كذا افضلك لو نزرل زياده ماراح يضبط بيبين باروكه اما الزقزاق اذا كان قصدك الرؤؤس المتقدمة عن خط الزراعة الي تجي اربع او ست هذي مدري والله وش هي هل هي شعر او غيره ماني عارف حتى اذكر سالني واحد قبل يدخل عمليته قلت والله مدري وش هي وعلى قولتك مو اغلبهم الا كلهم اللي زرعوا في شيفر عندهم نفس الحركة .

على كل حال الف شكر لك .

 

[عسى الله يزينها]

موفق ان شاء الله
كيف الاخبار الان

وياك يارب
الحمد لله تمام تجيني حكه في المنطقة المانحه وبعض الاحيان احس راسي مشدود لاكن الامور طيبه .

 

[أصلع ملعلع]

مبروك أخوي الف مبروك
بس ياليت صور قبل الزراعه
أهم شي المحافظه على البصيلات واتباع التعليمات بشده
حتى تتجاوز الشهر الأول وإنشاء الله تشوف النتائج اللي تسرك
ننتظر تحديثاتك معنا
تحياتي

 

[نبض قلم]

بتوفيق ان شاء الله
وش الاخبار معاك الان

 

[Alhussan46]

السلام عليكم
مبروك نجاح العمليه اخوي
ياليت تكرما جوال الاخ ابراهيم المنسق.

 

[عسى الله يزينها]

بتوفيق ان شاء الله
وش الاخبار معاك الان

وياك يالغالي الحمد لله الامور على مايرام .

 

[qadry]

ماشالله تبارك الرحمن الشغل ممتاز انشالله النتائج تكون مرضيه لك الصراحة المستشفى ممتازه والمنسق ابراهيم مية مية خلوق جدا ويحب عمله الله يوفقه ما انسى فضله

 

[نور الدين]

الــف الــف مبـــــــــــروك اخوي والحمد لله على سلامتك ..
ما شاء الله اشوف عدد القرافت ممتاز والتوزيع حلوة والكتافة واضحة في المقدمة ..وبسالك كيف وضع القشور دالحين طاحت ولا لا ..والاهم كيف صارت النفسية ..وكيف كان رد فعل الاهل ونضرتهم للتغييرات الفجائية خاصة انك اول مرة تحلق على الزيرو من سنين طويلة ..ادرى اني تقلت عليك بالاسئلة بس الفضول غلبني هههههه ..
نسيت اقولك كل عام وانت بخيــــــــر وكل سنة وشعرك كدش تمنياتي لك بالتوفيق والتحديتات المستمرة ..

 

[عسى الله يزينها]

الــف الــف مبـــــــــــروك اخوي والحمد لله على سلامتك ..
ما شاء الله اشوف عدد القرافت ممتاز والتوزيع حلوة والكتافة واضحة في المقدمة ..وبسالك كيف وضع القشور دالحين طاحت ولا لا ..والاهم كيف صارت النفسية ..وكيف كان رد فعل الاهل ونضرتهم للتغييرات الفجائية خاصة انك اول مرة تحلق على الزيرو من سنين طويلة ..ادرى اني تقلت عليك بالاسئلة بس الفضول غلبني هههههه ..
نسيت اقولك كل عام وانت بخيــــــــر وكل سنة وشعرك كدش تمنياتي لك بالتوفيق والتحديتات المستمرة ..

ههههههههههه الله يبارك بعمرك ويسلمك يالغالي الحمد لله على كل حال توصو فيني ماقصرو بالنسبة للقشور راحت بنسبة 98 في الميه والنفسيه ابشرك لايعيى عليها الحمد لله بس يجي الشعر تكون النفسيه ولاأحلى بالنسبة للأهل قبل اسوي العملية بشهر قلت لهم شعري هذا لازم احلقه ع الصفر احسن عشان يتجدد الشعر ومن هالكلام اول ماجيتهم كان ردة فعلهم شبه طبيعي طبعا ماسلمت من الاسئله بس قلت لهم علاج وماشابه ومشت الامور ماجا ع بالهم انها زراعه ابد وهذا اللي كنت ابيه وبالعكس يالغالي تمون والله خذ راحتك وكل عام وانت طيب ومن تحب والله يسمع منك يارب تحياتي لك .

 

[عسى الله يزينها]

ياأخوان انا الان لي مايقارب 14 يوم من وقت ماعملت العمليه طبعا يوم العمليه مو محسوب معهم مالبس شي ع راسي اللهم شماغ فقط احطه من دون طاقيه طبعا الشماغ مالسته الا بعد 7 ايام من العملية هل عادي الان البس طاقيه وعقال بحكم ان الدوام قرب وانتو عارفين لانهم قالولي بعد 15 يوم طبيعي تلبس اي شي وش شوركم ياأخوان .

وعلى فكرة حبيت اضيف صور تحديث وصور قديمه للشعر القديم بناء ع طلب احد الاخوان بس عارفت ياليت اللي عنده خلفيه يفيدني مشكورا .

 

[تـركـــي]

عادي ونص ألبس طاقيه وعقال ولكن لازم تكون حذر نوعاً ما

اختار طاقيه واسعه واحرص انك ما تخليها تضغط على المنطقة المزروعه أنت وشطارتك

والعقال حطه حط بدون ضغط يعني عادي

أنا بالنسبة لي أهم نقطة بموضوع لبس الغتره والعقال هو أنك إذا تبي تشيلها تشيلها بشويش

وانتبه لا تخلي شي يجر الغتره وأنت ماشي لأن ممكن تتحرك الطاقيه وتأثر على بصيلاتك

 

[وليد وبس]

تجربه رووعه


ممكن رقم المنسق

 

[عسى الله يزينها]

عادي ونص ألبس طاقيه وعقال ولكن لازم تكون حذر نوعاً ما

اختار طاقيه واسعه واحرص انك ما تخليها تضغط على المنطقة المزروعه أنت وشطارتك

والعقال حطه حط بدون ضغط يعني عادي

أنا بالنسبة لي أهم نقطة بموضوع لبس الغتره والعقال هو أنك إذا تبي تشيلها تشيلها بشويش

وانتبه لا تخلي شي يجر الغتره وأنت ماشي لأن ممكن تتحرك الطاقيه وتأثر على بصيلاتك

هلا اخوي تركي اعجبتني عادي ونص حماااس يارجل بالنسبه للطاقيه هل الافضل الطاقيه اللي تجي مخرقه يعني عشان تهوية الشعر والا اللي مقفله كامل عشان ماتكون تلامس منطقة الزراعه صح سوال ماله داعي بس مشه وعلى طاري البصيلات المنسق يقولي البصيلات تكون ثابته بعد خامس يوم من العملية فما داعي من الخوف ولكن الحذر والحرص احتياط .