انا اخذت موعد الاثنين القادم وارجع يوم الجمعه اللي هو ليلة العيد هل بعد العمليه اقدر البس الشماغ انتو عارفين في السعودية لازم نلبس الشماغ ارجو ان تعطوني رايكم في تاثير ولا لا علما اني اسافر في العيد من جده الى المدينه
مبارك عليك ما تبقي من الشهر
تروح وترجع بالسلامه
اخي العزيز هذا السؤال مطروح من قبل وكانت جوابه من الاخوان بعد ١٠ ايام من الزراعه تقدر تلبس ولكن لازم تكون حريص في لبسها وعدم سحبها
رايي الشخصي لو كنت اجلتها لبعد العيد كان افضل لك لان الوقت ضيق بالنسبة لك والزراعة جديده يعني بتكون ليلة العيد وضعك حذر جدا والكل يعرف ليلة العيد وما فيها من زيارات وسلام وحركة كثيره
لا تخسر بصيلاتك
فمكان التموين لا يمكن يعوض ما فقدته
لا أعتقد أنه قبل أسبوع متواصل من الزراعه انك تغطي راسك
وبعد أسبوع يكون الحذر باللون الأحمر الشديد حتى تتجاوز 15 يوم
وبعدها كل يوم يخف تدريجيا حتى اكتمال الشهر وتكون في أمان أنشاء الله
أجلها لبعد العيد عشان تاخذ راحتك في اتباع التعليمات
ولا تنحرج بموضوع العيد والزيارات والسلام ولا أحد يسلم عليك سلام قوي فرحان بالعيد
وبعضهم مع الأسف يحط يده ورا راسك إذا جا يحب راسك ويحوس الدنيا
إحذر وأجل الموضوع فالوقت غير مناسب
تمنياتي لك بالتوفيق
يابعدي مافيها خوف ولا شي المساله كلها ان الشخص اللي يسوي زراعة محتاج تقريبا عشر ايام يكون مرتاح فيها وخاصة اول ثلاثة يكون الوضع اكثر حذر من ناحية طريقة النوم والحركة اليوميه لكن الكل يعرف ان العيد يكون فيه اشياء استثنائيه في جميع ماذكرت لان اغلبيه الناس او الاهل او الاصدقاء مايحسبون حساب ان الشخص الفلاني مسوي زراعة ويحتاج كذا وكذا عشان كذا الاخوان اتفقوا ان التوقيت غير مناسب لك
لكن لو كنت شخص بتلتزم بكل مايفرض عليك بالحرف الواحد من خلال الارشادات اللي يعطيها الطبيب للمريض بعد الزراعة هنا اقولك ازرع لان من ضمن الارشادات الراحة التامة والابتعاد عن الحركة الكثيره وهذا اعتقد شي مايمكن يكون خلال فتره العيد بالعيد