أسئلة عامة عن أفضل عيادة أو طبيب مواضيع مدمجة / يمنع فتح موضوع مستقل .

[ماجد محمد]

اقتباس:
المشاركة الأصلية كتبت بواسطة بوفهد
السلام عليكم
اخوانى ابى نصيحه للي جربو زراعه الشعر بتركيا انا للعلم صارلى اكثر من اربع سنوات ادور وستفسر من كذا واحد للزراعه وماشفت زراعه اقنعتني كلها عاديه باكستان وايران وجراحه ,,,,

بالنسبه لتركيا اللى قريته فى المنتدي احس انه تجاريه اكثر من اهنها استفاده للشخص بسبب عدد الجلسات على فترات ,,,

للعلم انه كم واحد من الربع زرع شعر بباكستان 6000 شعره بس جراحه على مرحلتين بيومين .

وهذا اللى مخلينى متردد الجراحه ..

بالنسبه لى مستعد ازرع من غير جراحه وتكثيف بس من غير جلسات بعد شهر او شهرين يعنى خلال خمس ايام اكون خالص من عمليه الزرع كامله هل يوجد عياده بتركيا تزرع لى 6000 بجلسه او جلستين
خلال يومين او ثلاث .


ياليت الرد مع مكان العياده او الرقم للاستفسار[

فمان الله ./b]



6000 شعره اغلب المراكز تعملها في العالم العربي او خارجه اذا كانت المنطقه المانحه تسمح
(اعتقد بانك تقصد بصيله وليس شعره )

 

[_ ok _]

هنا تجربه الاخ / unpredictable


https://www.hairarab.com/vb/showthread.php?t=2677


ويتضح انه قام بزرع 5250 بصيله

طبعا هالشي حسب المنطقه المانحه لديك

بامكانك مراسله الاخ / unpredictable ومعرفه كيفيه التواصل مع العياده

 

[المحيط]

سؤال عن أفضل طبيب بدون تحديد ، مواضيع مدمجة / يمنع فتح موضوع مستقل .

سلامو عليكم

حبايبي الصلع واللى توهم زارعين
يسعد ربي مساكم وصباحكم وكل شئ

المهم يارب تكونوا بخير جميعا
الصراحه والله اني دخت وانا اقرا في ذي المواضيع مالقيت لي حل مع مشكلتي المتمثله في صلع في زوايا راسي ومؤخرة الراس
قسم ياالزوايا في المقدمه انها تلق لق .. بريق ولمعان ولا تقول مستخدم فيري
المهم ماعلينا
ابي تدلوني وش اسوي اروح لاي دكتور واي عياده وفي اي مدينه
انا حاليا بالدمام

ربي يسسسعدكم ويخليكم

 

[المحيط]

اعزاااااائي الصلع اعزائي الصليعات << حلوه الصليعات
اتركووووووو النذاله عشانكم زرعتم شعر يعني خلاااص مابتعلمونا والا كيف

هيا يلااا اخلصووو وكبو النذاله والمزح اللى مال امه داعي خخخخخخخخخ
يعني 36 مشاهده بس
وش على بالكم باصور جبهتي وارزها لكم هنا ... مااااااااااافيييييييييييييييييييييييه
اخلصوو ردوا عليه
واالا انا اهدد بأن اكمل مسيرة الصلع ردعا لكم

 

[عبدالله 99]

عليكم السلام

اخي الكريم فيه قسم استشارات فقط اكتب اسم الدكتور او عيادات ادمه وارفق في الموضوع صور

وراح يعطيك معلومات كافيه

بالتوفيق

 

[مساعد العواد]

افضل طبيب لزراعة الشعر .. ومركز علاج ..

أخواني الكرام تحيه طيبه وكل عام وانتم بخير . فى السنه الميلاديه الجديده ..


أريد منكم مساعدتي فى ايجاد طبيب شاااااااااطر ومجرب .. على مستوي الشرق الاوسط .. والعالم كذالك وسمعته بينكم لزراعه الشعر ..



ارجو ان اجد لديكم الاجابه .. تقبلوا تحياتي ..

 

[بنت ناس]

سؤال عن أفضل طبيب بدون تحديد ، مواضيع مدمجة / يمنع فتح مستقل .

السلام عليكم ..

الله يخليكم ..

ويرضى عليكم ...

انا بنت فيني صلع من فوق وتوني 23 سنه .. ابا اسوي زراعة ضروري هالشهر لاني باخذ اجازة يمكن ااخر 12 او اول شهر 1 يعني بعد 3 اسابيع

ممكن تخبروني وين اسوي زراعة .. ماعندي الا اخ واحد ومايعرف هالسوالف ماشاء الله شعره حلو

بلييييز طالبتنكم لا تردوني وخبروني احسن اماكن .. انا بنت وتوني صغيره واهلي قالولي فكري وقرري براحتج بس لو العواقب يت وخيمه انتي بتتعبين مب نحن


اللي يعرف مركز ف دبي ولا تركيا او اي دكتور ف الدول المجاورة معروف عنه زراعته صحيحة و مافيها الم ف الراس طول السنين ..


لو سمحتو وشكرا مقدما

 

[saeedsaud]

اعتقد ان الموضوع حساس جداً بالنسبة للحريم خاصة صغيرات السن
اولا واضح انك عقدت العزم على الزراعة ولكنك لم تذكري هل راجعت اطباء او جربتي ادوية لمعالجة الصلع او عندك مرض قد يكون عمل لك هذا الصلع مثل الصدفية او غيرها
ثانياً لأني مريت وما زلت بهذه التجربة قد تكون اول نصيحة لك بمراجعة اطباء المنطقة اللي انتي حوالينها للفحص والنصيحة
ثالثاً وهنا مطلبك ولو انه متعب قليلا يا ليتك تفتحي تجارب الاعضاء وتقرأيها بدقة وفيها من مختلف الاطباء والمراكز داخل وخارج المملكة وبعدها ستتكون عندك فكرة عن موضوع الزراعة وتبدأي تسألي المجربين وتستمعي لأرائهم

اعرف اننا كلنا نريد الجواب السريع اذهب الى المكان الفلاني وستكون النتيجة ممتازة ولكن ليس هذا الواقع لابد ان يقرر الشخص بنفسه بعد الدراسة والتوكل على الله

 

[_ ok _]

اولاُ : لم تحددي مكان اقامتك
ثانياً: الزراعه حل اخير يعني ممكن يجب العلاج نتيجه معك لا تستعجلين بقرار الزراعه قبل زياره طبيب مختص



بالنسبه للمراكز الاشهر حسب تقارير الاخوه الزملاء
عياده ادمه / العيادات العالميه لزراعه الشعر وكلاهما بالرياض
وماجيك هير / ومستشفى cevre في تركيا

طبعا هناك مراكز عديده

اتمنى لك التوفيق

 

[الأصلع]

اختي طريقة الزراعة للبنت محصورة في طريقة الشريحة لانه ما يتم فيها حلق الشعر
اما طريقة الاقتطاف تشترط حلاقة الشعر فلا تناسب اي بنت
واشهر مركز لزراعة الشعر بالطريقة الشريحة في تركيا هو ترانسميد عند الدكتورة مليكة نتائجها جدا رائعة
وعندك فالرياض عيادة ادمة عند الدكتور أحمد التركي
من وجهة نظري هم افضل مركزين للزراعة بطريقة الشريحة فالمنطقة
وفيه مراكز عالمية في امريكا وكندا عندهم النتائج مبهرة مثل مركز Hassonandwing في كندا من افضل مراكز العالم لزراعة الشعر ولو تشوفين نتائج الزراعة عندهم على اليوتيوب بتنبهرين
والقرار الاول والاخير راجع لك ولا تنسين الاستخارة

 

[بنت ناس]

اخواني .. انا اللي كاتبه هالموضوع بنك نيم بنت الامارات بس نسيت الباسوورد واشتركت بهالاسم

https://www.hairarab.com/vb/showthread.php?t=3072

هاي زيارتي لدكتور ف دبي .. وبخصوص الاخ اللي يقول لي لازم يحلقون من ورا وانا بنت ف حالة الاقتطااف .. قالي ما بنحلق


بيحاول ياخذ شعر من مناطق متفاوتة من الراس ورا لان بعد الشعر مب كثيف .. قالي ما بركز على منطقة وحدة لا .. مناطق مختلفة من ورا

وقالي احتاج مرتين ع الاقل عشان يروح الصلع .. المرحلة الاولى يغطي منطقة القذله .. وبعدها ب 6 شهور يغطي منطقة نص الراس .. لان شعري ما يساعد يغطي المنطقة كامله ف جلسة وحدة .. قالي بعدين اذا تبين تكثيف بسويلج تكثيف بعدها بسنه

شو رايكم

بقولكم اي دكتور .. شوفو السايت

http://www.dubaihairclinic.com/

اسمه مسرور اللي شافني .. وصارلي كم شهر احاول اشوف دكتور زكريا ف نفس المركز هو تركي واكتشفت انه معروف يوم سويت سيرج ف النت بس كل مرة يعتذر وما يجي الامارات .. قلت سبحان الله يمكن الله ما يباه يسويلي لاني استخرت وهو ما يجي صارلها كم شهر يعتذر مرة حادث مرة مزكم مرة طايح مرة نايم

ف شو رايكم ؟؟

في اكثر من دكتور فهالعيادة بس بعدني مب عارفه .. ابا حد يساعدني

مابا اتخذ قرار بروحي واندم عليه طول حياتي ..اللي عنده خبره بليز يساعدني

انا قريت تجارب الاعضاء بس دخت وانا والله للاسف ماعندي وقت مهندسة واغلب شغلي في البترول

 

[جبهة حرب]

هلا اختي

انا زرعت عند د.بسام الجباعي بالرياض في العيادات العالمية

لسه مابانت النتيجة .. بالنسبه للألم بس اول يومين الى ثلاثه بس

لكن مو طول العمر

واتمنى لي ولك زراعة موفقه إن شااء الله

تحياتي

 

[ياقلبي قلبك]

الدكتور أحمد التركي في ( عيادات أدمه )


الدكتور بسام جباعي ( المراكز العالمية لزراعة الشعر ) ​

كلاهما ممتازين والفرق بينهما في السعر ، الدكتور بسام تكاليف العملية عنده أقل​

 

[بنت ناس]

الصراحة اخوي قالي اختاري اي منطقة غير الدكاترة العرب عشان ما يخبصون فيج .. ؟؟

ادري كلامه مب صحيح 100% بس فيه جزء من الصحه .. يقولي شوفي تركيا اذا لقيتي مكان مناسب بوديج

حد يعرف مكان زين ف تركيا .. بس مابا سالفة الشريحة انا اخاف .. ابا اقتطاف وبدون ما يحلقون لي .. يشلون شعره شعره برايهم لو اييبون لي شفتين .. شفت 8 ساعات وشفت 8 ساعات وبدفعلهم الدبل ؟؟



!!

 

[بنت ناس]

مافي حد يرد علي ...؟؟

 

[saeedsaud]

اقرأي موضوعي يمكن يفيدك

https://www.hairarab.com/vb/showthread.php?t=3300

ان شاء الله موفقه

 

[بنت ناس]

وايد نفسيتي داون .. ماجيك هير ردو علي ان شعري كثير خفيف من المنطقة المانحة وما ينفع للزراعة

وايد زعلت وابا اصيح .. ما صدقت على الله


لا حول ولا قوة الا بالله العلي العظيم .. يارب سهلها علي ...


انا هالاسبوع رايحة السعودية اعتمر .. وين عيادة دكتور احمد تركي ولا الجباعي ؟ قريب ولا بعيد من المكان ؟

 

[amedo]

حاولى تجربى العلاج قبل الزارعه وتعرفى سبب سقوط الشعر ايه سواء حا تعملى زراعه او لا ( وراثه او نيميا او نقص فيتامينات او كالسيوم او حديد )و جايز العلاج يجيب نتيجه كويسه ان شاء الله ولو مجابش النتيجه المطلوبه روحى ازرعى
و يارب شعرك يبقى اتقل واحسن مما تتوقعين

 

[بنت ناس]

ان شاء الله يارب ...

تراني رحت اعالج ف العياده قالو ما فيني شي .. كان فيني انيميا وراح ؟؟

 

[بنت ناس]

ترانسميد ردو علي وقالو يقدرون يسوون لي زراعة ب fut

شو رايكم .. هالمركز ف تركيا زين ولا لا ؟