اممم ، على حسب ما قرأت ان ما يقارب ال 30 -40 شعرة يزرعون في سنتمتر مربع .
والجرافت يعتمد على شعرك يمكن الجرافت الواحد يكون فيه شعرة وحدة او ثنتين او ثلاث او أربع !
فإذا انت مثلا زرعت 1000 جرافت أبو شعره صاروا 1000 شعرة
واذا زرعت 1000 جرافت بو شعرتين صاروا 2000 شعرة ، وبهالطريقة تحسب...
ألحين نتائج الاقتطاف صارت أفضل من قبل واذا الدكتور شاطر ماكو فرق بينهم الا بسيط جدا ً ، وعلى فكرة شوف موضوع المشرف أحمد فيه فيديو للزراعة بطريقة الاقتاطف شوف النتائج مذهلة وانت تصدق كلامي
كل هذا يعتمد على الدكتور وشطارته ، واذا دكتور مو شاطر ترى حتى الشريحة في ناس سووها واشتكو لسوء النتائج...
السلام عليكم ، صار لي زمان ما شاركت بالمنتدى ، موضوعك ما شاء الله مفصل ومرتب مثل ما قالوا الاخوان فيلم اكشن ،
ألحين عاد ويش يصبرك ست شهور ، بتمر الست شهور كأنها ست سنين هههههه
الله يعطيك الصحة والعافية وتشوف النتايج اللي تسرك يا خوي
عليكم السلام ،
اأخوي احمد ، صح هو يمكن محتاج هذا العدد لكن هل المنطقة المانحة عنده تكفي حتى يزرع هذا العدد الكبير؟؟
على حسب ما قرأت ان أكبر عدد يقدر يزرعه كل شخص يتراوح بين 4500 الى 7000 بصيلة فقط
السلام عليكم ، والله أنا كلما أشوف كلامك يا اخوي أحمد ومدى نسبة التفاؤل والأمل بالزراعة وردودك أقول يا ليت ينزل لنا صور نتائجه حتى يعطيني أمل ودفعة معنوية للزراعة
ألحين انت شلون النتيجة وياك يعني مساحة الصلع اللي كانت عندك تغطت بنسبة كم ؟؟ والشعر كثيف وقوي أو لا ؟
ومتى يتنزل لنا الصور؟
السلام عليكم ،
أخونا أحمد ما قصر ولا خله شي ينقال ، أنا حبيت أرد بس حتى أضم صوتي لصوت الاخوان وأقول لك لا تخاف ترى هذا طبيعي وهذا اللي المفروض يصير أصلا .
إن شاء الله ترجع بعد ثلاث شهور وترد على نفس الموضوع وتقول شنو صار معاك ، حتى غيرك اللي تصيدهم نفس المشكلة يقرون موضوعك ويستفيدون
اممم الدكتور بسام لما رحت له وصف لي بروبيشيا للمنطقة الخلفية ، وهو شكله دائما يوصفها للمرضى ماله اللي عندهم المنطقة الخلفية خفيفة
غريبة ما وصفها لك ، على العموم عندي سؤال ثاني اخوي
لو حبيت تزرع مرة ثانية بعد ، شنو اكبر عدد ممكن من البصيلات تقدر تزرعه هل قال لك الدكتور؟؟
الحمدلله على سلامتك أخوي عبدالله ، ما شاء الله خط الشعر يبين عليه الاحترافية
بسألك الدكتور ما زرع لك المنطقة الخلفية ؟ لأن تبين فاضية وماكو فيها شعر مزروع !
السلام عليكم ،
بخصوص بروبيشيا أنا سألت واجد قبل لا أبتدي أستخدمه لان معروف انه له أعراض جانبية أكيد قرات عنها ، دكتور بسام نصحني أجربه واذا حسيت بفرق في القدرة الجنسية ومشاكل في الانتصاب أوقف عنه ، بس لانك مو متزوج فما أعرف شلون بتحس بالفرق !!
على العموم انا توني ألحين مكمل اسبوعين استخدمه...