حايلي رايق
New Member
- إنضم
- 7 يوليو 2014
- المشاركات
- 4
- مستوى التفاعل
- 0
- النقاط
- 1
اخوي انا لي شهرين ونصف وماتساقط الشعر المزروع شسالفه!
اخوي انا لي شهرين ونصف وماتساقط الشعر المزروع شسالفه!
يعطيك العافية اخوي المشعلاني
الصراحة استفدت من موضوعك كثييير
واكيد غيري كثير استفادوا
الله يكتبه في ميزان حسناتك ان شاء الله
انا رحلتي ان شاء الله لزراعة الذقن في عيد الاضحى تاريخ ٢٥/٩
عند الدكتور سركان اللي حاب يخاويني عشان محد يحس بالغربة
ويتملل وتكون ايام سهلة ان شاء الله
يتواصل معاي
يمنع وضع الايميلات (الادارة)
لي ٣ شهور ونص تقريبا من زرعت. صراحه بديت احس بالندم. من غير ان الشعر مو كثيف, الشعره نفسها تجي واقفه وشكلها غريب خصوصا منطقة الشنب. عادي احلق موس؟ كل فتره وفتره احلق ماكينه لان عندي التزامات ومستحيل اطلع والشعره كذا ناطه! لازم احلقها.
السلام عليكم اخوي المشعلاني
هل غسل الوجه عند الوضوء لكل صلاة ما يأثر على الزراعه
أخوي المشعلاني الله يعطيك العافية على المجهود اللي تسويه و يجعله في ميزان حسناتك..
أنا حجزت عند الدكتور سركان بشهر نوفبمر الجاي إن شاء الله لزراعة الدقن. و ما قررت إذا راح ازرع الدقن كامل أو فقط السكسوكة، بالذات بعد نصيحتك في هذا الموضوع. لكني قلت إذا رحت هناك بيوم الفحص اقرر.
سؤالي لك أخي الكريم، هو إني ماخذ إجازة لمدة 25 يوم. و العملية راح تكون باليوم الثالث إن شاء الله. فهل بعد 22 يوم إذا رجعت لدوامي يكون شكلي مقبول نوعا ما؟ الواحد يكفي إنه شايل هم ردة الفعل الناس بعد الزراعة، لكن الهم الأكبر إذا كانت آثار العملية واضحة جدا. وقتها اللي يعرفك واللي ما يعرفك راح ينتبه إنك مسوي العملية هههههههه.
من تجربتك و خبرتك أخي المشعلاني، كيف راح يكون الوضع بعد 22 يوم من العملية؟
انا اجازتي كامل مع اجازة العيد ٤٠ يوم
رحلتي في عيد الاضحى يعني بعد اسبوع ان شاء الله
هل تكفي ٤٠ يوم عشان يروح الاحمرار ؟
يامرحبا
الاحمرار تكلمت عليه كثير
وتعتمد على حسب بشرتك
انا جلس معي الاحمرار للشهر الخامس .. ثم بدا يختفي اسبوع عن اسبوع
يعني انت ممكن يجلس معك سبوعين ممكن شهر ممكن شهرين ممكن 6 شهور
على حسب طبيعة بشرتك ومقاومتها للاحمرار ..
40 يوم تكون كافيه ان اثار الزراعه من القشور والانتفاخ وغيرها تروح .. اما الاحمرار ما اقدر اجزم لك
وبالتوفيق في زراعتك
المشعلاني
يامرحبا
اول شي تأكد انك مستوفي الشروط والاحكام للزراعه ..
بالنسبه تزرع كامل او تزرع الزلف والسكسوكه والشنب و فترة شهر جاوبت عليها بصوره مفصله
لكن بجواب لك بأختصار الان
النقطه الاولى .. اذا انت ما يطلع لك شعر تحت عظمة الفك فا ما انصحك انك تزرع كامل .. الشكل راح يطلع لك عليه
هذا الكلام بالنسبه لي انا
النقطه الثانيه .. ٢٥ يوم راح فتره كافيه ان القشور تطيح ويرجع الشكل " افضل من ايام الزراعه الاولى "
اذا طاحت القشور راح يبين الاحمرار
وعشان الاحمرار مبين .. ف الزراعه راح تكون واضحه .. بأختصار ، فترة ٢٥ يوم ماراح تكون كافيه ان الاحمرار يختفي
خصوصا اذا بشرتك ماتقاوم الاحمرار
انا افضل انك اذا تبي تسوي الزراعه تكون الاجازه على الاقل ٣٠ يوم ! عشان باليوم ال ٣٠ تقدر تحلق مكينه
ويفضل انك ماتخلي الزراعه كأنها محدده .. الافضل انك اتعرج الشعر ، وكتبت عن التعرج بالصفحات السابقه
والله يوفقك
المشعلاني
تم عمل عملية زراعة الذقن ولله الحمد
العملية في عيادة الدكتور سركان
اليوم اول يوم لي وكلشي تمام الحمدلله والنفسية ممتازة جدا
مرتاح من الرسمة وباين من الشعر المزروع ان الكثافة ممتازة
واتجاه الشعر المزروع ما اقدر احكم من اول يوم بس شكله يبشر بالخير مثل الاتجاه الطبيعي.. وبالنسبة لانتفاخ الوجه قاعد يتحسن شوي لان توني ٦ ساعات من خلصت العملية.
واحب اشكر المنتدى اولا
وثانيا شكر خاص لك اخوي المشعلاني بارك الله فيك وعسى ربي يجعله في ميزان حسناتك ان شاء الله .. استفدت من موضوعك كثيير
وان شاء الله بس يستقر وضعي راح انزل التجربة في القسم
تحياتي
ماشاءالله تبارك الله
الف مبروووك عليك الزراعه
وانت الحين ان شاءالله ان عندك خبره بموضوع مابعد الزراعه والتعليمات ف خلك حريص
وان شاءالله تشوف افضل النتائج
بأنتظار تجربتك
المشعلاني