Iron
Member
- إنضم
- 14 مايو 2014
- المشاركات
- 42
- مستوى التفاعل
- 0
- النقاط
- 6
السلام عليكم.
شكرا من القلب صراحه لهذا المنتدى واعضاؤه الكرام، بسببكم قررت اتجاوز الخوف وابدا التنسيق لعملية زراعة الشعر.
وغالبا راح اسوي العملية بمركز ستار وورلد ان شاء الله عز وجل.
بس الى الان في اشياء مخوفتني.
انا تصفحت هذا المنتدى كثير، وقرأت تجارب اللي فيه، وقرأت تجارب ناس اخرين في بلوغات عرب وغير عرب.
وبعضهم رافعين قضايا على المراكز اللي سوت لهم زراعة لانهم يقولوا انهم انخدعوا والنتايج بعيدة المدى محبطه
(طبعا واضح انهم مو عرب)
1. من الاشياء اللي تخوفني انه اكثر التجارب اللي هنا ناس لهم سنه بس مسوين العملية
وتوهم يشوفوا النتايج ويفرحوا فيها، يعني مافي احد مسوي العملية من زمان يشاركنا تجربته ؟
2. الاحظ كثير من اللي يحطوا تجاربهم ما يكتبوا سلبيات ابدا، معرفة السلبيات هو شي كويس
لانه في ناس ممكن تتحمل وتتعايش مع بعض السلبيات وناس ما تقدر.
واقصد سلبيات العملية نفسها وليس سلبيات المكان اللي اجريت فيه العملية
3. اللي فهمته ولاحظته من اللي مسوين العملية وحاطين صور لشعرهم قبل التساقط، ان الشعر المزروع
غالبا يكون خشن ومجعد، هل هذا شي صحيح ؟
والله عندي غير هالاسئلة بس احس اني كتبت كثير ومابي اطول اكثر ويدخل واحد ويشوف "معلقه" ويخاف ويبطل يرد
ما عمري سجلت بمنتدى ولا لي بهالسوالف صراحه مدري احس قريحة الكتابة توقدت عندي
المهم انا مو عارف وشلون اختم المقال مدري الموضوع والى الان جالس اكتب مدري ليه.
المهم راح اختم على طريقة شعبولا واقول : بس خلاص.
وشكرا