استفسار : كم عدد البصيلات التى احتاحجها للزراعه . مرفق صور

السلام عليكم ورحمة الله وبركاته
ياريت حد من الاخوه الاعضاء الى عندهم خبره بالزراعه لو يقدر يفيدنى انا ممكن احتاج عدد بصيلات اد ايه للزراعه
وليا كام سؤال تانى .. ايه راى الاخوه بالدكتور احمد عادل نور الدين انا ليا معاد معاه كمان اسبوع عشان يقدر يحدد ويشوف حالتى محتاجه اد ايه .. وهل فيه اى اسامى لدكاتره ممكن يكونو كويسين فى مصر وحد يرشحهملى سوا عن تجربه او عن سماع حتى ...وممكن تكاليف العمليه يكون المتوسط بتاعها كام ........ وبالنسبه للزراعه انهى طريقه ممكن تكون الانسب ليا
واسف على الاطاله
اخوكم فى الله اسلام

ياريت يا جماعه اى حد يعرف اى رد لاى سؤال بالله عليكم يرد عليا

السلام عليكم
حاليا تحتاج الى تكتيف لئنه لايزال الشعر موجود

ممكن تحتاج الى 3000 بصيله لتعطيك نتيجه طيبه

والعدد المناسب يحدده لك الدكتور المختص

شكرا ليك يا اخ طرابلسى وان شاء الله لو فيه حد يقدر يفيدنا باى حاجة يبقى تمام وعموما انا معادى بكره مع الدكتور ان شاء الله وهابقى اجى اقول عملت ايه ولو بقى فيه اى تجربه اكيد هطرحها هنا باذن الله

ربنا يوفقك اخ ستار وطمنا عنك بعد ماترجع من الدكتور

شكرا يا اخ ابو بدر على زوقك
انا لسه راجع من عند دكتور احمد عادل حالا وزيارتى ليه اول حاجة سالنى عن سنى وسالنى هل والدك اصلع جوابته بنعم قالى طيب اختار شكل من دول وقولى درجه الصلع عند والدك انهى صوره وسالنى لو بعانى من اى امراض وبعدها رسملى بالقلم على راسى وقالى المنطقه الاماميه هى الى ها نزرعها والمنطقه الخلفيه كبيره وحرام نضيع فيها عدد بصيلات لانها ها تحتاج كتير والمنطقه الاماميه هاتبقى محاظه على شكل الوجه اكتر بس مكنش بادى من قدام يعنى كان راجع حوالى اتنين سنتى فبكده حسيت ان منطقة الجبهه هاتبقى واسعه .. وقالى عدد الشعر هاحتاج 4000 شعره والتكلفه هاتكون 15000 جنيه وطريقة الزراعه هاتكون شريحه
انا محتار دلوقتى بصراحه ومش عارف اكمل معاه ولا فيه ممكن اسامى دكاتره تانين ممكن اروحلهم وانا بسمع ان فى مصر تكلفة الزراعه بالشريحه بتكون اقل نسبيا من التكلفه دى

أخ إسلام نصيحة لوجه الله لاتسوي زراعة بمصر، مع إحترامي لكل الكفاءات هناك ولكن مستوى الزراعة جدا سئ وتقدر تراجع نتائج الأعضاء.

شكرا لنصيحتك يا اخ ittihad وفعلا والله انا بقيت خايف من الزراعه فى مصر بس المشكله فى الوقت وطبيعة شغلى مش هاقدر ابعد فتره كبيره عن مصر ولكن انا مابقيتش متفائل بالنتايج ولا قادر اوصل حتى لدكتور نتايجه طيبه كل الدكاتره بلاقى ناس تخوفنى منههم ونفسى اشوف تجربه لحد من مصر تخلينى متفائل او دكتور اقتنع بكلامه الى حد ما

للاسف انا كمان من مصر .....بس عايش فى كندا ....حبيت انزل مصر أعمل العملية .......بس بعد البحث والدراسة والنصيحة ...قررت انى ابتعد عن مصر ....واروح أعملها فى تركيا ...صحيح فى مصر أرخص بكتير ....وأعرف ناس عملتها ب 10000 جنيه بس ...بس النتيجة معجبتنيش .... أنا مش عايز أتحامل على أطباء مصر ....بس محدش قال كلمة طيبة فيهم .....والله أعلم ....