تجربتي مع منتج Sunburst

السلام عليكم ورحمة الله وبركاته

التاريخ: 21 Jul 2013

الاسم: احمد
البلد: المملكة العربية السعودية - الدمام
العمر : 27
المشكلة : تساقط الشعر من اعلى إلى مقدمة الرأس

بسم الله الرحمن الرحيم

اعزائي اعضاء المنتدى انا عندي مشكلة التساقط من 3 سنوات تقريبا لكن في الفترة الاخيرة بدت تزيد عندي وبدا الناس تلاحظ اني بديت اصلع, عموما بعد اصرار من زوجتي اني اعالج هالمشكلة, رحت وشريت sunburst لمعالجة تساقط الشعر, واليوم وصلني المنتج, لكن من اول ما فكرت احل هالمشكلة رحت وشريته للاسف ما رحت مستشفى افحص ولا بحثت عنه بالنت, وفجأه بعد ما جاني المنتج قررت ابحث عنه, وطلع بوجهي هالمنتدى الطيب, فقررت اسجل واسوي تقرير عن حالتي ويا هالمنتج بالصور بعد ما شفت اسئلت بعض الاخوان عنه, ومن الاخر ادا نجح العلاج و انحلت مشكلتي ممتاز, لكن ادا ما نجح راح اقرع موس وافك نفسي من هالسالفة ( يعني مهوب اكبر همي), لا اطول عليكم

هدي صورة قرعتي اليوم, وربي يشهد انها حقت اليوم , والي يحب يتواصل معي يشوفها ع الطبيعه انا حاضر











وانشالله ادا الله كتب لنا عمر راح افيدكم بالتطورات


تحياتي للجميع

Mr. A7med

عليك بزيت الزيتون اصلي.

وان شاء الله راح يرجع شعرك زي اول واحسن

بس تستمر عليه يوميا

احسن لك من العلاجات

انت ماوصلت لدرجة التصحر

احمد ربك.

ماشاء الله ,. من رايي تستمر وتتوثق الاحداث بشكل شهري بصور واضحة ومختلفة الابعاد
وبإذن الله تلقى نتيجة طيبة .. وونتظرك بعد التحديث الثاني بعد شهر موفق

والله حبيبي اي منتج اشوفه وبدعاية رهيبة من التلفزيون احط 500 علامة استفهام
وخاصة بمواضيع التالية:
تنزيل الوزن، اعادة الشباب، الضعف الجنسي، انبات الشعر، الحمل
دائما امور النصب مرتفعة لأن رغبة الناس شديدة لهذه الأشياء وما عنده مانع يجرب بول البعير لو احتاج
فالافضل عرض المنتج على الاطباء قبل الاستعمال وبصراحة انا متأكد انه لن يضر لأن غالبية هذه المنتجات التجارية تستخدم مواد طبيعية لا تضر حتى لا تحدث آثار جانبية للزباين وتشتكي عليهم ولكن لا تفيد لأن اللي مسويها لا متخصص ولا عالم

لو سمحت اخوي عندي كم سؤال ؟

بكم شريته ؟ ومن فين ؟

و بالتوفيق لك في العلاج

السلام عليكم ، هل هنالك تحسن او نمو للشعر

وش صار بشر فاد معك العلاج ولا لا ؟

سلام عليكم ورحمة الله وبركاته

اعتذر على الإطالة لضروف خارجة عن ارادتي

عموما انا من اول ما وصل المنتج واستخدمته بإنتظام لمدة شهرين وما اعطاني النتائج المطلوبه فـ بطلته, بصراحة يقولون دام هذا اوله ينعاف تاليه, وطول فترة استخدامي له لا فركت قرعتي به جاني صداع والم بعيوني ملعون جدف. المهم فيه نتيجة بس مررررره صغيرة مو زي ماهم يقولون. وبصراحه مدري اني اذا لازم استمر عليه او لا بس انا متأكد انه ما راح يعطني النتيجة المطلوبه لاني ما ارتحت له, وانشاء الله راح ارسل لكم الصور انا قريبا جدا جدا

المهم انا الحين بديت اخذ حبوب جابتها لي زوجتي برضو ( صاير فار تجارب عندها ) الله يستر بس المهم وعطاني نتيجة افضل من سن بيرست, وبصراحه افضل منه ( اهم شي ابطل الاكل السبايسي والمشروبات الغازية, بالعربي احتاج تغذية صحية, وادلك القرعه عشان يجري فيها الدم )

اسم الحبوب هذي Priorin

والله على ما اقول شهيد