عمليه غريبه

السلام عليكم ورحمة الله وبركاته
ان شالله تكونون كلكم في تمام الصحه والعافيه يا اخوان انا لي زميل في العمل كان راسه بلاااطه ولا شـعـره فاهمين كيف صحراء قاحله المهم انا نقلت جده وغبت عنه يمكن سنتين وقابلته بعدها الا والله الرجـال مسرح تسريحة الديك وجل لماع وحركااات المهم استحيت اساله بعد فتره هو جاب الموضوع وسالته وقاللي عن طريقة العمليه وهي طريقه غريبه عجيـبه عمري ماسمعت فيها في حـياتي وياليت يا اخوان تقرونها زين لاني ابغـا احد جرب زيـه او يعرفـها لاني ناوي اسوي نفس العمليه عند نفس الدكتور وما ناقصني الا اقتراحاتكم وارائكم يقول الرجال اول جلسه حلقوا شعره بالمكينه على 0 وشالوا شعره اللي حلقوه في كيس واعطاه 10 ابر يقول انها منشطه وتوقف التساقط ويقول خويي انها ما المته ابداً وقالوله روح وتعال بعد 3 شهور يقول الرجال يوم رجعت بعد 3 شهور وشعري قد طلع شوي لقيت الدكتور مسوي شبكه فتحات الشبكه صغيره جداً بحيث انها يادوب تدخل الشعره الوحده منها وفي نفس الشبكه هذي مربط له شعره اللي حلقه على مكان الصلعه بشكل خيالي يعني كانه طبيعي يقول لبسني الشبكه ودبسها في راسي (( عاد ماادري كيف التدبيس وخفت اساله )) وصار يطلع شعره اللي في راسه من بين فتحات الشبكه وزاد له كم ابره وقالله روح وتعال بعد 3 شهوريقول خويي انه يسرح شعره ويتروش وعايش الحياه فله في الثلاث شهور هذي وراح له بعد 3 شهور وفك له الشبكه ولقا شعر جديد طالع بس مو على فوق نازل نزل تحت الشبكه يعني لاصق في الجلد قام الدكتور غسل له شعره وسرحه على ورا ورجع زاد له كم ابره وركب الشبكه وطلع الشعر القديم والجديد من الفتحات وواعده بعدة 3 شهور وقالله نستمر كذا اللين يطلع الشعر كله وماشاء الله تبارك الله يا اخوان الرجال على الرغم من انه يتاخر على الدتور وما يواضب في المواعيد الا انه شكل شعره جداً جداً حلو وطبيعي واتحدا اي احد يقدر يقول انه شبكه او مزروع سبحان الله ارجو انكم تكونوا فهمتوا طريقة العمليه واللي عنده خبر بمثل هذي العمليات يرد علي ويفيدني لانها اغلى من العمليات اللي شفتها في تقارير الاخوان الا انها بنظري تستاهل صراحه

الصلع عند خويي كان مقدمة الراس اللي ورا يعني ماعنده الا جوانب بس

لا يا اخوان هو يقول الشبكه هذي مؤقته اللين تتم النتايج المطلوبه هو قال ان الدكتور قال له انه بعد 9 شهور يعني 3 مرات فك وتنظيف يشوف المنطه الباقيه المستعصيه اللي ماطلع فيها شعر يزرعها