عسى الله يزينها
Member
- إنضم
- 17 أبريل 2013
- المشاركات
- 79
- مستوى التفاعل
- 0
- النقاط
- 6
السلام عليكم
صباح الورد
ماحصلت احد اشكي له بعد الله سبحانه وتعالى غيركم والشكوى لغير الله مذله والله ياأخوان ان نفسيتي تعبت كثير لدرجة اني انقطعت عن الكثير من الزملاء في الاستراحه الاسبوعيه وانتو تعرفون الاستراحات لعب كوره وترفيه بمعنى اصح وهالشي يتطلب كشف الرأس وصرت احصل منهم لوم وعتب ع بالهم اني متكبر عليهم والا شوفة نفس هههههه وهي الشغله مو كذا يعني هالشي مؤثر ع وضعي الاجتماعي بالذات المواقف الي تحتاج كشف الراس والحمد لله ان عملي يتطلب مني الزي الرسمي والا كان سحبت ع الدوام انا بصراحة مادخلت نفسي في عالم الكريمات والزيوت لشعري ابدا يعني انا بحكم ماقريت لبعض الاخوان بها المنتدى انه مابقى زيت او كريم الا واستخدمه ولافاد معه وبعدها قرر يعمل زراعه انا من النوع اللي ماعندي مشكله اني اخسر كثير بس الاهم يكون الناتج في اسرع وقت او بمعنى اصح يكون الناتج مضمون وناجح حتى ولو تأخر ظهوره بصراحة لفت نظري قبل فترة موضوع احد الاخوان زرع في تركيا واعجبني زراعته عند الدكتوره قونيز وهذا رابط العياده http://www.erahair.com/en/index.htm عندي ايمان انو المرأه عندها اتقان في العمل اكثر من الرجل طبعا ليس في كل الاحوال وهالشي بعد ماشفت زراعة اخونا في هالعياده بحكم انو اللي عملت له الزراعة مرأه فلايزعلون علي اخواني الرجال وبنفس الوقت الحريم لايشوفون نفوسهم هههههههه
على العموم انا بإذن الله بروح خلال هالاسبوع اعمل تحاليل دم بخصوص الشعر واتاكد هل الصلع عندي وراثي او لا لاني ماعرفت شلون وراثي هل معناه العائله كلها لابد عندها صلع اوو كفايه اذا كان عند الاب فقط ابغى نصيحتكم لي بحكم ان هالشي مؤثر علي انا فكرت استعجل بالزراعه حتى ارتاح من الهم الي انا فيه واقلها حتى طلعاتي افتك من شي اسمه شماغ والا كاب لانهم ماصارو يفارقوني طبعا عندي الجبهه كبيره يعني مايعادل 4 اصابع والجوانب تراجعت للخلف ووسط الراس في فراغات على فكره فيه صور في موضوعي السابق لمن اراد الاطلاع بس دورتت له ماحصلته او يمكن طريقة بحثي غلط .بانتظار ردودكم اللي ان شاء الله تريحني وسامحوني على الإطاله .
