أهلاً أهلاً ..
شكراً لكم جميعاً ..
بعد رد الأخت وداد جتني نفسيه
، واقف قدام المرآيه معقوله انا متشائم وقاعد اتوهم
وكل دقيقه ماخذ كف سريع ( اعالج الحاله اللي امر فيها ) لوول ..
المهم الأن مستوى الألم خف الحمدلله على الرغم من ان اليومين الماضيه كنت اخذ بروفين
الأن فيه ألم اقل من متوسط في حال لَمس المنطقه الخلفيه للرأس ، لي تقريباً ١١ يوم من زرعت
طبعاً الأعراض اللي مريت فيها ماكانت بسيطه ابداً ولا اوهام او حتى خوف ودلع على قولة اخوي اصلع ملعلع
لأن مستوى الألم كان يصحيني من النوم ، وصاحب الألم ضبابيه بالنظر ، ماتوقع مرت على شخص بالمنتدى
الضبابيه بالنظر كان مستواها مو بسيط وكانت مسببه لي كَدر وبدأت معي من اول يوم بعد العمليه ، لكن الحمد لله
الألم في الفتره الماضيه كان قاتل في المنطقه المناحه اما منطقة الزراعه كان الألم فيها مقتصر على الشد لأن إحساس الشد بفروة الرأس كان ٢٤ ساعه
عكس الوقت الحالي فيه إحساس لكن مو دائم ،
بوجه عام :
الوضع بدأ يميل للطبيعي ، فيه بعض الإحساس لكن مثل ماقلت متفاوت وخفيف
من امس تقريباً بدأ تساقط الشعر ، الوضع بإذن الله يسير بشكل أفضل ..
وإن شاء الله تكتمل هالأفضليه بنتيجه جَيده.
شكراً وداد
شكراً اصلع ملعلع
شكراً لكل من شاركنا الرد
شكراً لكل من شاركني من خلف الكواليس
على أمل أن نلتقي بكم في مكان وقسم آخر بتفاصيلٍ أكثر
وأطروحاتٍ تَسِر قلوبكم وتبهجكم ، وتكون دافعاً لكم في عالم الزراعه
< بدأ يتفلسف
نلتقي لنرتقي.