هل يمكن الزراعة مع الشعر وجود شعر الاصلي ؟

السلام عليكم الموضوع واضح من العنوان حاب انكم تفيدونى ^^
انا مازال لم اكمل مرحلة الصلع يعنى شعري فى بداية التصلع لاكن قررت ازرع على شان ما امر بمرحلة التصحرا الكامل يعنى مايوضح عليا الصلع
السؤال هو هل يمكن ان ازرع نسبة كبيره من الشعر يعنى كائنه ماعندى شعر والمنطقه متصحرا بى الكامل ؟
وحتى بعد تساقط الشعر الاصلى يبقي المزروع ما يبان الصلع عارف انه الشغر بيخف بس ما يصلع
ان شاء الله بكون قدرت اوصل المعلومه وفى انتظار الرد ؟
وهادى صورة راسي
https://www.hairarab.com/up/uploads/images/www.hairarab.comb931fdc6e4.jpg

https://www.hairarab.com/up/uploads/images/www.hairarab.comccb2c6e0f2.jpg

أنصحك بالعلاج أولا وليس الزرع جرب المينوكسيدل5% أو ابر الميزو ثرابي ممكن تنجح معك اخوك البرقاوي مع تحياتي

البرقاوي الليبي قال:

أنصحك بالعلاج أولا وليس الزرع جرب المينوكسيدل5% أو ابر الميزو ثرابي ممكن تنجح معك اخوك البرقاوي مع تحياتي

أنقر للتوسيع...

شكرا خوى البرقاوى لاكن هل يوجد فى ليبيا ؟ لو موجود وين القاه

أصلع ملعلع قال:

يمكن الزراعه بوجود الشعر الأصلي
ولكن أخي الكريم هل قمت بزياره لطبيب متخصص
قد لا تحتاج إلى زراعه من الأساس
تمنياتي لك بالتوفيق

أنقر للتوسيع...

لا والله ما زرتش طبيب
على ما اظن انه لا يوجد طبيب مختص فى الشعر في ليبيا هنا تقع المشكله يعنى لاوم اسفر مش اكشف ؟

طرابلسي قال:

شكرا خوى البرقاوى لاكن هل يوجد المينوكسيدل5% أو ابر الميزو ثرابي فى ليبيا ؟ لو موجود وين القاه

أنقر للتوسيع...

موجود في ليبيا. مركز أوباجي طرابلس في منطقة النوفليين. انى جربت العلاج عندهم بالميزو ثيرابي والمينوكسيديل بمعدل جلسة كل أسبوع الجلسة تكلف 100 دينار وتستخدم المينوكسيديل مرتين في اليوم. استمريت معاهم لمدة سنة ونصف. بعدها وقفت العلاج لانه كلفني مبلغ وقدره. بصراحة هدا العلاج ينقص عملية التساقط لا أكتر ولا أقل. يعني بدل ما تصلع في سنة يخليك تصلع في سنتين مثلا. بالنسبة لانبات الشعر في بداية العلاج يطلع شعر خفيف ( زغب ) تفرح بيه تقول هدا ينبت الشعر لكن بعدها معاش ينبت بكل. المينوكسيديل بتستخدمه طول حياتك هكي قالي الدكتور.
بعد ما وقفت العلاج حلقت شعري قرعة بالماكينة رقم واحد. باش ينقص معدل جدب الشعر بالفرشة وهكي ينقص التساقط شوية. ليا أكتر من سنة نحلق بالماكينة.
ملاحظة:
انى حالتي زي حالتك بالزبط بداية صلع. وتفكيري زي تفكيرك يعني نبي نزرع المكانات الفارغة قبل ما نوصل لمرحلة الصلع الكامل هكي ما حدش يلاحظ اني صلعت.