bnr1 bnr1
bnr1 bnr1 bnr1 bnr1
bnr1 bnr1 bnr1 bnr1

تجربتي في ماجيك هير تاريخ 13-07-2012 star hair transplan

إنضم
16 يونيو 2012
المشاركات
32
مستوى التفاعل
0
النقاط
6
بسم الله الرحمن الرحيم


السلام عليكم ورحمة الله وبركاتة


اولاً يجب علي أن اشكر الأخ العضو " أصلع ملعلع " لك كل الشكر والله يجزاك خير لأن اخذت منه كل التفاصيل وغثيته ههههه . وابشر بالكليجا :p

ومثل ما افادني هذا المنتدى يجب علي ان اضع تجربتي لكي يستفيد اخواننا الي يفكرون يسوون العملية

ويستفيدون من تجاربنا ولا يقعون في اخطائنا او يفعلون كما فعلنا اذا حصل اشياء صحيحة

--------------


أسم العيادة :

STAR Hair Transplan

او كما نسميه نحن "ستار هير" او "ماجيك هير" <لإن غيروه كم مره لكن هو نفس المستشفى

عنوانة : Address: Teşvikiye Mah. Hakkı Yeten Cad. Aşçıoğlu Plaza No:17
Kat:8 Daire:18 Fulya-Şişli İSTANBUL / T&Uuml;RKİYE

-------------

أسم الدكتورة : يليز " Yeliz &Ouml;zkaya "

------------

عدد الفريق المساعد : 5 ممرضين

------------

تاريخ العملية : 13-07-2012

------------

طريقة الزراعة : زراعة الشعر بطريقة الاقتطاف (FUE)

------------

تكلفة العملية : "4200 يورو" أي " 19295ريال" أي " 5145دولار"

====================================


تفاصيل العملية :

وصلت العيادة الساعة : 8 صباحاً فحصت الدكتوره وخططت الرأس ومكان الزراعه هي حددت مكان لكن كان مرتفع قالت عشان اغطي كل منطقه الصلع وقلت لها لا ابي اقرب مكان للجبهه اهم شي عندي اني اغطي المنطقه الأماميه ومسحت تخطيطها الأول وخططت مره ثانيه ،

بعدين طلعت ودفعت المبلغ كامل للمكتب الي جنبها ومعي الأخ خالد المغربي المبلغ كان 3950يورو بس انا دفعت بالدولار 4839دولار

بعد ماخلصت دافع المبلغ وعطاني الإيصال رحت انا والسائق للمستشفى الي جنب العياده لأن العمليه بالمستشفى وليس بالعياده وهو قريب جداً بس شارع واحد المهم سحبو دم عشان الفحص ولاتنسى خذ جوازك معك لأنه ضروري بالمستشفى وبعد لاتنسى خلك لابس قميص لأنك راح تشيل القميص قبل العملية وصعب لبس التي شيرت بعد العمليه نصيحه البس قميص الي له زرار عشان اسهل للبس بعد العملية، رحت لغرفه ثانيه ودخلو خمس ممرضين وبدو الحلاقة قدامي تلفزيون وانا جالس استغربت تأخرو وهم يحلقون ويلعبون براسي ! المهم جلست اتابع التلفزيون ومشكله كان الاخ خالد المغربي بالعياده كان يخلص كم واحد كان معي بنفس اليوم ولا فيه احد يتكلم لاعربي ولا انقلش فاضطريت اجلس ساكت وانا اتابع
وانتظرت تقريباً ثلث ساعه :) نمت شوي وانا نوعيتي اذا مليت وطفشت نمت هههه o_O

ويدخل علي الأخ خالد المغربي وقال للأسف العملية راح " تبطل " < يعني تنلغي !!!

قلت افا ليش قال عندك فطريات برأسك ومايصلح نسوي العملية لان لو شلنا الشعر راح تختلط الفطريات مع الدم واذا زرعناه راح ينتشر الفطريات براسك كله ويطيح الشعر المزروع وبكذا ماراح تستفيد وعطاني اسامي ادويه علاج لكن انا ابرجع للسعودية ان شاء الله وبروح لعياده جلديه افضل عشان يتابع معي .

والله يجزاه خير الاخ خالد المغربي والطاقم الطبي كله لأنهم نصحوني ولو هم همهم المال كان سوو العمليه ولاعليهم مني لكن نصحوني قالو نقدر نسويها لكن ماننصحك المهم قالو العلاج مدته شهر عالج بعدين ارجع سوها
بصراحه يااخوان والله انا ارتحت يوم قالو لي مدري ليش ماحسيت باحباط وحمدت ربي اني رحت لهالعياده لان لو غيرهم مااتوقع بيقولون لي مايصلح نسويها المهم رجعت مع الاخ خالد المغربي للعياده واسترجعت كامل المبلغ بس اخذو "300دولار"اي "244يورو" اي "1124ريال"
يقول هذي المدفوعات للمستشفى عشان فحص الدم و و و لكن اذا رجعت ماراح تدفعها مره ثانيه وطبعاً فيه قبل 250يورو قيمه الحجز ويقول الاخ خالد المغربي انها ماتروح علي يعني اذا رجعت خلاص ماادفعها ثانيه

لذا نصيحه يااخوان الواحد اذا فكر يروح قبل مايروح بشهر او شهرين يحلق مكينه درجه 2 ويشيك على راسه قبل يروح عند دكتور جلديه عشان مايدفع تكاليف السفر والرجعه على الفاضي



في الأخير نقول " لعلها خيره ان شاء الله والخيره في مااختاره الله "


أنا راجع ان شاء الله يوم الإربعاء اي احد يبي شي من تركيا اجيبه على دربي يرسلي وان شاء الله راح اجيبه معي


وهذي صوره رأسي الفطر الي يقولون عنه وان شاء الله اذا سويت العملية بعد مااخلص علاج الفطر ابنزل تجربتي مره ثانيه ..,, أسف على التقصير وأي استفسار عن تفاصيل التفاصيل ان شاء الله ابرد باسرع وقت





مع التحديد


 

Doctor

Member
إنضم
8 يوليو 2012
المشاركات
49
مستوى التفاعل
0
النقاط
6
عساها خيره لك ان شاءالله

وبصراحه كبر بعيني المركز بأهتمامهم بالمريض ونجاح العمليه والأهم الامانه الطبيه

لا تحاتي اخوي وان شاءالله انها خيره من ربك واستخير عسى ربي يكتبلك اللي فيه الخير
 

الاسطوري

موقوف
إنضم
18 مايو 2010
المشاركات
1,038
مستوى التفاعل
0
النقاط
36
عسى ان تكرهوا شيئ وهو خير لكم

الحمدلله على كل حال وتأخيرك للعملية شهر او شهرين او حتى 6 اشهر ماراح يأثير بشيء اهم حاجة انك تكون سليم معافى خذ السفرة سياحة ووناسة غير جو، صح تذكرت عندي رقم تور يسوون لك برامج في اسطنبول اهم نقطة انهم يتكلمون عربي اذا بغيت رقمهم برني على الخاص.

ستارهير لاغبار علية في التعامل وانت ليس اول شخص يرجعونة هناك اكثر من شخص ارجعوهم خوفاً على صحتهم او خوفاً من تشوية رأسة بسبب ان المنطقة المانحة خفيفة لدية.

بالتوفيق يالغالي
 

أصلع ملعلع

متميز
صاحب تجربة
إنضم
18 مايو 2011
المشاركات
2,574
مستوى التفاعل
1
النقاط
36
هلا والله ومرحبتين
ولا تعب ولا شي أخوي ما سوينا إلا الواجب
كان ودي أفرح معك اليوم بانتهاء العمليه لكن تأكد أن الخيرة فيما أختاره الله
ومصلحتك ومصلحة نجاح العمليه أهم من الربح المادي
وهذا ما نراه في ماجيك هير
قبلك أحد الأخوان راح ورفضت الدكتوره تزرع له لأن المنطقه المانحه ضعيفه جدا
ولو زرعت له فوق الراس ماراح تقدر تاخذ عدد كافي وراح يكون شكله بااااايخ يعني كل شعره وشعره بينها كيلو متر
لو غيرهم زرعوا له ومشوا حالهم

عموما أخوي لا تاكل كليجا كثير عشان تروح الفطريات
خل أصير دكتور شوي ههههههههه

بس لا تضايق نفسك واقلبها فله وسياحه
وأعتقد إنك ما وصلت سلامي للدكتوره ومساعديها في المكتب اللي قلت لك صح
طيب ما يخالف

المهم لا تهمل موضوع العلاج هذا من جهه
الثانيه لا ترتخي وتترك موضوع الزراعه يعني لا تتعدى شوال ولا تروح إلا بعد ما تفحص وتتأكد مره
تمام يافندم
تحياتي لك وتمنياتي لك بوقت ممتع
 

saad.500

Member
إنضم
16 أبريل 2012
المشاركات
34
مستوى التفاعل
0
النقاط
6
حمدلله على سلامتك وخيره فما اختار الله

ومنها تريح فى شهر رمضان

بالتوفيق غرك زمانك
 

yaser

متميز
صاحب تجربة
إنضم
3 ديسمبر 2010
المشاركات
40
مستوى التفاعل
0
النقاط
6
الحمد لله على السلامه وماتشوف شر وترى انا كان عندي موعد بنفس وقتك وجاني خالد وقالي الغينا عملية واحد لانه تعبان ودخلني مكانك وسويت العمليه وان شاء الله قريب راح اطرح التجربه..
 

beb

Member
إنضم
14 أكتوبر 2010
المشاركات
75
مستوى التفاعل
0
النقاط
6
حمد لله على السلامه وخيره انشاء الله
اقلبها سياحه
 

odishooo

Member
إنضم
2 أبريل 2012
المشاركات
37
مستوى التفاعل
0
النقاط
6
اولا رمضان كريم لكل مسلمي المنتدي (ان شاء الله النسبة 100%)
الخيرة في ما اختاره الله اخي الكريم.. بصراحة هالعيادة كبرت بعيني بعد هالتقرير. عيادة ثانية كانت عملت العملية و ما ضيعت هالمبلغ من ايديها..
بس يا اخي المشكلة تكمن في التواصل مع العيادة.. انا صارلي كاتب 5 ايميلات و ما حصلت اي رد الى الان
 

تـركـــي

متميز
صاحب تجربة
إنضم
26 يناير 2012
المشاركات
975
مستوى التفاعل
1
النقاط
18
الحمد لله على سلامتك وعلى قول المثل كل تأخيره فيها خيره

مو مشكله دام سبب إلغاء العملية شي بسيط وتقدر تعالجه فـ لا تشيل هم

وان شاء الله ترجع لهم بعد ما تعالج وتزرع وتودع الصلع
 

الياس

New Member
إنضم
5 أكتوبر 2011
المشاركات
8
مستوى التفاعل
0
النقاط
1
الله يعين انا اخوك الي كان وياك فالعياده صالح الهاشمي كان تحيد
وانا من وصلتني معلومه ان عمليتك انلغت قلت عساها خير ^^ انا توني راجع اليوم الامارات وسويت العمليه والحمد الله
 
إنضم
16 يونيو 2012
المشاركات
32
مستوى التفاعل
0
النقاط
6
الله يعين انا اخوك الي كان وياك فالعياده صالح الهاشمي كان تحيد
وانا من وصلتني معلومه ان عمليتك انلغت قلت عساها خير ^^ انا توني راجع اليوم الامارات وسويت العمليه والحمد الله


ياهلاااا والله صالح بشر عسى ان شاء الله كل شي تمام ؟ عاد نزل تجربتك بالمنتدى بانتظاااارك يالغالي وتوصل بالسلامه يارب
 
إنضم
16 يونيو 2012
المشاركات
32
مستوى التفاعل
0
النقاط
6
مشكورين ياشباب كلكم على الردود والحمدالله وان شاء الله بعد رمضان ابرجع للعياده مره ثانيه
 

maa525

New Member
إنضم
14 مايو 2012
المشاركات
2
مستوى التفاعل
0
النقاط
1
اخي العزيز

الحمد لله على السلامه. هل ممكن ترسلي رقم وايميا خالد المغربي عل الخاص. حيث اني ارسله ايميل للعياده من اكثر من اسبوع ولم يتم الرد الى الأن.

وشكرا على المساعده
 

أبو عبدالعزيز

متميز
صاحب تجربة
إنضم
19 يوليو 2012
المشاركات
62
مستوى التفاعل
0
النقاط
6

الحمد لله على السلامة
ومدام المسألة فطريات فإن شاء الله المشكلة تنحل
ولا عليك أمر يالغالي، أرسلي رقم خالد أو أي شخص مسؤول هناك
والمبلغ اللي دفتعه وإستُرجع لك، كان للعملية والسكن أو بس للعملية؟
 
إنضم
16 يونيو 2012
المشاركات
32
مستوى التفاعل
0
النقاط
6

الحمد لله على السلامة
ومدام المسألة فطريات فإن شاء الله المشكلة تنحل
ولا عليك أمر يالغالي، أرسلي رقم خالد أو أي شخص مسؤول هناك
والمبلغ اللي دفتعه وإستُرجع لك، كان للعملية والسكن أو بس للعملية؟



الله يسلمك لا اصلا مافيه سكن يأمنه لك المركز هو صح يأمن لك سكن بس انت تدفعه يعني يقولك السكن هذا كويس ورح ادفع يعني حتى لو تطلب منهم سكن ماراح تعطيهم ويروحون يعطونه انت تروح تعطي السكن نفسه فعشان كذا انت احجز من نفسك قبل ماتجيهم واعرف مكان المركز عشان تاخذ سكن حول العياده والله يوفقنا وإياك
 
أعلى