مشكلتي مع تساقط الشعر

السلام عليكم ورحمه الله وبركاته

كيفكم اخواني وخواتي ان شاء الله تمام ...

هذه اول مشاركه لي وياريت تساعدووووووووووووووني

عمري 26 سنه واعاني من تساقط للشعر شعري خفيف والشعر نفسها رفيييييعه جدا وناعمه ماتركت شي ما استخدمته من زيوت لمستحضرات وما استفدت ولاشي يقل التساقط شوي ويرجع مره ثانيه ومشكلتي اصبغ شعري دايما والحين لي فتره لقيت زاد الشعر الابيض براسي وهالشي مزعجني مررررررررررررره

وحسيت شعري مايناسبه الزيوت لانه يتساقط بزياده فبطلت ازيته ابغى استخدم منتجات بخاخات اي شي دلوني على شي ممكن ينفعني بعد الله سبحانه وتعالى ... اتمنى نصيحتكم ومساعدتكم في الانتظااااار ...

اول شي ماتشوفين شر وحياك الله ..
لازم اول تعرفين وش سبب التساقط عندك وابشري ان شاء الله ماراح نبخل عليك بلي نعرفه
واعضاء المنتدى ماراح يقصرون معك , وبالنسبة للشيب ماله علاقه بالتساقط ,ولاتصبغين او قللي من الصبغ
لان كثرة الصبغ تتلف الشعر .

والله يا اخوي ما اعرف ايش السبب بالضبط بس من سنتين حللت وطلع عندي خمول بالغده الدرقيه وقال الدكتور ان من احد اسبابها تساقط الشعر وملتزمه بالعلاج ودخلت للحد الطبيعي الحمد لله لكن التساقط زي ماهو
والتساقط عندي مو وراثه امي ماشاء الله شعرها كويس وابوي كمان ... والتساقط عندي مو من منطقه معينه لا واحيانا يكون الشعر الللي ينزل يكون فيه جذر واتضايق مررره انه ليش كذا

اول شي الحمدلله انها مو وراثة وكلام الدكتور صحيح فعلا من اسباب تساقط الشعر خمول الغدة الدرقية وبمعالجة السبب يرجع الشعر الى مستواه الطبيعي وتساقطه الطبيعي وانا الحقيقة ماعندي خلفية عن مشاكل الغدة الدرقية وطرق علاجها
نصيحتي لك انك تتاكدين من الغدة الدرقية انها في مستواها الطبيعي عند دكاترة متخصصين وتثقفي نفسك بموضوع الغدة وكيف تحافظين عليها طبيعية هذا الشي الاول ,
في اسباب كثيرة غير الغدة والوراثة ممكن تكون فقر دم او نقص حديد هذا كلها لازم تتاكدين منها وامرها هين .
وبالنسبة انك تشوفين جذر على اي اساس حكمتي انه جذر ممكن تكون قشرة ولا عوالق ولا غيرها لان الجذر مو بسهوله تشوفينه وخلي عنك الوسوسة وتراى النفسية تلعب دور ونا اخوك .
ماتشوفين شر ..

هلا اخوي ومشكور على اهتمامك وبالنسبه للغده حللت من فتره والحمد لله صارت تفرز بشكل طبيعي وماعندي لأفقر دم ولا اي نقص وبالنسبه للجذر أظن انه جذر لانه لاصق بالشعر بنهايته الجزء المتصل بالفروه بيضاويه تقريبا وموقاسيه وانا من فتره استخدمت الصبار والحمد لله وقف التساقط تماماً بعدين وصفته وبعدين رجع مره ثانيه وزي ماقلت الشعره نفسها رفيعه وخفيفه وابغى استخدم منتجات بس ما ابغى العب بشهري ويخرب زياده*

وعليكم السلام ورحمة الله وبركاته
أولاً الحمد لله على سلامة نتائج التحاليل
بالنسبة لكسل الغدة الدرقية عند النساء فهي تؤثر على الصحة بشكل عام
وسبب رئيسي لتساقط الشعر
لكن طالما أن التحليل جيدة والتساقط عندك ليس وراثي فأنا أنصحك بتحليل لفيتامين ( د ) وحديد وكالسيوم
كذلك أنصحك بتنظيم الوجبات اليومية والحرص على وجبة الإفطار خاصة ( مهم )
كذلك الإكثار من أكل الفواكة والخضار الطازجة بشكل يومي وشرب الحليب لأن صحة الشعر تبدأ من الداخل ( التغذية السليمة )
بالنسبة للشيب هذا موضوع ثاني
وللأسف لايوجد له حل في الوقت الحالي إلا إخفاءة بالصبغة ( شر لا بد منه ) لكن حاولي تخففين من الصبغة مثل ما قال أخونا ساهر الليل
ولو تقدرين تستبدلين الصبغات الكيميائية بالصبغات الطبيبعة أو بالحناء فهذا جيد وأفضل لسلامة الشعر
بالتوفيق

هلا اخوي وجزاك الله كل خير على نصائحك وانا بديت فيها وان شاء الله بستمر

بس ياريت لو في منتج استخدمه لشعري يقويه ويكثفه على الاقل يسمك الشعر شوي خصوصا عندي شعر خفيف في بعض الاماكن